Lucas 15:12 - Dios Iwene

¹² ja̧danö jobadötjö bajalia luwo̧ma abe'donö aebinobe: Chabe'do, woköbena kwiteatjö ötjö chemo jö̧ta̧li̧ma, woköbena baibanöma chite'ada̧lobö chöpöjöda. Babeda kwiyobö chösöda. Iyitjö, jö̧ba̧lö. Jejenö aebiökwe, sulabenö aebijayonö abe'doma iteda itea 'da̧batö ujuninobe, abönö pöe emakwa̧bi, öjawo̧ emakwa̧bi, ja̧danö 'da̧batö junajo̧ itji̧nö iyinobe aebi̧danö.

Lucas 15:12 Iomraidhean Croise

Marcos 12:44

Ju'wedö, nöinö juna̧ladöma, tju̧kwatjöma okobe ji̧bonöda tjiyatö. Jo̧kwaijayonö jobujuma, jilekwenö wobekwinujuma, okobe jwiinö jujuna̧li̧ma jiyatö. Okobe jwiinö ju̧kwa baladabi, okobe jwiinö ju̧kwa emawabi jwiinö jiyatö. Jo̧kwaobetjö̧ jö̧ta̧la, ju'wedö balada anajadötjöbi o̧penönö nöinö jiyatö— jö̧ba̧lijetö Jesúsma.

Lucas 15:11

Ja̧danö, tupakwö wanedö yöawinobe Jesúsma: —Bakwo̧ i̧tji̧mu du̧ju̧tajabedönö ujuna̧linobe,

Lucas 15:13

Jemi ikena, ja'yubenö lekwajabetjö itji̧ bajalia luwo̧ma okobe jwiinö ujuna̧li ko̧ko̧dibö e'ewö i̧'yinobe ödö ju'wedö tjitebobe. Ja̧danö, ju'wedö tjitebonö ja̧nö, omukwatökönö iteda ösödi̧danö ja̧bö ö̧jinobe, ja̧danö juluwanö okobe jwiinö ujuna̧li̧ balada 'dö̧ibajinobe, omukwatökönö iyö loobetjö̧.

Lucas 15:30

Jo̧kwaijayonö ötjö kwitji̧ otiwanö ja̧bö jo̧ pjiesta chukwobö kwiyököjayonö, bite kwitji̧ sulabenö ja̧bö jo̧ ȩwa̧jenama, nöinö mikwawo̧ o̧tewo̧ pakayaso̧nö kwaköbajabe, pjiesta ukwobö. Bite kwitji̧ma okobe jwiinö kwitea balada putabedönö midabinö 'dö̧ekwajijayonö, jo̧banöda ösödö pjiesta kwujunajabe, jö̧ba̧lö o̧'wo̧ sulinö yöa̧linobe abönö pöema.