Lucas 16:23 - Dios Iwene

²³ Ja̧danö, ö'wö babibajadötjö sulabedö usula emawö tjö̧jena ja̧nö, jwiinö usula emawö jo̧ba balada luwo̧ma pöbamö edö, ödötjö Abrahamnö edinobe, ja̧danö Abraham ipjeanö jo̧nö Lazaronö edinobe.

Lucas 16:23 Iomraidhean Croise

Proverbios 15:24

Ja̧danö, ju'wibi yötawa: Ö'wiyawakwawönö omukwatö jo̧ma lekwe ja̧kwawa mananö 'yo̧, jwaikwöda. Jo̧ba, ö'wiyawakwawönö omukwatö jo̧ma jelema, woawa mananö 'yö̧kö̧, wobinadö tjuju̧kwobekwö 'ya̧kwawamanö.

Proverbios 5:5

Chitji̧, jobujuma ökwönö öbibö 'yuju, wobale ichikwa mananö.

Proverbios 7:27

Chitji̧, jobuju jejube 'ya̧kwawama wobalenöda badekwachobe. Jobujukwö kwi̧'yoko chitji̧.

Proverbios 9:18

Ja̧danö, ömadötjö ju'wedöma tjösödobe jobuju ja̧debi̧ a̧ja̧kwö. Tjösödijayonö wajwitjobe jobujukwö tjö̧ji̧ma yelösöda labobe. Wajwitjobe jejube tebachadöma debö tji̧'yakwedö. Jao, jejube tebachadöma wobinadö tjuju̧kwobekwö debö tji̧'yakwedöda, böjȩ teebe jwiinö da̧kwobekwö. Yelösöda labobe jobuju sulabenö obujukwö tjö̧ji̧ma.

Isaías 14:15

—Jo̧kwaijayonö jobekwö kwomukwatinama waekwajabe, möakwö kabekwökönö, ö'wö bakibajabe, ja̧danö inesö da̧kwobe wobinadö tjö̧jemida tekachajabe.

Isaías 14:9

—Jau, wobadö tjö̧jemi jukwadöma tjo'wo ösöwanö tjiteada̧lobe ökwö Babilonia la'aka luwo̧bina jobe kwichibakwa̧ma. Ajayinö la'aka luwedöbinadö tjo̧'wo luwo̧ma a̧la̧ibö kwichibakwa̧ teada̧ladö, ina tjö̧jayi inesö la'aka luwedöbinadöma a̧la̧ibö, –Otiwanö ö'wö babibö kwichibajabe, –jö̧ba̧lö yötja̧lakwedö.

Mateo 11:23

Ja̧danö ökwödö Capernaúm jojodöma, ¿kwedaduwemi mölejȩbe kakekwaduwakwa̧ji̧? ¡Kakekwaduwökakwedöja, Dios ökwöla nöolabe ikwö loakwa̧wö̧ja! Isabenö jojodö edajitjökö jawa kwö'da̧deduwitjö chi̧sebinadanö Sodomatjö chi̧sebinatjö̧ma, Sodoma jojodöma sulabenö tjomukwati̧ kabatibö tjöbalewacho jö̧tja̧linena, ja̧danö Diosma la'akatjöda jobadönö söbebö looko jö̧a̧linena, ja̧danö tjiteboma ina jo̧ jö̧a̧lena.

Mateo 18:9

Ja̧danö, kwöbajale Dios weökö jawa ja̧köbobö weitjö̧ma, kwöbajale kelekwö loköbaduwo. Jau chömöledö o̧penönö otiwena, bakwale jwibo̧ Dioskwö ja̧kwawa kwujuna̧laduwobö, kwöbajale dölelataja juna̧lo̧ ökwöla nöolabe tekachapji jö̧ba̧lö.

Mateo 23:33

Ökwödöma isabenö a̧ko̧'dö̧danöbedöja, ja̧danö a̧ko̧'dö̧danöbedö tji̧tji̧mubedöja. Ökwödöma isabenö ökwöla nöolatjö Dios lȩebi̧tjö kwemaduwakwedöja.

Mateo 5:22

Jo̧kwaijayonö jemi bajalekwönönö baikwö yötawaduwakwö ötjöma chömöledö: Sule kwömöledöso̧nö kwabö loköbitjö̧damaökö, kwömöledöso̧nö kwölabitjö̧bi, lȩekwa jo̧be jö̧ba̧lö. Ja̧danö, kwömöledöso̧nö sulabenö yöka̧litjö̧ma, lȩekwa luwedö tjöba a'o kwö̧jena, ja̧danö kwömöledöso̧nö wajwibo̧ja, mikwawö̧kö̧ja jö̧ba̧lö yöka̧litjö̧ma, ökwöla nöolatjö Dios lȩebakwa̧tjö kwemena, jö̧ba̧lö yötawaduwakwö.

Mateo 5:29

Jo̧kwajabetjö̧ baikwö wanedö yötawaduwakwö chömöledö: Kwöbajale otiwale sulabenö Dios weökö jawa ja̧köbobö weitjö̧ma, jale kelekwö loköbo. Jau chömöledö, kwiteba'o jawa jwiinö kwö̧jijayonö o̧penönö otiwena, okobe jwiinö kwiteba'o jawakwö ökwöla nöolanö kwö̧japji jö̧ba̧lö.

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Lucas 16:24

Jobadönö edö, jwöinobe: Chabe'do Abraham, ötjönö lȩlö̧jinö edö, Lázaronö webi, ichö ötö'anö ojwiyo dobeibö, chinenenö 'dȩebobö, ötjöma bola ökwölanö ja̧nö jwiinö usula chemawobetjö̧, jö̧ba̧lö aebinobe Abrahamnö.

Lucas 16:28

Jau chabe'do Abraham, chö̧ja̧wo̧dö bakwamu jojodö tjö̧jobe, ja̧danö jobadönö yöawobö chösöda, sulabenö tjomukwati̧ kabatibö tjöbalewachökötjö̧ma usula tjemawakwa̧ yöawobö. Jau chabe'do, ötjökwö usula emawö bola ökwölabe tjichibapji jö̧ba̧lö, jobadönö yöawobö ateba, jö̧ba̧lö aebinobe.

Lucas 8:28

Jo̧ba jojo o̧'wo̧ luwo̧nö sulabedö tjö̧jinobe, ja̧danö nöinö jo̧banö tjujuluwinobe, wetji̧danö ja̧o jö̧ba̧lö. Ajayinö ina comunidadnö ö̧jayima, sulabenö ja̧iawö̧, jojodö jo̧banö ka̧lena tjödinobe, 'dii̧ jawanö ömajamijunöbi ömasapiyanöbi yö̧beba̧lö tjödinobe, ja̧danö te'ada̧la̧dönö tjujuninobe, jo̧banö tjite'ada̧lobö. Jo̧kwaijayonö o̧'wo̧ luwo̧nö sulabedö tjuju̧kwobetjö̧, yö̧ekwa 'döbekwa̧lö loinobe, ja̧danö o̧'wo̧ luwo̧nö sulabedö wetjökwe, jojodö deobe i̧'yinobe. Jesúsma o̧'wo̧ luwo̧nö sulabedö ja̧dönö weinobe jojotjö latjebajobe, ja̧danö weawö̧, Jesús öba a'otjö meinobe jojoma, ja̧danö labinö yöa̧linobe Jesúsnö: —Ökwö Inesö La'aka Luwo̧ Dios i̧tji̧ma, ¿tajawedö dö̧jobekwö kwichobeda? Ökwönö adeba, ökwödönö lȩkebapji jö̧ba̧lö— jö̧ba̧lö.

1 Corintios 15:55

Jo̧kwajabetjö̧, woawa ökwödönö juluwoböma jwia, ja̧danö woawa julu jwia, ökwödönö suli̧ waedo jö̧ba̧lö, laebobe.

2 Pedro 2:4

Jau chömöledö, isabenö jobadönö Dios lȩebakwa̧ wene döwaisobe, jobadöjayedönö Diosma ida̧ökö damötjö lȩebinobetjö̧. Jau chömöledö, damötjö ángelesdötjö sulabenö ja̧binadöma Dios lȩebi̧tjö tjö̧jibinokobe, sulabenö ja̧tjiökwe Diosma jobadönö ödinobe, Dios lȩebakwawö̧ tjö̧jena tjö̧bobö, ja̧danö jobe ka̧lena tjö̧bobe, inesö Dios lȩebakwa̧ möle baibenanö kabatö, ¿jö̧tö?

Apocalipsis 20:10

Ikenama Diosma Awetjanö, jojodönö ba̧kwȩlö̧jatebö suli̧ waedö yöba̧lo̧nöma, do̧batö töbebö loobe chedijatö, ökwöla nöola okwa. Jobema, ju'wedö du̧ju̧tajanö ajayinö töbebö loinemi. Ojwe okwatjö labebinanöbi ajayinö töbebö loinemi jemima. Ja̧danö, omöna yöba̧linanöbi, Ötjöma Dios yöawi̧ yöbawo̧sa, jö̧ba̧lö, yöba̧linanöbi, ajayinö töbebö loinemi jemima, ökwöla ubola okwama. Jobema tiibökönö, tubinö yelösöda ubobe, azufre mikwi̧ ubi̧ tubi̧ma. Ja̧danö, jobadö wa̧medukwama, ba̧kwȩlö̧jatebö labebökönö, mölebi yö̧tebi inia tjötjinö baledawö̧.