Lucas 17:27 - Dios Iwene

²⁷ Jau chömöledö, Noé ö̧jena jojodöma, tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö ömadöma tji̧lȩkwa̧munö tjeminobe, ja̧danö ya̧döma tji̧lȩkwa̧munö tjeminobe, Noé isowi nöowinö teachakwa̧ möle baibenanö kabatö, ja̧danö ojwe okwatö okobe deinö jobadönö söbebö loenanö kabatö, ¿jö̧tö?

Lucas 17:27 Iomraidhean Croise

Génesis 7:23

Isabenö Jo̧ma jejenö okobe deinö böjȩnö ju̧kwadönöma söbebö lobijetö. Ja̧danö, jojodönöbi, a̧ji̧kwakwawedönöbi, nijinö kwebachadönöbi, nijinö töbawadönöbi, mö köba̧lö ju̧kwadönöbi söbebö lobijetö Isabenö Jo̧ma. Noéda Noékwö isowi okwa tebachajadöda ju̧kwibijadötö.

Génesis 7:7

Ja̧danö, Noé, i̧tji̧mu, ilekwo, o̧jo̧li̧mu isowi okwa tebachijadötö, ojwiyo okwati̧tjö ju̧kwibadöma.

Isaías 21:4

Jwiinö labi̧ jawa chedajobetjö̧, otiwanö omukwatökönö jo̧sa, yebabinö tjö̧bawö jo̧sa. Ajayinö yöte baibakwa̧ chiteada̧latö, yö̧te juluwanö baibowe, jö̧ba̧lö. Jo̧kwaijayonö babema yöte baibajabe, jadanö Dios i̧sȩbaja̧ edajo̧, jwiinö yebabinö jo̧sa.

Isaías 47:11

Jau, inesö suli̧ waedakwawa baledakobe ökwönö, ja̧danö nöinö mea boköbijayonö, kwö̧jibobö jwikibakwujuja. Ja̧danö ötjönö söbebö lotjapji jö̧ba̧lö, chimidobö juna̧lujusa jö̧ba̧lö kwomukwatijayonö, söbebö loawa jawa baledakobe ökwönö, ja̧danö midö kwö̧jiboböma jwikibakwujuja. Jau, baledakwa̧ wajwibö, otiwanö wene jwia jö̧ba̧lö kwomukwatemi ja'ötjö, inesö labi̧ jawa juluwanö baledakobe, suli̧ kwöwaekwi̧nö.

Mateo 22:30

Jau, wobinadö wobajaletjö tjetjachajenama, tji̧lȩkwa̧munö tjemökakobe, Dios ömöayedö ángelesdödanö tji̧lȩkwa̧munö emökönö tjö̧jakwedö, jo̧kwajabetjö̧ mölejȩbetjö jelo̧ ilekwo jö̧jökakwuju.

Lucas 17:26

Ja̧danö, jejenö baledaja̧ ikena ja'yubenö lekwajabetjö lȩbebö chichakobe. Ja̧danö, lȩbebö chichakwa̧ abönö, Noé ö̧jinena baledinadanö baledakobe chömöledö, jojodö lȩtebakwa̧ tjomukwatokonö juluwanö chichakobe.

Lucas 17:28

Ja̧danö Lot ö̧jena ju̧kwadöbi ja̧danö. Lot ö̧jena jojodöma tjo̧'wo̧ söba̧lö kwanöbi tjukwinobe, ja̧danö owöbi tjowinobe, ja̧danö emöbi tjitea tjeminobe, ja̧danö iyöbi tjitea tjiyinobe, ja̧danö batjo otidöbi tjotidinobe, ja̧danö o̧do otidöbi tjotidinobe, Dios lȩebakwa̧ badekwachenanö kabatö.

1 Samuel 30:16

Ikenama, jo̧ba egipcio jojoma Davidnö öbibö i̧sȩbinobe Davidnö, uluwo̧ ö̧jobema, ja̧danö edö jalobe ba'ali junadönö tjedinobe. Amalecita jojodöma naukwabinö ölakwabikwawö filisteo jojodö tjitebotjöbi, Juda jojodö tjitebotjöbi tjȩwa̧jinobe, ja̧danö ȩwa̧jadö, nöinö naukwajadö tjȩwa̧jinobe. Jo̧kwajabetjö̧ tjo̧'wo ösöwanö kwanöbi, owöbi, baile döböbi ba'ali tjujuni̧ edinobe Davidma.