Lucas 16:20 - Dios Iwene

²⁰ Ja̧danö, jo̧ba eju apjude ö'öbönö, jelo̧ ö̧binobe, Lázaro mikwo̧ma. Jo̧ba Lázaroma usulaso̧inobe, ja̧danö ju'wibi i̧sȩdo̧ bakwameachibanö wale'debiya ba̧jökwe ö'wöchinobe.

Lucas 16:20 Iomraidhean Croise

Diosnö ösödo̧ Job mikwo̧ usula emawina jawa 2:7

Weökwe, Awetjama Isabenö Jo̧ öjelö laebinobe, ja̧danö labebajo̧, Job jwiinö usula emawobö ja̧inobe. Job iteba'o ba̧kwemeachibanö inesö nii̧ wale'debiya samobö weinobe, uutjö ömasapiya baibanö.

Isaías 1:6

Jau chömöledö, kwiteba'oduwi bakwemeachibanö inia tjöbadöja, kwuuduwitjö kwömasapaduwi ichibanö. Kwiteba'oduwi bakwemeachibanö kwatjaja̧bi, dȩdȩtjaja̧bi, wale'debiyabi samawö̧ja, ja̧danö jobekwö kwö̧jaduwijayonö, otidö lotjökö̧wö̧ja. Jau, inia tjököbaduwijayonö, suli̧tenia dichökönö, ja̧danö jwabawökönö, ja̧danö olivo o̧te 'do̧bökönö, otidö lotjökö̧wö̧ja.

Mateo 26:71

Ikenama, a̧petu tjöekwi̧ apjudekwö i̧'yibena, jeluju ömöayujubi jo̧banö edö, jobe ju̧kwadönö yöjawinobe: —Bitema Jesús Nazaret jojokwö kwebachina— jö̧ba̧lö.

Lucas 16:19

Jesúsma wanedö yöawinobe du̧ju̧tajanö, usulaso̧nöbi, balada luwo̧nöbi. Baikwö wanedö yöawinobe: —Bakwo̧ balada luwo̧ma ö̧jinobe. Jo̧ba balada luwo̧ma kwakwawatjöbi, 'duawakwawatjöbi otiwanö ö̧jinobe. Nöinö ujuna̧lobetjö, ba̧kwȩlö̧jatebö jwiinö otiwado̧ 'dubawö ö̧jinobe, ja̧danö möletenia jwiinö söi̧ kwakwawa kwanö ö̧jinobe.

Lucas 16:21

Jo̧ba Lázaroma balada luwo̧ itea mesasötetjö meaja̧ kwakwawa ukwotö jö̧ba̧lö jobe ba̧nö usula emawinobe, ja̧danö ju'wibi a̧wi̧li̧dö ichö wale'debiya 'dȩtjobetjö̧ jwiinö usula emawö̧ ö̧jinobe.

Juan 11:1

Ja̧danö bakwo̧ ji̧nobe, Lázaro mikwo̧ma. Jo̧ba Lázaroma Betania comunidadnö öpöodökwö, Maríakwö, Martakwö ö̧jinobe. Ja̧danö, Lázaroma jwiinö ö'wöchinobe.

Hechos 3:2

Tjichena ju'wedöma bakwo̧nö, kwebachö̧kö̧nö e'ewö ichejebijadötö. Jo̧ba kwebachö̧kö̧ma, la'akatjöda ömasapiya sulina. Ja̧danö, ju'wi möle jwiinö ju'wedöma jo̧banö ichejebiabijadötö Dios eju tjöekwemi apjude a'o ö̧bobö. Jade apjudema, otiwade, mikwade. Jena ba̧nö jo̧ba kwebachö̧kö̧ma Dios eju tjöekwemi okwa tebachadönö balada abeba̧lö bi̧abijetö.

Santiago 1:9

Ja̧danö, ökwödö chö̧ja̧wo̧dötjö böjȩ jawa jwibadönö, usulasedö, jö̧ba̧lö, ötjabiwö̧nö yötawaduwakwö. Ökwödöma jwiköbaduwobetjö̧ kwö̧jaduwi̧ma waiya, yelösöda. Jo̧kwaijayonö, ¡Ökwödöwe, usulasedösa! jö̧ba̧lö, kwomukwataduwoko chö̧ja̧wo̧dö. Ju'wi kwomukwataduwobö jo̧be, biya̧: Diosma ökwödönö möakwö kabebö edö yöa̧lobe, Bidöma jwiinö mikwawadö, jö̧ba̧lö. Chö̧ja̧wo̧dö böjȩ jawa jwiköbaduwijayonö kwo̧'wo̧duwi ösöwanö, Dios i̧tji̧mudobetjö̧ jwiinö mikwawadösa, jö̧ba̧lö, omukwatö kwö̧jaduwo.

Santiago 2:5

Chö̧ja̧wo̧dö chösödawö̧, a̧ja̧kwaduwitjö. Böjȩnö ju̧kwadöma usulasedönö edö, Bidöma mikwawöködö, jö̧ba̧lö, tjomukwatobe. Jo̧kwaijayonö Diosma jobadönö edö, Jwiinö mikwawadö, jö̧ba̧lö, edobe. Diosma jobadö jwibadönö omudawö ujuninobe jwiinö juna̧ladöda batjibobö, tjo̧'wo̧ luwo̧ jawa, Jesucristonö tjo̧'wo̧ tjöwana̧lobetjö̧. Ja̧danö, Diosma jobadönö omudawö ujuninobe ju'wi möle jo̧bakwö webö tjö̧jobö, iteda La'aka Luwo̧ webö ö̧jobe ja̧nö. Jau chö̧ja̧wo̧dö, usulasedönöbi jejenö tjö̧jobö omudawö ujuninobe Diosma okobe deinö jo̧banö ösödadö tjö̧jakwa̧ma.

1 Samuel 2:8

Isabenö otiwanö pjabato̧ Isabenö Jo̧ma, usula jojodö niji̧so̧pjanö ba̧jadönö, niji̧sopja tjö̧bemitjö kabebo̧, ja̧danö jwibadönö ökwölasopja̧nö tjö̧bemitjö otiwanö kabebo̧, la'aka luwedö tjö'da̧de tjö̧bamatobö, ja̧danö otiwanö tjomukwatawö̧ tjiteaka ba̧jadö batjibobö. Jobekwö webo̧ Isabenö Jo̧ma, Jo̧bada bö̧jȩ la'aka wa̧pedö ujuninobetjö̧, ja̧danö la'aka wa̧pedajo̧, jo̧ba̧da bö̧jebi wa̧pedö ujuninobetjö̧.