Lucas 18:17 - Dios Iwene

¹⁷ Isabenö yötawaduwakwö chömöledö, tjemu tjösödi̧danö Dios la'aka luwo̧ ö̧jakwa̧ ösödadöda jobe tetjachakwedö chömöledö, jo̧kwajabetjö̧ tjemu tjichoböma kwöpöjödaduwa— jö̧ba̧lö yöawinobe Jesúsma.

Lucas 18:17 Iomraidhean Croise

Mateo 18:3

Jejenö junajo̧, jojodönö yöawinobe: —Isabenö yötawaduwakwö, kwomukwataduwi̧ balewachö, bidö tjemu tjomukwati̧danö omukwatadö bakibaduwökötjö̧ma, la'akatjöda Dios la'aka luwo̧ ö̧jakwa̧ tekachaduwökena.

Mateo 19:14

Jejenö wetjiökwe, Jesúsma öpöjödinobe, ja̧danö weinobe: —¡Tjökeba̧laduwa! Tjemuma wainö chö̧jobekwö tjichakwedö. Jau chömöledö, tjemu tjomukwati̧danö omukwatadöda Dios la'aka luwo̧ ö̧jena tjö̧jakwedö, jo̧kwajabetjö̧ tjichoko jö̧ba̧lö webökönaduwi— jö̧ba̧lö.

Marcos 10:15

Isabenö yöta̧laduwakwö: Bakwo̧, tjemu Diosnö tjösödi̧danö ösödö jö̧kö̧ma, Dios La'aka Luwo̧ ö̧jobekwö teachökakwo̧—jö̧ba̧lijetö Jesúsma iteda öba̧ja̧di̧ waisachadönöma.

Lucas 18:16

Jo̧kwaijayonö tjichejebokobö wetjiökwe, Jesúsma öpöjödinobe, ja̧danö tjemu tjichobö ösödö weinobe: —¡Tjökeba̧laduwa! Tjemuma wainö chö̧jobekwö tjichakwedö. Jau chömöledö, tjemu tjomukwati̧danö omukwatadöda Dios la'aka luwo̧ ö̧jena tjö̧jakwedö, jo̧kwajabetjö̧ tjichoko jö̧ba̧lö webökönaduwi.

1 Corintios 14:20

Chömöledö, biya̧ yötawaja̧ jawa wajwibö kwomukwataduwa, tjemu wajwitji̧danö. Suli̧ jawa wajwiköbaduwobö chösöda chömöledö, bakwainö otiwi̧da kwomukwataduwo jö̧ba̧lö, jo̧kwaijayonö biya̧ yötawaja̧ jawa tjo̧'wo̧ luwo̧nö da̧peachadö tjomukwati̧danö jweinö kwomukwataduwobö chösöda.

1 Pedro 1:14

Ja̧danö, Kwabe'do Dios wei̧ ja̧bö ja̧nö, ajayinö kwösödinaduwa ja̧böma kwö̧jaduwoko chömöledö, ina wajwibadö kwö̧jaduwayi kwösödinaduwama.

1 Pedro 2:2

Jau chömöledö, ja̧ jawa kabatibö, balekwa̧da kwösödaduwo chömöledö. Wanedö yötawa, tjemu iya̧nö tjeminawö̧danö, kwo̧'wo̧ luwo̧ jawa lechedanö ji̧ma kwösödaduwo chömöledö, otiwanö kwöda̧peachaduwobö.