Lucas 17:34 - Dios Iwene

³⁴ Ja̧danö, yemidanö chichibakwa̧ badekwachenama, isabenö lȩtebocha chömöledö, waisanö sulabedönö otiwadötjö böjö lȩtebocha. Baikwö yötawa: kamapjo bakwapjonö du̧ju̧taja tjabonö, sulabo̧nö emö lȩtebocha, jelo̧ okobe ö̧jibonö.

Lucas 17:34 Iomraidhean Croise

Isaías 42:9

Ötjöma isabenö jweinö yöbawo̧sa, okobe jwiinö damötjö baledakwa̧ yötawinama, yötawinadanö badekwachajabe. Ja̧danö babema jemi tupakwö baledakwa̧bi yötawocha. Jau, baledakwa̧ abönö, jweinö yötawocha, ina baledapji, —Baikwö isabenö baledakobe, —jö̧ba̧lö jweinö yötawocha, jö̧ba̧lö laebobe Dios yöa̧li̧ma.

Mateo 24:25

Jau chömöledö, ja̧ baledakwa̧ abönö, ökwödönö yötawajabe kwöwaisaduwobö.

Marcos 13:23

Otiwanö tjöbeba̧lakwawö kwuju̧kwaduwo, chömöledö. Biya̧ma okobe jwiinö baledakwa̧ abönö ökwödönö yötawa kwöwaisaduwobö, ja̧danö, tjöbeba̧lakwawö kwuju̧kwaduwobö— jö̧ba̧lö yöbawijetö Jesúsma.

Marcos 14:29

Ikenama Pedroma jö̧ba̧lijetö: —Okobe deinö ökwönö katjatibonöbi ötjöma katatibökakwo̧sa— jö̧ba̧lijetö.

Lucas 13:24

—Chömöledö, apjude ja'yuwadebenö tekachaduwobö jwaikwöda kwisakwaduwo, jade utumatakwa̧ abönö. Jau chömöledö, ba̧jekwadö tetjachobö tjisakwakobe, jo̧kwaijayonö tetjachoböma jwiakobe, utumatakwa̧ abönö ja'yuwadebenö tetjachokobetjö̧.

Lucas 13:3

Ju'wedö Galilea jojodötjö bajalekwönönö sulabedötjinokobe chömöledö. Dios öba a'otjö jobadöbi, ju'wedö Galilea jojodöbi, ökwödöbi bakwaibedöja. Jau chömöledö, Dios öba a'otjö ökwödöbi isabenö sulabenö omukwatadöja, ja̧danö sulabenö kwomukwataduwi̧ kabatibö kwöbalewachaduwökötjö̧ma, ökwödöbi isabenö Dios lȩebi̧tjö kwemaduwakwedöja.

Lucas 13:5

Ju'wedö Jerusalénnö ju̧kwadötjö bajalekwönönö sulabedötjinokobe chömöledö. Dios öba a'otjö jobadöbi, ju'wedö Jerusalénnö ju̧kwadöbi, ökwödöbi bakwaibedöja. Jau chömöledö, Dios öba a'otjö ökwödöbi isabenö sulabenö omukwatadöja, ja̧danö sulabenö kwomukwataduwi̧ kabatibö kwöbalewachaduwökötjö̧ma, ökwödöbi isabenö Dios lȩebi̧tjö kwemaduwakwedöja— jö̧ba̧lö yöawinobe Jesúsma.

Lucas 17:33

Jau chömöledö, bakwo̧ juluwanö döbibajökönö iteda otiwanö ö̧ji̧ jawa ujuna̧lobö isakwitjö̧ma, waekwena, jo̧kwaijayonö otiwanö ö̧ji̧ jawa okobe junibö döibajitjö̧ma, döbibajö ö̧jibena.

Lucas 17:35

Ja̧danö ya̧dö du̧ju̧taja bakobe trigoso̧pja̧ tjotidonö, jobadötjö sulabujunö emö lȩtebocha, jeluju okobe jö̧jibonö— jö̧ba̧lö yöawinobe Jesúsma, iteda öba̧ja̧di̧ waisachadönö.

2 Pedro 2:9

Ja̧danö baikwö yötawaduwakwö chömöledö, ja̧ wene edö, baikwö döwaisachibobö jo̧be, Diosma ökwödö jo̧banö ösödadönö isabenö usula demawi̧tjö dö̧jibinö pjaatobö waiso̧, jö̧ba̧lö. Ja̧danö, ju'wibi waiso̧ chömöledö, Diosnö öpöjödadö iteda lȩebakwa̧tjö dötjibapji jö̧ba̧lö ite'ada̧lobö waiso̧, inesö jojodö ja̧tji̧ otiwojobö sulojobö jö̧ba̧lö yöawakwa̧ möle baibenanö kabatö.