Lucas 15:17 - Dios Iwene

¹⁷ Ja̧danö, jejenö a̧wi̧chi̧ lö̧jökwe ja̧nö, bajalianö jweinö omukwatinobe, ja̧danö jö̧a̧linobe itedada: Chabe'do ömöayedöma otiwanö tju̧kwa juna̧ladö, jobadöma u̧'yu̧kwibi̧nö kwadö, ja̧danö chabe'do ömöayedö otiwanö tjukwonö, ötjöma bai ja̧nö a̧wi̧chi̧tjö wotena.

Lucas 15:17 Iomraidhean Croise

Lucas 15:16

Isabenö jwiinö a̧wi̧chi̧ lö̧jinobe jo̧banö, ku̧si̧dö tju̧kwa kwakwawa ukwobö omukwatenanö. Ku̧si̧dö tju̧kwa jwiinö suli̧jayonö, ja̧bi edö, chukwowe jö̧ba̧lö omukwatinobe. Jo̧kwaijayonö jwiinö a̧wi̧chi̧ lö̧jijayonö, jo̧banö ja'yubebi kwakwawa tjiyinokobe, ukwobö.

Lucas 16:23

Ja̧danö, ö'wö babibajadötjö sulabedö usula emawö tjö̧jena ja̧nö, jwiinö usula emawö jo̧ba balada luwo̧ma pöbamö edö, ödötjö Abrahamnö edinobe, ja̧danö Abraham ipjeanö jo̧nö Lazaronö edinobe.

Lucas 8:35

Yötjawiawö̧, edö tjichinobe jojodöma, ja̧danö Jesús ö̧jobe ichibö tjedinobe ajayinö o̧'wo̧ luwo̧nö sulabedö tjö̧jajökwenö. Ajayinö o̧'wo̧ luwo̧nö sulabedö tjö̧jajökwe o̧'wo̧ jwibö, kamijido̧ jwibö ö̧jinajayonö, o̧'wo̧ luwo̧nö sulabedö debo̧, otiwanö omukwato̧nö tjedinobe, ja̧danö kamijido̧ 'dubawo̧, Jesús öba a'o bo̧nö tjedinobe. Jejenö edö, jojodö yetjaibinobe, bite Jesúsma tijö jö̧ba̧lö.

Hechos 12:11

Ja̧danö, jejenö debi̧ baibiökwe Pedroma otiwanö waisachibö jö̧ba̧lijetö: —Aaa, babema chöwaisachiba. Biya̧ma chi̧'wi̧di̧maökö. Isabenö jo̧ba ángelma Duluwo̧ weajökwe ángel. Herodes ötjö chö'wöchinö weakwa̧tjö chö̧jibinö pjaatajabe jo̧ba ángelma. Ja̧danö, judío jojodö ötjönö sulabenö baledakwa̧ tjösödi̧ma baledökakobetjö̧ pjaatajabe— jö̧ba̧lijetö.

Hechos 2:37

Ikenama jojodöma Pedro yöawi̧ a̧ja̧kwö yelösöda tjo̧'wo̧ tjo̧bekwibijadötö. Tjo̧'wo̧ tjo̧bekwö Pedronö ju'wedö Jesús webawedönö abebö a̧ja̧kwijadötö: —Dömöledö, jejenö ji̧tjöma ¿dakwö ja̧dakwa̧da?— abebö a̧ja̧kwijadötö.

Efesios 5:14

Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.