Lucas 16:7 - Dios Iwene

⁷ Ikenama ikena musido̧nö abebö a̧ja̧kwinobe: ¿Dokwa nöinö chuluwo̧nö kwumusidobeda? jö̧ba̧lö. Abebö a̧ja̧kwökwe atadinobe: Ötjöma trigosa'wo ciennö tuda'wiju chumusidobe, jö̧ba̧lö. Atadökwe te'ada̧lakwawa luwo̧ma weinobe: Kwatjö̧ma kwumusiditjö ja'önöda söbebö lotakwö. Kwumusidi̧söjanö ochentada lödi, jö̧ba̧lö weinobe.

Lucas 16:7 Iomraidhean Croise

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Lucas 16:6

Abebö a̧ja̧kwökwe, atadinobe musido̧ma: Ötjöma ciennö o̧te ö̧pjiya chumusidobe. Yöa̧lökwe te'ada̧lakwawa luwo̧ma weinobe: Kwatjöma kwumusidi̧tjö ja'önöda söbebö lotakwö. Kwumusidi̧söjanö cincuenta lödi, jö̧ba̧lö weinobe.

Lucas 16:8

Jejenö ja̧inobe uluwo̧ itea sulabenö te'ada̧lo̧ma, otidawatjö laebaja̧ ikena, tjumusidi̧ söbebö loiawö̧, uluwo̧nö musidadöma jo̧banö pjatjatakobetjö̧. Ja̧danö, jejenö ja̧iökwe, uluwo̧ma yöa̧linobe: Bite chömöayo̧ma sulabenö ötidijayonö isabenö waisanö omukwatö ja̧ajabe, otidawatjö laebaja̧ ikena ina otiwanö ujuna̧lakobetjö̧, jö̧ba̧lö. Jau chömöledö, jo̧ba sulabenö otido̧ma isabenö waisanö omukwatinobe tupakwö ö̧jakwa̧ma, böjȩ jojodö isabenö otiwanö tjö̧jakwa̧ tjomukwatobetjö̧. Jau chömöledö, böjȩ jojodö Diosnö ösödöködöma Diosnö ösödadö dewinö tjuju̧kwakwedötjö bajalekwönönö otiwanö tjö̧jakwa̧ omukwatö tjö̧jobe. Jo̧kwaijayonö ökwödöbi isabenö otiwanö kwö̧jaduwakwa̧ kwomukwataduwo, isabenö mölejȩbetjö otiwanö kwö̧jaduwakobetjö̧.

Lucas 20:12

Jemi ikenama jelo̧nöbi weinobe, wa̧medukwa baibanö, jo̧kwaijayonö jo̧banö inia tjöbö usula emawinö kwakwabö, jo̧banöbi a'dewö lotjinobe.

Lucas 20:9

Jemi ikenama Jesúsma jojodönö wanedö yöawinobe, baikwö: —Bakwo̧ niji junalo̧ma uba batjo otidinobe. Ikenama, ju'wedö batjo otidadönö mikwanö öbalewinobe öbatjoma jobadöda midö tjotidobö, ja̧danö balewajo̧, jelobe ju'wedö tjitebobe lekwe ja̧nö i̧'yinobe.