Lucas 14:33 - Dios Iwene

³³ Jau chömöledö, böjȩtjö abönö omukwatadöja, ja'öda kwöwaekwaduwapji jö̧ba̧lö, ja̧danö ötjö chöba̧ja̧di̧ waisachadö batjibobö omukwatadöbi jejenö jweinö omukwatönö tjomukwatobö jo̧be, isabenö chöba̧ja̧di̧ waisachadö batjibobö tjösödojobö jö̧ba̧lö. Ja̧danö, ötjö chöba̧ja̧di̧ waisachadöma wotjenanö kabatö jwaikwöda ötjönöda tjösödobö jo̧betjö̧, abönö otiwanö tjo̧mukwatobö jo̧be, isabenö chöba̧ja̧di̧ waisachadö batjibobö tjösödojobö tjöpöjödojobö jö̧ba̧lö. Ja̧danö, okobe jwiinö tjujuna̧li̧ mikwawökö ji̧ jö̧ba̧lö lödibö, chökömanö tjichobö tjöpöjöditjö̧ma, isabenö chöba̧ja̧di̧ waisachadö batjiboböma jwibadö— jö̧ba̧lö yöawinobe Jesúsma.

Lucas 14:33 Iomraidhean Croise

Lucas 14:26

—Bakwo̧ ötjö chöba̧ja̧di̧ waisacho̧ baibanö chökömanö ichobö ösöditjö̧ma, okobe deinö ju'wedötjö bajalekwönönö jwaikwöda ötjönöda ösödobö jo̧be. Baikwö yötawa: Iteda yöne ömöledönö, abe'donöbi, ojo'donöbi, ilekwonöbi, i̧tji̧munöbi, öjawo̧dö ömadönöbi, ya̧dönöbi ösödijayonö, jobadönö ösödi̧tjö bajalekwönönö ötjönöda ösödobö jo̧be. Jau chömöledö, jobadönö ösödi̧tjö jwiinö bajalekwönönö ötjönöda ösödobetjö̧, ömöledönö öpöjödobedanö ichejekwena, jobadötjö bajalekwönönö ötjönöda ösödobetjö̧. Jau chömöledö, ötjö isabenö chöba̧ja̧di̧ waisachadöma, ju'wedötjö bajalekwönönö ötjönöda tjösödobö jo̧be, ja̧danö ju'wibi itedada ösödakwawi̧tjö bajalekwönönö ötjönöda ösödobö jo̧be isabenö chöba̧ja̧di̧ waisacho̧ma, ja̧danö jejenö ötjönö ösödökötjö̧ma, isabenö chöba̧ja̧di̧ waisacho̧ ö̧joböma jwibo̧.

Lucas 14:32

Ja̧danö, omukwatajo̧ juluwö̧kö̧sa jö̧ba̧lö omukwatitjö̧ma, öpöjojo ina ödö ö̧jayi iteda ömöledötjö ju'wedönö weena, öpöjojokwö yöba̧lakwawö wene ja̧ajama söbekwö lotjobö, ¿jö̧tö?

Lucas 5:11

Jemi ikenama, o̧pesobu ö'öbönö tjölamatenama, jobadöma okobe jwiinö tjujuna̧li̧ lödibö Jesúskwö tji̧'yinobe, Jesús öba̧ja̧di̧ waisachadö batjibanö.

Lucas 5:28

Jejenö jwöökwe, Levíma a̧laibö, okobe jwiinö junibö, Jesús ökömanö luibinobe.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

Hebreos 11:26

Jejenö omukwatö ujuninobe Moisésma, Dios jojodönö tjö̧jibinö pjabatö weakwo̧nö ite'ada̧lobetjö̧, Israel jojodötjö öbötjachakwo̧nöma. Ja̧danö, jejenö te'ada̧lö ja̧nö, Moisésma Dios ömöledökwö usula emawinobe. Jejenö ja̧nö omukwatinobe, Usula emawö chö̧jijayonö, usula emawö Dios ömöledökwö Dios weakwo̧nö te'ada̧lö chö̧ji̧ma ajayinö Egiptonö okobe jwiinö juna̧lö chö̧jinatjö o̧penönö mikwawobe, jö̧ba̧lö. Moisésma jejenö omukwatinobe iteda ö̧ji̧ möle jawa omukwatokobetjö̧. Moisésma ju'wi möle mölejȩbe ö̧jakwa̧ omukwatinobe, Dios jwiinö mikwawi̧ iyakwa̧ möle. Isabenö, Moisésma ja̧ möle te'ada̧lö Diosnö o̧'wo̧ wana̧lö ö̧jinobe.