Lucas 16:3 - Dios Iwene

³ Yöa̧liökwe, ömöayo̧ te'ada̧lakwawa luwo̧ma omukwatinobe itedada, Ayö, babema ¿dakwö ja̧takwajö kwakwawa chemoböma? Isabenö juluwö̧kö̧sa, 'diinö otidö balada chemoböma, ja̧danö jojodönö abeba̧lö chö̧joböma chötabakwobe. ¿Dakwö ja̧takwajö?

Lucas 16:3 Iomraidhean Croise

Proverbios 13:4

Ja̧danö, ju'wibi yötawa 'du̧wekwo̧nöbi dösökwö otido̧nöbi wanedöma: 'Du̧wekwo̧ma ju'wi jawabi ju'wi jawa emobö ösödijayonö emökakwo̧. Jobekwö ö̧jokobe dösölö̧jinö otido̧ma. Jo̧bama dösölö̧jinö otidobetjö̧ ösödi̧ jawa nöinö emakwo̧.

Proverbios 15:19

Ju'wibi yötawa, du̧ju̧tajanö wanedö, 'du̧wekwo̧nöbi, Dios wei̧ a̧ja̧kwo̧nöbi: Ja̧danö, 'du̧wekwo̧ma otidobö ji̧jayonö, dakwö chotidakwa̧jö nöa, jö̧ba̧lö, chotidökena, jö̧ba̧lö otidokobe. Jo̧ba 'du̧wekwo̧ma sȩa'wonö kwebachö, ba̧ja̧ ö̧'i̧ya tjöeba̧lökwedanö wanekwacho̧, dakwö kwetachakwa̧jö sȩa, jö̧ba̧lö. Okobe jwiinö, chotidoböma waiya jö̧ba̧lö omukwatobetjö̧ otidokobe. Jo̧kwaijayonö, Dios wei̧ a̧ja̧kwo̧ma dösölö̧jino otidobetjö̧ jweamanö, suli̧ tjöeba̧lakwawa jwii̧ mananö jweinöda kweachobedanö wanekwacho̧.

Proverbios 18:9

Ja̧danö, ju'wibi yötawa, du̧ju̧tajanö wanedö, bakwainö sulabenö omukwatadönö. Bakwo̧ iteda otidawa otidökönö 'du̧wekwo̧ma. Jelo̧, okobe jwiinö söbebö lobo̧. Isabenö yötawa: 'du̧weko̧bi, söbebö lobo̧bi ba̧kwainö sulabenö omukwatadö.

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.

Proverbios 20:4

Ja̧danö, ju'wibi yötawa: 'Du̧wekwo̧ma öbatjo juokobetjö̧ ukwakwa̧ma jwiakwo̧. Jo̧ba 'du̧wekwo̧ma imiamenö batjo 'wibö, jubö, juwö, junö otidokobe. Jo̧kwaobetjö̧, tupakwöma öbatjonö wa̧ji̧ emobö chemowe, jö̧ba̧lö omukwatijayonö jwiakwo̧, ajayitjö ujuninokobetjö̧.

Proverbios 29:21

Ja̧danö, ju'wibi yötawa, wanedö: Bakwo̧ tjuluwo̧ma tjȩmunö midö eminobe, iteda ömöayo̧ ö̧jobö. Ja̧danö, midö eminökwema tjȩmutjö̧ ja̧tebö okobe jwiinö uluwo̧nö aeba̧li̧ma uluwo̧ma ba̧kwȩlö̧jatebö iyinobe. Jobekwö ba̧kwȩlö̧jatebö aeba̧li̧ iyobetjö̧ ju'winö pöe ö̧jenama o̧'wo sulinö edö okobe jwiinö uluwo̧ iteama önaukwakwo̧.

Isaías 10:3

Jobekwö sulabenö ja̧köbaduwobetjö̧, ¡ökwödöwe! Dios lȩebakwa̧ mölȩ badekwachenama, dakwö kwö̧ji̧baduwakwajö? Ödötjö ichadö ökwödönö söbebö lobö tjichenama, dakwö kwö̧jibaduwakwajö? Dios yöawi̧ kwöpöjödaduwobema, dite tjöbeba̧lo̧ ö̧jobekwö dökibaduwakwajö? Ja̧danö nöinö kwujuna̧laduwi̧ma, dai kwujunibaduwakwajö, 'dötebapji jö̧ba̧löma?

Mateo 20:8

Ikenama, yö̧te baibenama iteda ömöayedötjö la'aka luwo̧nö weinobe, otidadönö jwöbö, tjotidaja̧ mikwa imidobö. Imidenama, bajaleapo otidajadönö abönö imidobö weinobe, ikenama jobadötjö abönö otidajadönö imidobö weinobe.

Marcos 10:46

Ikenama Jesúsma iteda öba̧ja̧di̧ waisachadökwö Jericónö ichibijadötö. Ikenama jobadöma jobetjö tjȩwa̧jena ba̧jekwadö tjökömanö 'yi̧jadötö. Tji̧'yemi bakwo̧, öbajale tjewawo̧ma mana ö'öbönö ba̧nö balada abeba̧lijetö. Jo̧bama Timeo itji̧, Bartimeo mikwo̧.

Lucas 12:17

Jejenö nöinö wa̧jiökwe omukwatinobe: ¿Dakwö ja̧takwajö? Yelösöda nöinö wa̧jobema, ja̧ wa̧ji̧ lödawejuma obiökena. ¿Dakwö ja̧takwajö? jö̧ba̧lö omukwatinobe.

Lucas 16:2

Yötja̧liökwe, uluwo̧ma itea te'ada̧lakwawa luwo̧nö jwöinobe, ja̧danö jo̧banö yöa̧linobe: Sulabenö ja̧köbaja̧ cha̧ja̧kwajabe chömöayo̧. ¿Tajawedö sulabenö kwotidaja̧da? Jejenö sulabenö kwotidobetjö̧, tupakwö chitea te'ada̧lakwawa luwo̧ kwotidobö jwiobe. Jo̧kwajabetjö̧ chitea wȩyukwöja otidi, ikena te'ada̧lakwawa luwo̧ma chitea öwaisobö, jö̧ba̧lö weinobe ömöayo̧nö.

Lucas 16:20

Ja̧danö, jo̧ba eju apjude ö'öbönö, jelo̧ ö̧binobe, Lázaro mikwo̧ma. Jo̧ba Lázaroma usulaso̧inobe, ja̧danö ju'wibi i̧sȩdo̧ bakwameachibanö wale'debiya ba̧jökwe ö'wöchinobe.

Lucas 16:22

Ja̧danö, ju'winö jo̧ba usulaso̧ Lázaroma ö'wö baibinobe, ja̧danö woaja̧ ikena ángelesdöma o̧'wo̧ luwo̧nö emö tjȩwa̧jinobe, Diosnö ösödadö tjö̧jena, Abrahammine inesö otiwobe ö̧jena Abrahamkwö ö̧jobö. Ja̧danö, jemi ikenama balada luwo̧bi ö'wö baibinobe, ja̧danö ö'wö babibajo̧nö tjo̧tjinobe.

Lucas 16:4

Aaa, ja̧takwa̧ chöwaisachiba. Chuluwo̧nö musidadönö ötjönö musidadödanö batjibanö ja̧tocha, chotidawatjö latebaja̧ ikena jobadöda tjejutjö chukwobö tetjatakobetjö̧, jö̧ba̧lö omukwatinobe itedada.

Lucas 18:4

Lekwe möle jejenö jichiba̧lijayonö, lȩekwa luwo̧ma pjaatobö öpöjödinobe ajayinöma. Jo̧kwaijayonö kabatökönö jichiba̧liökwe, bajalianö omukwatö yöa̧linobe itedada: Diosnö yebabinö chomukwatököjayonö, ja̧danö jojodönö pjatatobö chomukwatököjayonö,

Juan 9:8

Jojodöma, jo̧ba ö̧jobe yöneawinö ju̧kwadöma, jo̧banö waisadöma, jo̧banö edö: —Bitema lekwe möle ediadinökwe. Ba̧nö jojodönö balada abeba̧lo̧— jö̧tja̧linobe—. ¿Jo̧badaji̧? jö̧tja̧linobe, idödada.

Hechos 3:2

Tjichena ju'wedöma bakwo̧nö, kwebachö̧kö̧nö e'ewö ichejebijadötö. Jo̧ba kwebachö̧kö̧ma, la'akatjöda ömasapiya sulina. Ja̧danö, ju'wi möle jwiinö ju'wedöma jo̧banö ichejebiabijadötö Dios eju tjöekwemi apjude a'o ö̧bobö. Jade apjudema, otiwade, mikwade. Jena ba̧nö jo̧ba kwebachö̧kö̧ma Dios eju tjöekwemi okwa tebachadönö balada abeba̧lö bi̧abijetö.

Hechos 9:6

Ja̧danö, a̧laibö 'ya̧wi Damascobe. Jobe jo̧ma yöawakobe ja̧köbakwa̧ma— yöbawijetö Jesúsma Saulonöma.

2 Tesalonicenses 3:11

Jobekwö yötawa chömöledö, ökwödönö da̧ja̧kwobetjö̧, Tesalónica ju̧kwadö Jesúsnö ösödadötjö, ju'wedöma otidökönö ja̧nö, sule ju'wedönö weba̧lö sulabenö kwebacha̧lö tjö̧jobe.