Lucas 13:17 - Dios Iwene

¹⁷ Jejenö yöawiawö̧, Jesúsnö öpöjödadöma taba̧lawö̧ tjö̧jinobe, jo̧kwaijayonö ju'wedö jojodöma tjo̧'wo̧ ösöwachibanö tjösödinobe, Jesúsma isabenö otiwa jawa otido̧ jö̧ba̧lö.

Lucas 13:17 Iomraidhean Croise

Éxodo 15:11

Isabenö Jo̧, ju'wedö tjo̧'wo jawa tjösödawö̧tjö ökwödajayo̧ma deobe. Ökwödajayo̧ma ¿tida? Deobe, bakwo̧da wainö juluwo̧ja, ökwö Isabenö Jo̧da. Deobe ökwödajayo̧, yebabinö tjösödökwema, Deobe ökwödajayo̧, jwiinö ujulu i̧sebo̧ma.

Isaías 4:2

Yadakwö Isabenö Jo̧ma yemidanö israel jojodönö pjaatakwo̧. Ja̧ möle Israel niji pokwi̧ma, jwiinö otiwanö pokwakobe. Ja̧danö, jejenö otiwanö pokwiawö̧, israel jojodötjö ji̧binadöma tjo̧'wo ösöwanö tjö̧jakwedö, —Ditebo israel niji pokwi̧ma, jwiinö otiwanö pokwobe, otiwanö kwakwawa dujuna̧lobö, —jö̧ba̧lö.

Isaías 66:5

Ökwödö Isabenö Jo̧ yöawi̧ a̧ja̧kwö, otiwanö yebabinö a̧ja̧kwö ju̧kwadönö, baikwö yötawaduwakwö Isabenö Jo̧ ökwödönö yöawi̧ma: Ökwödöma ötjö Isabenö Jo̧ Diosnö ösödadö kwö̧jaduwiawö̧, ju'wedö kwömöledöduwi israel jojodöma ökwödönö öpöjödadö, ja̧danö tjö'da̧detjö a'dewö lobadö. Ökwödönö obö, —Kwösödaduwökwe Isabenö Jo̧ma isabenö ujuluwitjö̧ma, iteda dejatinö ujulu i̧sȩbo, ökwödö jo̧banö ösödadö kwo̧'woduwi ösöwachibakobetjö̧, —jö̧ba̧lö ökwödönö obö yöba̧ladö. Jo̧kwaijayonö baikwö yötawa jobadönö, Jobadöda taba lö̧jawö̧ tjö̧jakwedö, jö̧ba̧lö.

Lucas 14:6

Jejenö abebö a̧ja̧kwiawö̧, atadakwawa jwiinö tjö̧jinobe Jesúsnö eda̧ladö fariseo jojodöbi Moisés iwȩyudina ba̧ja̧dadöbi.

Lucas 18:43

Ja̧danö, Jesús jejenö yöa̧lenama, juluwanö yemidanö edinobe öbajale tjewawo̧ma, ja̧danö Diosnö ösödö Jesús ökömanö i̧'yinobe, Diosma otiwanö pjaatajabe, jö̧ba̧lö. Ja̧danö ja̧ baledi̧ edö, okobe deinö edadöma Diosnö tjösödinobe, Otiwanö pjabato̧, jö̧ba̧lö.

Lucas 19:48

Jo̧kwaijayonö jojodö jwaikwöda Jesús öba̧ja̧di̧ a̧ja̧kwa̧lö tjö̧jinobe, ja̧danö jejenö a̧ja̧kwa̧lö tjö̧jobetjö̧, Jesúsnö söbebö lotjobö tjisakwi̧ma waekwinobe, Jesúsnö sulabenö ja̧ditjö̧ma wene baibena, jö̧ba̧lö yetjabobetjö̧.

Hechos 4:21

Jejenö jö̧tja̧liawö̧, la'aka luwedöma Pedronö, Juannö, Inia tjötjobö wedo, jö̧ba̧lö, omukwatijadötö. Jo̧kwaijayonö jejenö wetjobö jwibijadötö, jojodöma tjöpöjödobetjö̧. Okobe deinö jobe ju̧kwadöma kwebachö̧kö̧nö otiwanö baibanö otidinobetjö̧ Diosnö ösödijadötö. Jo̧bama, ömasapiya otiwanö baibajökwema, cuarenta o̧biya tupakwö juna̧lijetö. Lekwe kwebachökönö ji̧nanö otiwanö baibinobetjö̧ jojodöma Diosnö ösödijadötö. Jo̧kwaobetjö̧ la'aka luwedöma inia tjötjobö webökönö, labebijadötö Pedronö, Juannö. Jobadönö yemidanö, Jojodönö yökawaduwoko, jö̧ba̧lö, lȩbebö labebijadötö.

Tito 2:8

jweinö isabenö weneda yökawo, ju'wedö bitema sulabenö yöbawo̧ jö̧ba̧lö yötja̧lobö jwitjakobetjö̧. Ja̧danö, jweinö yökawobetjö̧, ökwödönö öpöjödadöma taba lö̧jawö̧ tjö̧jakwedö, ökwödönö sulabenö yötja̧lobö jwiobetjö̧.

1 Pedro 3:16

Ja̧danö, okobe jwiinö ja̧bö kwö̧jaduwi̧ma, kwomajadeduwinö otiwanö kwöwaisaduwi̧danö ja̧bö kwö̧jaduwo chömöledö. Ju'wedöma isabenö ökwödönö öpöjödö sulabenö yötja̧lena chömöledö, Cristonö ösödadöma sulabedö, sulabenö ja̧badö, jö̧ba̧lö. Jo̧kwaijayonö kwomajadeduwinö kwöwaisaduwi̧danö ja̧bö kwö̧jaduwitjö̧ma, ökwödönö sulabenö yöba̧ladöma taba lö̧jawö̧ tjö̧jakwedö, otiwanö ja̧bö kwö̧jaduwi̧ öwaetjöda öwawobetjö̧.