Lucas 16:1 - Dios Iwene

¹ Jesúsma iteda öba̧ja̧di̧ waisachadönö wanedö yöawinobe baikwö: —Bakwo̧ nöinö juna̧lo̧ ö̧jinobe, ja̧danö jo̧ba ömöayedötjö bakwo̧ uluwo̧ itea te'ada̧lakwawa luwo̧ ö̧jinobe. Ja̧danö, ju'wi möle jo̧banö yötja̧linobe uluwo̧nö: Kwömöayo̧ kwitea te'ada̧lakwawa luwo̧ma, otiwanö te'ada̧lö̧kö̧. 'Dö̧ekwobe kwitea baladama, jö̧ba̧lö.

Lucas 16:1 Iomraidhean Croise

Génesis 15:2

Jejenö yöawökwe Abramma abebö a̧ja̧kwijetö: —Chuluwo̧, Isabenö Jo̧ Dios ¿dakwö mikwawobö kwiyakwa̧ma? Wotaja̧ okobe ¿tinö emibobö wetakwa̧da chitji̧ detobema?— abebö a̧ja̧kwijetö—. Wotaja̧ okobema chömöayo̧ Damasco jojo, Eliezer mikwo̧ okobe jwiinö chiteaaja̧ma iteda u̧kwa tea baibakobe.

Génesis 43:19

Ja̧danö, José eju apjudenö ichibö José ömöayo̧nö 'ya̧wibö jö̧ba̧lijadötö:

1 Crónicas 28:1

Ja̧danö, Davidma okobe deinö israel niji luwedönö weinobe, Jerusalen comunidadtjö tjo̧ko̧kokwobö, israelsasokwena luwedönöbi, ölakwabikwawa jojodö bakwasokwena luwedö milbedö tjuluwedönöbi, cienbedö tjuluwedönöbi, itea niji teada̧lakwawa luwedönöbi, ajwimunö teada̧lakwawa luwedönöbi, itji̧munöbi, ölakwabikwawa jojodötjö inesö juluwadönöbi, ju'wedö ölakwabikwawa jojodötjö jwiinö juluwadönöbi weinobe, Jerusalenbe ichibö tjo̧ko̧kwobö.

Proverbios 18:9

Ja̧danö, ju'wibi yötawa, du̧ju̧tajanö wanedö, bakwainö sulabenö omukwatadönö. Bakwo̧ iteda otidawa otidökönö 'du̧wekwo̧ma. Jelo̧, okobe jwiinö söbebö lobo̧. Isabenö yötawa: 'du̧weko̧bi, söbebö lobo̧bi ba̧kwainö sulabenö omukwatadö.

Mateo 20:8

Ikenama, yö̧te baibenama iteda ömöayedötjö la'aka luwo̧nö weinobe, otidadönö jwöbö, tjotidaja̧ mikwa imidobö. Imidenama, bajaleapo otidajadönö abönö imidobö weinobe, ikenama jobadötjö abönö otidajadönö imidobö weinobe.

Lucas 12:42

Abebö a̧ja̧kwökwe Jesúsma atadö wanedö yöawinobe: —Chömöledö, la'aka luwo̧ ömöayo̧ otiwanö iteda uluwo̧ wei̧ ja̧bö ö̧ji̧danö kwö̧jaduwo. Baikwö wanedö yötawa: Bakwo̧ la'aka luwo̧ma, jelobe i̧'yakwa̧ abönö iteda ömöayedötjö bakwo̧nö weinobe, iteda eju jawa ite'ada̧lobö, ja̧danö ju'wedö uluwo̧ ömöayedönö te'ada̧lö, tju̧kwa kwakwawa tjukwo jö̧tja̧lena iyobö.

Lucas 15:13

Jemi ikena, ja'yubenö lekwajabetjö itji̧ bajalia luwo̧ma okobe jwiinö ujuna̧li ko̧ko̧dibö e'ewö i̧'yinobe ödö ju'wedö tjitebobe. Ja̧danö, ju'wedö tjitebonö ja̧nö, omukwatökönö iteda ösödi̧danö ja̧bö ö̧jinobe, ja̧danö juluwanö okobe jwiinö ujuna̧li̧ balada 'dö̧ibajinobe, omukwatökönö iyö loobetjö̧.

Lucas 15:30

Jo̧kwaijayonö ötjö kwitji̧ otiwanö ja̧bö jo̧ pjiesta chukwobö kwiyököjayonö, bite kwitji̧ sulabenö ja̧bö jo̧ ȩwa̧jenama, nöinö mikwawo̧ o̧tewo̧ pakayaso̧nö kwaköbajabe, pjiesta ukwobö. Bite kwitji̧ma okobe jwiinö kwitea balada putabedönö midabinö 'dö̧ekwajijayonö, jo̧banöda ösödö pjiesta kwujunajabe, jö̧ba̧lö o̧'wo̧ sulinö yöa̧linobe abönö pöema.

Lucas 16:19

Jesúsma wanedö yöawinobe du̧ju̧tajanö, usulaso̧nöbi, balada luwo̧nöbi. Baikwö wanedö yöawinobe: —Bakwo̧ balada luwo̧ma ö̧jinobe. Jo̧ba balada luwo̧ma kwakwawatjöbi, 'duawakwawatjöbi otiwanö ö̧jinobe. Nöinö ujuna̧lobetjö, ba̧kwȩlö̧jatebö jwiinö otiwado̧ 'dubawö ö̧jinobe, ja̧danö möletenia jwiinö söi̧ kwakwawa kwanö ö̧jinobe.

Lucas 16:2

Yötja̧liökwe, uluwo̧ma itea te'ada̧lakwawa luwo̧nö jwöinobe, ja̧danö jo̧banö yöa̧linobe: Sulabenö ja̧köbaja̧ cha̧ja̧kwajabe chömöayo̧. ¿Tajawedö sulabenö kwotidaja̧da? Jejenö sulabenö kwotidobetjö̧, tupakwö chitea te'ada̧lakwawa luwo̧ kwotidobö jwiobe. Jo̧kwajabetjö̧ chitea wȩyukwöja otidi, ikena te'ada̧lakwawa luwo̧ma chitea öwaisobö, jö̧ba̧lö weinobe ömöayo̧nö.

Lucas 19:20

Ja̧danö ömöayedötjö jelo̧bi ichö yöawinobe: Chuluwo̧, kwiyinapi̧ma bipi̧da. Jwiapji jö̧ba̧lö, kamijido̧nö jwabö chotojijatö,

Lucas 8:3

Ja̧danö, Juana mikwujubi Jesúskwö kwejachinobe. Jobuju Juanama, la'aka luwo̧ Herodes ömöayo̧ Chuza mikwo̧ ilekwo. Jo̧ba Chuzama okobe deinö Herodes eju otidadötjö tjuluwo̧ ö̧jinobe. Ja̧danö Susana mukwujubi, Jesúskwö kwejachinobe. Jobadö María Magdalenabi, Juanabi, Susanabi, ju'wedö ya̧döbi Jesúskwö kwebachö, idöda tjujuna̧li̧tjö tjiyinobe, Jesúsbi Jesús webawedöbi kwakwawa tjukwobö. Jejenö iyö otiwanö pjatjatinobe Jesúsnö, ja̧ niji bakwameachibanö yöbawö kweachonö.

Tito 1:7

Jau Tito, Jesúsnö ösödadönö te'ada̧lakwawa luwo̧ma Dios otidawa jawa luwo̧ baibanö jo̧. Jo̧kwajabetjö̧ te'ada̧lakwawa luwo̧ otidobö kwujunakwo̧ma ju'wedö jo̧banö sulabenö yötja̧lobö jwibo̧nöda kwujunobö jo̧be. Ja̧danö, te'ada̧lakwawa luwo̧ otidakwo̧ma, Aaa, ötjöma waiso̧sa, jö̧ba̧lö omukwatö̧kö̧, ja̧danö juluwanö o̧'wo̧ sulachibö jö̧kö̧, ja̧danö 'dukwachinö nio ojwiyo owa̧lö̧kö̧, ja̧danö ju'wedönö ölakwabikwawö kwakwabö̧kö̧, ja̧danö iteda nöinö balada emotö jö̧ba̧lö ösödö̧kö̧, te'ada̧lakwawa luwo̧ otidakwo̧ma.

Santiago 4:3

Ja̧danö, Diosnö akebaduwenabi kwujuna̧laduwobö badekwachokobe chö̧ja̧wo̧dö, jweinö omukwatö akebaduwokobetjö̧. Isabenö, ökwödöma ökwödö böjȩ jawa kwösödaduwi̧da omukwatö akebaduwobe. Jo̧kwaobetjö̧ Diosnö akebaduwijayonö kwujuna̧laduwokobe, jelobekwö omukwatö akebaduwobetjö̧, böjȩ jawa kwösödaduwi̧da kwujuna̧laduwobö.

1 Pedro 4:10

Diosma ökwödönö bakwo̧nökwena ja̧bö kwö̧jaduwobö iyinobe chömöledö, ¿jö̧tö? Jau chömöledö, ökwödönö bakwo̧nökwena iyinobe, jo̧kwajabetjö̧ ja̧ iyina jweinö omukwatö, ja̧bö kwö̧jaduwobö iyinadanö kwömöledöduwinö pjabatakwawö kwö̧jaduwo.