Lucas 13:28 - Dios Iwene

²⁸ Ja̧danö, jejenö ökwödönö baledenama isabenö ba̧jekwadö budekwabinö kwo'ye kikisö ja̧bö kwubudekwaduwakobe, jobe okwa Abrahambi, Isaacbi, Jacobbi, okobe deinö Dios yöawi̧ yöbawinadöbi okwa tjö̧jonö, ökwödöma a̧petubeda kwö̧jaduwakobetjö̧.

Lucas 13:28 Iomraidhean Croise

Mateo 13:42

ökwöla nöolabe ikwö lotjakobe, jobe ja̧nö budekwabinö, tjo'ye kikisö ja̧bö usula tjemawakobetjö̧.

Mateo 13:50

ja̧danö böjö 'da̧batö tjujunajawö̧nö ökwöla nöolabe ikwö lotjakobe, jobe budekwabinö tjo'ye kikiso ja̧bö usula tjemakwakobetjö̧— jö̧ba̧lö yöawinobe Jesúsma.

Mateo 22:13

Ikenama, la'aka luwo̧ma iteda ömöayedönö weinobe, Bite sulabo̧nö ömamijubi, ömasapiyabi nu'yibö, a̧petube ikwö lobaduwinö, yȩa'wo okwa ba̧nö, budekwabinö o'ye kikiso ja̧bö usula emawo, jö̧ba̧lö weinobe.

Mateo 24:51

Ja̧danö chömöledö, iteda ömöayo̧ weinöködanö ja̧bo̧nö jejenö öbadekwajitjö̧ma, ömöayo̧nö labinö lȩebakobe chömöledö, ja̧danö jo̧banö ikwö loakobe, dötölatajanö omukwatadökwö budekwabinö o'ye kikisö ja̧bö usula emawobö—, jö̧ba̧lö yöawinobe Jesúsma, iteda öba̧ja̧di̧ waisachadönö.

Lucas 10:15

Ja̧danö ökwödö Capernaúm jojodöma, kwedaduwemi ¿mölejȩbe kakekwaduwakwa̧ji̧? Kabekwajöködöja. Ötjönö kwöpöjödaduwobetjö̧ ¡Dios ökwöla nöolabe ikwö loakwa̧wö̧ja!— jö̧ba̧lö yöawinobe Jesúsma, jo̧banö öpöjödadö comunidad jojodönö baledakwa̧ma.

Lucas 14:15

Jejenö yöa̧liökwe, bakwo̧ Jesúskwö mesasötenö bo̧ma yöa̧linobe: —Isabenö tjo̧'wo̧ ösöwanö tjö̧jakwedö okobe deinö judío jojodö Dios la'aka luwo̧ ö̧jena pjiesta tjukwakwedöma— jö̧ba̧lö.

Lucas 16:23

Ja̧danö, ö'wö babibajadötjö sulabedö usula emawö tjö̧jena ja̧nö, jwiinö usula emawö jo̧ba balada luwo̧ma pöbamö edö, ödötjö Abrahamnö edinobe, ja̧danö Abraham ipjeanö jo̧nö Lazaronö edinobe.

2 Tesalonicenses 1:5

Jau chömöledö, jejenö kwö̧jaduwi̧ma kwi̧sekwaduwobe Dios jweinö ja̧i̧ma. Ökwödöma Dios La'aka Luwo̧ ö̧jakwa̧ omukwatö, usula emawadöja babema, ¿jö̧tö? Ja̧danö Diosma ökwödönö ja̧bo̧, jo̧ba webö ö̧jena tjö̧jo jö̧ba̧ladö bakibaduwanö.

2 Pedro 1:11

Jau chömöledö, kwöwaisaduwa, dö̧jibinö pjabato̧ Duluwo̧ Jesucristoma, la'aka luwo̧ ja̧nö yöbawö ö̧jakobe, ja̧danö ökwödö jo̧banö ösödadöma jo̧bakwö dö̧jakwedösa, ¿jö̧tö? Ja̧danö chömöledö, ju'wibi yötawaduwakwö, yötawaja̧danö jwaikwöda ja̧bö kwö̧jaduwobö kwisakwaduwitjö̧ma, jobe tekachaduwenama Diosma isabenö jwiinö otiwanö ökwödönö iyakobe, ina böjȩnö kwö̧jaduwayi chösödi̧danö otiwanö ja̧bö ji̧nadöja jö̧ba̧lö.

Apocalipsis 21:8

Jo̧kwaijayonö jejenömaökö ju'wedönöma. Yebabinö, ¡Ayö! Diosnö chösöditjö̧ma inia tjötinö baledena, jö̧ba̧lö, yebabo̧danö yebabinadönöma otiwi̧ma chiyökakwo̧sa. Ja̧danö, Diosnö kabatibinadönöbi, ja̧danö, sulabedökwö pjabacha̧linadönöbi otiwa jawama chiyökakwo̧sa. Jobadönö ökwöla nöola okwa lotakwo̧sa. Ja̧danö, tji̧lȩkwa̧muböködökwö sulabenö ja̧binadönöbi, ja̧danö, jojodönö kwabö lobinadönöbi, ja̧danö, mea bobinadönöbi, ja̧danö, ju'wedö tjo̧'wo̧ tjöwana̧lobö tjotidinökwenö tjo̧'wo̧ wana̧linadönöbi, ja̧danö, bakwelajatebö omöna yöba̧linadönöbi, jobadönöma ökwöla nöola okwa lotakwo̧sa. Jobema jwiinö tubinö ubobe, azufre mikwi̧ tubi̧ma. Joola okwa lotji̧ma, 'dö̧ibaji̧ woawa mikwemi, jö̧ba̧lö weijatö Diosma ötjönöma, chiwȩyudobö.

Apocalipsis 22:15

Jo̧kwaijayonö ju'wedöma tetjachökakwedö. Jobadöma 'yayi̧ Jerusalén comunidad ö'öböda tjuju̧kwakwedö, sulabedöma. Jobadöma mea bobadöbi, tji̧lȩkwa̧muböködökwö sulabenö ja̧döbi, jojodönö kwabawö lobadöbi, jojodö tjotidina tjo̧'wo̧ jawa tjo̧'wo̧ wana̧ladöbi, omöna yöba̧lö ja̧döbi. Jobadöma tetjachökakwedö— jö̧a̧lijatö Jesúsma.