Lucas 16:14 - Dios Iwene

¹⁴ Jejenö yöa̧liawö̧, fariseo jojodöma a̧ja̧kwö Jesúsnö otjinobe, Bitema wajwibö yöbawo̧, jö̧ba̧lö. Jobadö fariseo jojodöma nöinö balada tjösödinobe, ja̧danö balada ösödadöma Dios wei̧ ja̧böködö jö̧ba̧lö yöa̧liawö̧, öpöjödö Jesúsnö otjinobe.

Lucas 16:14 Iomraidhean Croise

Isaías 53:3

Jo̧banö edö döpöjödijatö, —Bitema mikwawö̧kö̧, inia tjöbo̧, inesö o̧'wo tjo̧bekwo̧, —jö̧ba̧lö. Jo̧banö edöbi tjedoböma tjöpöjödinökwe, —Sulabo̧, —jö̧ba̧lö, ja̧danö jo̧kwadabo̧ jö̧ba̧lö domukatijatö, jo̧ba Dios ömöayo̧nö.

Isaías 56:11

Ju'wibi awilidö a̧wi̧chikwadödanö ichejekwadö, israel jojodönö ötjibo jö̧ba̧ladöma. Awi̧li̧dö omeawachibökönö, tupakwönönö kabatibökönö tjukwobö jö̧ba̧ladödanö, idöda tjösödi̧da ja̧tjo̧bö isakwadö. Obejadönö teada̧ladö otiwanö tjajwimunö ötjibi̧danö, tjömöledö israel jojodönö jwebebö ötjibo jö̧tja̧lijayonö, wajwibö, okwa jawa omukwatöködö. Jobadöma otiwanö jwebebökönö, bakwo̧nökwena idöda tjujuna̧lotö jö̧ba̧lö isakwadö.

Mateo 23:13

Tupakwö yöawinobe Jesúsma: —¡Ökwödö Moisés iwȩyudina ba̧ja̧dadö ja̧danö fariseo jojodöwe! Ökwödö dötölatajanö omukwatadöma isabenö usula kwemawaduwakwedöja, Dios la'aka luwo̧ ö̧jena teachakwawemi pje'data̧lö tjöbeba̧lö kwö̧jaduwobetjö̧. Ökwödöma Dios la'aka luwo̧ ö̧jena tebachöködöja, ja̧danö ju'wibi ju'wedö Dios la'aka luwo̧ ö̧jena tetjachapji jö̧ba̧lö tjöbeba̧ladöja.

Mateo 9:24

Jobadönö edö: —Labebaduwi— jö̧ba̧lö weinobe—. Wobököju tjemuma, sule aba̧löda aba̧luju— jö̧ba̧lö yöawinobe. Jejenö yöawiawö̧, jobe ko̧ko̧kwajadöma Jesúsnö otjinobe,

Lucas 12:15

Ja̧danö jejenö atadajo̧ Jesúsma tupakwö yöawinobe: —Chömöledö, te'ada̧lönö kwö̧jaduwo, jwaikwöda kwemaduwotö jö̧ba̧lö isakwö kwö̧jaduwapji jö̧ba̧lö. Jau chömöledö, ju'wedö tjomukwatena nöinö chujuna̧litjö̧ma otiwanö chö̧jena, jo̧kwaijayonö ja̧maökö. Isabenö ja̧kwawa mikwawi̧ma, nöinö tjujuna̧li̧ jawadamaökö chömöledö— jö̧ba̧lö.

Lucas 20:47

Jo̧kwaijayonö jejenö otiwadösa jö̧ba̧lö wamenö tji̧sebijayonö, ya̧dö tji̧lȩkwa̧mu wobekwinadö tjitea 'dötjebobe. Ja̧danö Diosnö abebö lekwe atjeba̧lenama, sule jojodöda a̧ja̧kwö tjösödobö atjeba̧lobe. Ja̧danö, jejenö sulabenö ja̧tjiökwe, ju'wedötjö bajalekwönönö isabenö jobadö Moisés iwȩyudina ba̧ja̧dadönö labinö lȩebakobe Diosma— jö̧ba̧lö yöawinobe Jesúsma.

Lucas 23:35

Ja̧danö, jobe towisa'onö ö̧lonö, jojodöma eda̧lö tjö̧jinobe, ja̧danö judío jojodötjö luwedöma Jesúsnö obö yötja̧linobe: —Bitema ju'wedö wotjapji jö̧ba̧lö tjö̧jibinö pjaatinobe, jo̧kwaijayonö iteda ö̧jiboböma juluwö̧kö̧. Isabenö Dios weakwo̧ jö̧a̧linökwe, Dios omudawö ujuninökwe ö̧jitjö̧ma itedabi ö̧jibobö ujuluwena. Jo̧kwajabetjö̧ isabenö Dios weakwo̧ jö̧a̧linökwe ö̧jitjö̧ma, iteda ö̧jibanö yutuajobö jo̧be— jö̧ba̧lö Jesúsnö otjinobe.

Lucas 8:53

Yöa̧liawö̧, okobe deinö Jesúsnö otjinobe, Isabenö ö'wö bajibajabe, jö̧ba̧lö tjöwaisobetjö̧.

2 Timoteo 3:2

Jojodöma idödada ösödabikwawö tjö̧jakobe, ja̧danö jwaikwöda balada tjösödakobe, ja̧danö otiwadösa jö̧ba̧lö tjomukwatakobe, ja̧danö ju'wedötjö bajalekwönönöbedösa jö̧ba̧lö tjomukwatakobe. Ja̧danö, ju'wedönö sulabenö yötja̧lakobe, ja̧danö tjabe'dodönö tja̧ja̧kwökakobe, ja̧danö iyawa edö otiwanö iyajabe jö̧ba̧löma tjösödökakobe, ja̧danö Diosnö omukwatökönö sulabenö ja̧bö tjö̧jakobe.

Hebreos 11:36

Ja̧danö ju'wedöbi tjuju̧kwinobe, Diosnö tjo̧'wo̧ wana̧ladöma. Jobadönö oböbi, kwakwaböbi kwakwatjinobe. Ja̧danö, di̧batö tjödinobe ka̧lena ba̧kwawejunö.