Lucas 17:29 - Dios Iwene

²⁹ Ja̧danö, Lot Sodomatjö laebenama, iya̧da möleda mölejȩbetjö ubi̧ öwiyabi tubi̧bi tjoduwinobe, ja̧danö okobe deinö jobadönö söbebö loinobe.

Lucas 17:29 Iomraidhean Croise

Isaías 1:9

Jau chömöledö, ökwödö israel jojodöma, Sodoma comunidaddanö, ja̧danö Gomorra comunidaddanö badibo jö̧da̧linobe, Dios lȩebi̧tjö okobe deinö bakobe debö di̧'yo jö̧da̧linobe chömöledö. Jo̧kwaijayonö, okobe deinö debö di̧'yapji jö̧ba̧lö, Isabenö Jo̧ okobe jwiinö juluwo̧ Diosma ökwödö israel jojodötjö o̧bukwedönö tjöbeba̧lö pjaatajabe, Sodomadanö, ja̧danö Gomorradanö badibapji jö̧ba̧lö.

Isaías 13:19

Ja̧danö, jobekwö söbebö lotjobetjö̧, Sodoma comunidaddanö, ja̧danö Gomorra comunidaddanö baibakobe Babilonia comunidadma. Jau, Babilonia comunidadma, ju'wi tjitebotenia comunidadtjö inesö otiwi̧ comunidad ji̧najayonö, Dios Sodomabi, Gomorrabi söbebö loinadanö baibakobe Babilonia comunidadma.

Lucas 17:28

Ja̧danö Lot ö̧jena ju̧kwadöbi ja̧danö. Lot ö̧jena jojodöma tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö emöbi tjitea tjeminobe, ja̧danö iyöbi tjitea tjiyinobe, ja̧danö batjo otidöbi tjotidinobe, ja̧danö o̧do otidöbi tjotidinobe, Dios lȩebakwa̧ badekwachenanö kabatö.

Lucas 17:30

Jejenö badekwachakobe ötjö jojo baibanö jeminökwe yemidanö chichakwa̧ma, jojodö tjo̧'wo̧ söba̧lö, wene jwia jö̧ba̧lö omukwatö tjö̧jonö, öwaetjöda öwawinö lȩbebö chichakobe.

2 Pedro 2:6

Ja̧danö, Sodoma comunidadnö ju̧kwadöbi, Gomorra comunidadnö ju̧kwadöbi Dios lȩebitjö̧ tjö̧jibinokobe chömöledö. Jobadönö okobe deinö söbebö loinobe, ja̧danö jobadö tjiteboma ökwölaso̧pja̧ baibanö söbebö loinobe, ¿jö̧tö?

Judas 1:7

Ja̧danö Sodoma comunidad ju̧kwadöbi, Gomorra comunidad ju̧kwadöbi, ö'öbö comunidad jobadö ja̧tji̧danö sulabenö 'da̧'da̧bakwawö ja̧badö, ja̧danö tjöpöjödo jö̧tja̧li̧ jawa sulabenö ösödadöma Dios lȩebi̧tjö tjeminobe, ¿jö̧tö? Jau chömöledö, ökwöla tiibokolama jobadönö söbebö loinobe, ja̧danö ja̧ jobadönö baledinama öwaetjöda i̧sebobe, jobadöjayedönö Dios isabenö lȩebakwawö̧ jö̧ba̧lö, ¿jö̧tö?

Apocalipsis 11:8

Ja̧danö, kwabawö loajawö̧ma, jobe inesö la'akasemi comunidad ö'weje la̧manö tjö̧bajobe, i̧lȩdo̧ okwa lödawöködöda. Jemi comunidadma Sodoma, jö̧ba̧lö, ötjabemi, suli̧ baibinemi Sodomanö wanekwachobetjö̧. Ja̧danö, Egipto, jö̧ba̧lö, ötjabemi, suli̧ baibinemi Egiptonö wanekwachobetjö̧. Jemima jobadö kwabö loajawö̧ tjuluwo̧nö ösötenö bȩtjinemi.

Apocalipsis 19:20

Jo̧kwaijayonö kabayu dewo̧ wamenö wo̧ma, iteda ömöayedökwö ojwe okwatjö labebinanö do̧a̧lobe chedijatö. Ja̧danö, böjȩ teebetjö labebinanö, Dios iwene yöbawo̧sa, jö̧ba̧lö, omöna yöba̧lo̧nöbi do̧a̧lobe chedijatö. Ja̧danö, jo̧ba böjȩ teebetjö labebinama, ujulu i̧sebö jojodönö jelobekwö tjomukwatinö öbibo̧, ojwe okwatjö labebinanöbi, jo̧ba o̧'wo̧ jawabi tjösödinö. Ja̧danö, jo̧bama, jojodönö jelobekwö tjomukwatinö, tjöbanöbi, tjömamiju tjöwaisobekwöchobesamunöbi ojwe okwatjö labebina imi seyu do̧bö wȩyukwa tjösödobö öbibo̧. Ja̧danö, kabayu dewo̧ wamenö wo̧ma, jobadö du̧ju̧tajanöma, ina 'yaba̧ladönöma, ökwöla nöola okwa loobe chedijatö, jwiinö tubinö azufre mikwi̧ ubolanö.