Lucas 15:21 - Dios Iwene

²¹ Ja̧danö, ajayinö omukwatö ujuninadanö, itji̧ma abe'donö yöa̧linobe: Chabe'do, isabenö sulabenö ja̧bajo̧sa, Dios öba a'otjöbi, ökwö kwöba a'otjöbi sulabenö ja̧tajabe. Ja̧danö, jwiinö sulabenö ja̧tajabetjö̧, kwitji̧ chö̧joböma mikwawö̧kö̧sa ötjöma, jö̧ba̧lö yöa̧linobe abe'donö.

Lucas 15:21 Iomraidhean Croise

Diosnö ösödo̧ Job mikwo̧ usula emawina jawa 33:27

—Jejenö balediökwe, o̧'wo ösöwanö lo̧ena, ju'wedönö yöbawö lo̧ena, –Sulabenö ja̧bö, isabenö wene laeböködanö sulabenö jatijatö, jadanö sulabenö ja̧tiökwe, ötjönö lȩebo jö̧a̧linobe Diosma. Jo̧kwaijayonö lȩebi̧tjö chemo jö̧ta̧linadanö lȩebinokobe ötjönö, lȩlöjinö edinobe Diosma.

Lucas 15:20

Ja̧danö, jejenö omukwatajo̧, a̧laibö abe'do ö̧jobekwö ȩwa̧jinobe. Abe'do ejube ichibakwa̧ abönö, ina ödö ö̧jayi, abe'doma jo̧banö edinobe, ja̧danö lȩlö̧jinö edö, itji̧ ö̧jobekwö ö'öakwawinobe, ja̧danö itji̧nö wo̧batö, du̧atinobe.

Lucas 15:22

Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

1 Corintios 8:12

Ja̧danö, jejenö tjo̧'wo̧ luwo̧nö da̧peachöködönö suli̧ kwöwaedaduwobetjö̧, ja̧danö tjomajadenö, Aaa, biya̧ma suli̧ jawa jö̧ba̧lö tjomukwati̧ jawa ja̧tjobö ja̧köbaduwobetjö̧, Cristonö suli̧ kwöwaedaduwobedanö ichejekwa chömöledö, Dios öpöjödi̧ jawa ja̧bö.