Lucas 13:4 - Dios Iwene

⁴ Ja̧danö, belö Jerusaléntjö a̧li̧nösamu jelemutjö wa̧medukwa jojodönö mösaka Siloé mikwakama kwaibinobe, ja̧danö jobadönö kwabö loinobe, ¿jö̧tö? ¿Tajawedö jobadönö kwaibinada chömöledö? ¿Ju'wedö Jerusalénnö ju̧kwadötjö bajalekwönönö sulabedötjobetjö̧ jejenö kwaibinaji̧ jakama? Sulabedötjinökötjö̧ma, ¿jejenö baledoko jö̧a̧linenaji̧?

Lucas 13:4 Iomraidhean Croise

1 Reyes 20:30

Ja̧danö, jejenö kwabö lotjiawö̧, siria jojodötjö ji̧bajadöma Afec comunidadbe dötjibajinobe, tjöekwemi o̧pe tjö̧jibobö, jo̧kwaijayonö Afec comunidad tjöekwemi jobadönö kwaibinobe, ja̧danö veintisiete milbedönö 'dabebö loinobe. Siria la'aka luwo̧ Ben-adadbi Afec comunidadbe döibajinobe, jadanö comunidad okwa tebachajo̧, okwasȩko̧nö uju̧kwawinobe.

Diosnö ösödo̧ Job mikwo̧ usula emawina jawa 1:19

ja̧danö jejenö ba'ali tjujunemi ja'ötjö, ayö, jwa̧le'epjo jwiinö labinö jojodö deobetjö jwa̧le'ewatö, ja̧danö ba'ali tjujuneju labinö kwabibö meajabeta, o̧do jwiinö kwaibanö. Kwitji̧mu okwa tjö̧jonö, kwaibajabeta chuluwo̧, okobe deinö kwitji̧mu debö tji̧'yinö, ja̧danö okobe deinö jobe ju̧kwadötjö ji̧bajo̧ma ötjödasa, ja̧danö ökwönö yöbawö chichajabe, —jö̧ba̧lö yöawinobe Jobnö.

Isaías 8:6

—Bidö chömöledöma, dösölö̧jinö chiteada̧li̧ öpöjödadö, baikwö wanedö yöta̧la: Chiteada̧li̧ma, ojwe buluwöködö Siloe tjo̧'omanö isuwobedanö ichejekwijayonö, jobadönö chiteada̧li̧ öpöjödadö, ja̧danö öpöjödö, tjöpöjojodö Siria niji la'aka luwo̧ Rezinnöbi, Israel niji la'aka luwo̧ Peka mikwo̧nöbi yebabinö omukwatö tjö̧bawadö.

Mateo 18:24

Ja̧danö, tjumusidi̧ jamatö ko̧ko̧dö ba̧ja̧dö edenama, jo̧ba ömöayedötjö bakwo̧ nöinö musido̧nö tjichejebinobe, ba̧ja̧dökenanö nöinö musido̧nö.

Mateo 6:12

Ja̧danö, ökwödönö sulabenö ja̧bajadö sulabenö ja̧tjaja̧ omukwatökönö, jobadönö dösödi̧danö, sulabenö ja̧daja̧ omukwatökönö kwösödo ökwödönö.

Lucas 11:4

Ja̧danö ju'wibi, sulabenö ja̧denama, sulabenö ja̧daja̧ omukwatökönö ökwödönö kwösödobö adeba Dabe'do. Jau Dabe'do, ökwödönö sulabenö ja̧bajadönö dösödobe, sulabenö ja̧tjaja̧ omukwatökönö, jo̧kwajabetjö̧ jobadönö dösödi̧danö bakwainö ökwödönö kwösödobö adeba, sulabenö ja̧daja̧ omukwatökönö. Ja̧danö ju'wibi, otiwanö ökibobö adeba, Dabe'do, suli̧ jawa ösödö sulabenö ja̧dapji jö̧ba̧lö. Jobekwö Diosnö akebaduwo— jö̧ba̧lö yöawinobe Jesúsma, iteda öba̧ja̧di̧ waisachadönöma.

Lucas 13:3

Ju'wedö Galilea jojodötjö bajalekwönönö sulabedötjinokobe chömöledö. Dios öba a'otjö jobadöbi, ju'wedö Galilea jojodöbi, ökwödöbi bakwaibedöja. Jau chömöledö, Dios öba a'otjö ökwödöbi isabenö sulabenö omukwatadöja, ja̧danö sulabenö kwomukwataduwi̧ kabatibö kwöbalewachaduwökötjö̧ma, ökwödöbi isabenö Dios lȩebi̧tjö kwemaduwakwedöja.

Lucas 13:5

Ju'wedö Jerusalénnö ju̧kwadötjö bajalekwönönö sulabedötjinokobe chömöledö. Dios öba a'otjö jobadöbi, ju'wedö Jerusalénnö ju̧kwadöbi, ökwödöbi bakwaibedöja. Jau chömöledö, Dios öba a'otjö ökwödöbi isabenö sulabenö omukwatadöja, ja̧danö sulabenö kwomukwataduwi̧ kabatibö kwöbalewachaduwökötjö̧ma, ökwödöbi isabenö Dios lȩebi̧tjö kwemaduwakwedöja— jö̧ba̧lö yöawinobe Jesúsma.

Juan 9:11

—Bakwo̧, Jesús mikwo̧ma, nijisopja̧kwö aasobukwö letiya baibanö wiwodö chöbajalebiya wame dubebajo̧ ötjönö weatö, Siloé mikwe'dobe 'ya̧wi kwidichawo, jö̧ba̧lö. Jejenö weitjö̧, jobe 'ya̧nö chidichawemi chöbajalebiyama otiwanö chedinö baibatö— yöawinobe öbajale otiwanö baibajökwema.

Juan 9:7

Dubebö kabatajo̧ weinobe Jesúsma jo̧banöma: —Ojwese'do, Siloé mikwa'dobe 'ya̧wi kwidichawo— weinobe Jesúsma jo̧banö. Je'do imi, Siloé, jö̧ba̧löma, Weinökwe, jö̧a̧lobe. Jesúsma jejenö weajiökwe, öbajale tjewawökwema jobekwö 'ya̧jo̧ idichawemi otiwanö öbajalema edinö baibinobe. Ja̧danö, otiwanö baibajökwema tjebachajö i̧'yinobe.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.