Lucas 14:7 - Dios Iwene

⁷ Jobe fariseo jojo ejunö ja̧nö, Jesúsma edinobe ju'wedö fariseo jojo tjukwobö a̧debawö̧ tji̧sebi̧ma. Okobe deinö tjisakwinobe, luwedö tjö̧bena tjöbamatobö, ja̧danö jejenö tjisakwiökwe, Jesúsma jobadönö wanedö yöawinobe baikwö:

Lucas 14:7 Iomraidhean Croise

Proverbios 25:7

Ja̧danö, inesö la'aka luwo̧ ö̧bobekwö tekachenama ömöayo̧nö akeboko uluwo̧ ö̧bemi pjeanö kwö̧bobö. Ökwödada jobekwö akebobö jwiyobe. Inesö la'aka luwo̧ ömöayo̧ jwöitjöma, ichibi, jö̧ba̧lö otiwena, uluwo̧ ö̧bemi pjeanö ö̧bobö. Ökwödada jwöököjayonö ö̧bemi pjeanö tekachitjö̧ma ömöayo̧ma inesö la'aka luwo̧ edonö jelobekwö kwö̧bobö weakwo̧, jelo̧nöda uluwo̧ ipjeanö ö̧bobö. Jobekwö baleditjö̧ma öwöma jwiinö taba tjökawena.

Proverbios 8:1

Baikwö laebobe Salomón wanedö yöawina jawa, jweinö omukwatö ja̧kwawanö wanekwachujuma jojodönö yöbawö jwöbuju, jö̧ba̧lö: Jweinö omukwatö ja̧kwawa wanekwachujuma jojodönö jwöbö yöbawuju a̧ja̧kwaduwitjö, jö̧ba̧lö. Jobuju, di̧ya sulojobö jö̧ba̧lö̧, di̧ya otiwojobö jö̧ba̧lö waisujuma jojodönö jwöbuju, yötawi̧ma a̧ja̧kwaduwitjö, jö̧ba̧lö.

Mateo 13:34

Okobe jwiinö ja̧ jawa wanedö yöawakwawa jojodönö yöawinobe Jesúsma, wanedökönöma ja'yubebi yöawinokobe jobadönö.

Mateo 23:6

Ja̧danö pjiesta tjukwenama, luwedö tjö̧bena tjö̧bobö jwiinö ösödadö, ja̧danö ba̧nö tja̧ja̧kwa̧lejutjöbi luwedö tjö̧bena tjö̧bobö ösödadö.

Lucas 11:43

¡Isabenö usula kwemawaduwakwedöja ökwödö fariseo jojodöma! Ökwödöma ba̧nö tja̧ja̧kwa̧lejutjö luwedö tjö̧bena kwö̧baduwobö ösödadöja, ja̧danö kwakwawa iyawejube kwekachaduwenama, jojodö otiwanö edö, ba̧ja̧dakwawa luwo̧ jö̧ba̧lö jojodö ökwödönö yötja̧lobö ösödadöja.

Lucas 20:46

—Chömöledö, te'ada̧lönö kwö̧jaduwo, Moisés iwȩyudina ba̧ja̧dadöma isabenö labidö tjö̧jobetjö̧. Jobadöma mikwawadösa jö̧ba̧lö kamijido̧ otiwado̧ ödöado̧ 'dubawö kwetjachobö ösödadö, ja̧danö kwakwawa iyawejube kwetjachenama, jojodö otiwanö edö, ba̧ja̧dakwawa luwo̧ jö̧ba̧lö jojodö yötja̧lobö ösödadö, ja̧danö ba̧nö tja̧ja̧kwa̧lejutjö luwedö tjö̧bena tjö̧bobö ösödadö, ja̧danö pjiestatjö luwedö tjö̧bena tjö̧bobö ösödadö.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

3 Juan 1:9

Belö, kwialusöjanö wȩyudö wetijatö jobe kwitebobe, jobe ko̧ko̧kwa̧lö ba̧nö Jesúsnö ösödadönö yöbawö, Dios iwene yöbawö 'ya̧dönö pjakataduwobö jo̧be, jö̧ba̧lö. Jo̧kwaijayonö ökwödötjö bakwo̧, Diótrefes mikwo̧ma ötjö webö yötawi̧ öpöjödinobe. Yelösöda jo̧bama, Ötjödasa abönö la'aka luwo̧sa, jö̧ba̧lö, yötawi̧ma öpöjödinobe. Yelösöda öpöjödinobe, Juan, ja̧danö jo̧bakwö ja̧dö ökwödö duluwedöböködö, jö̧ba̧lö. Öpöjödinobe, Jobadö yötjawi̧ma da̧ja̧kwoko, jö̧ba̧lö.

Jueces 14:12

Ja̧danö, tja̧debawö̧ treintabedönö yöa̧linobe Sansonma, baikwö: —Ju'wi yöa̧lakwawa jawa abebö cha̧ja̧kwobö jö̧ta̧la ökwödönö, labebö loawa kwöwaisaduwojobö jö̧ba̧lö. Jelemutjö dötölataja möle ba'ali dujunakobe, ja̧danö ba'ali 'dö̧ibakwa̧ abönö, labebö loawa waisachibö atadö yökawaduwitjö̧ma, ötjöma ökwödö treintabedönö bakwo̧nökwena kamijido̧ otiwa̧do̧ chiyocha, wamesa̧do̧ linotjö otikwa̧do̧bi, ju'wi kamijido̧bi.