Lucas 17:4 - Dios Iwene

⁴ Jau chömöledö, bakwo̧ ökwönö sulabenö ja̧bajo̧ sulabenö omukwataja̧ kabatibö öbalewachitjö̧ma, isabenö sulabenö ja̧aja̧ omukwatökönö kwösödobö jo̧be. Ja̧danö, yemidanö sulabenö ja̧bibö sulabenö omukwataja̧ kabatibö balewachö, ikena yemidanö jelemutjö dötölatajanö baibanö sulabenö ja̧bajo̧ sulabenö omukwataja̧ kabatibö balewachajo̧ ichö, sulabenö ja̧tajabe jö̧ba̧lö ichö yöawitjöma, ida̧ökö nöinö baledijayonö yayonö kabatökönö sulabenö ja̧aja̧ omukwatökönö jo̧banö kwösödobö jo̧be chömöledö— jö̧ba̧lö yöawinobe Jesúsma iteda öba̧ja̧di̧ waisachadönö.

Lucas 17:4 Iomraidhean Croise

Mateo 18:16

Jo̧kwaijayonö yökawi̧ a̧ja̧kwobö öpöjöditjö̧ma, ju'wedö kwömöledötjö bakwo̧nöö̧kö̧, du̧ju̧tajanöö̧kö̧ öbibö yemidanö 'ya̧wi, Dios damötjö weinadanö du̧ju̧tajaena, wa̧medukwaena ja̧i̧ edajadö, jo̧banö isabenö yöka̧li̧ wene jweinö yötjawakobetjö̧.

Mateo 18:35

Tupakwö yöawinobe Jesúsma: —Mölejȩbe jo̧ Chabe'dobi ja̧danö chömöledö. Ökwödöma kwöjawo̧ sulabenö ja̧aja̧ omukwatökönö isabenö jo̧banö kwösödökötjö̧ma, Diosma ökwödö sulabenö ja̧köbaduwaja̧bi söbebö loökena— jö̧ba̧lö yöawinobe.

Mateo 5:44

Jo̧kwaijayonö, baikwö yötawaduwakwö chömöledö: Kwöpöjojodönöbi kwösödaduwo, ja̧danö usula kwemawobö ja̧badönö Diosnö akebaduwo, jö̧ba̧lö yötawaduwakwö.

Mateo 6:12

Ja̧danö, ökwödönö sulabenö ja̧bajadö sulabenö ja̧tjaja̧ omukwatökönö, jobadönö dösödi̧danö, sulabenö ja̧daja̧ omukwatökönö kwösödo ökwödönö.

Lucas 17:5

Ja̧danö, Jesús webawedöma Jesúsnö atjebinobe: —Duluwo̧, ida̧ökö Dios yöawi̧ ösödadösa, jo̧kwaijayonö ajayitjö bajalekwönönö nöinö Dios yöawi̧ dösödobö pjabati— jö̧ba̧lö.

Romanos 12:20

Jau chömöledö, Dios iwene wei̧danö ja̧köbaduwo. Baikwö weobe Dios iwenema: Kwöpöjojonö a̧wi̧chi̧ tjöitjö̧ma, jo̧banö kwakwawa kwiyo, ja̧danö ojwiyo o̧ti̧ tjöitjö̧ma, ojwiyo kwiyo. Jejenö ja̧köbitjö̧ma, taba lö̧jökwe ö̧jakwo̧ kwöpöjojoma, jö̧ba̧lö laebobe Dios iwenema.