Lucas 13:14 - Dios Iwene

¹⁴ Jo̧kwaijayonö otikwökö möle jö'wöchi̧ otidö loiökwe, ba̧nö tja̧ja̧kwa̧leju luwo̧ma ödameakwinobe, ja̧danö jojodönö yöawinobe: —Semanakwena jelemutjö bakwöta möle jobe, jojodö otiwanö tjotidoböma, jo̧kwajabetjö̧ ja̧ jelemutjö bakwöta möleda kwichaduwo, kwö'wöchaduwi̧ otidö looböma. Otikwö̧kö̧ möle ökwödönö otidö looböma sula, jo̧kwajabetjö̧ otikwökö möle otidö looböma kwichaduwoko— jö̧ba̧lö.

Lucas 13:14 Iomraidhean Croise

Éxodo 20:9

Ja̧danö, jelemutjö bakwöta mölȩ baledibanö okobe jwiinö kwotidawaduwi̧ma kwotidaduwo.

Éxodo 23:12

Ja̧danö, jelemutjö bakwöta mölȩ baledibanö kwotidaduwi̧ma kwotidaduwo. Jo̧kwaijayonö jelemutjö dötölataja mölȩ, sábado mölȩ baibena kwö'wachaduwo, otidökönö. Jejenö otidökönö kwö'wachaduwo kwajwi ba̧ka̧yö̧bi, bu̧lu̧döbi otidökönö tjö'wachakobetjö̧. Ja̧danö midö eminoko jitji̧bi, ja̧danö jelobetjö̧ ichinadö tjotidobö midö kwiyaduwawö̧bi ö'wachö tjotidokobetjö̧, ja̧danö yemidanö tjujuluwakobetjö̧ ja̧ mölȩma otidökönö kwö'wachaduwo, okobe deinö.

Mateo 12:2

Jejenö tjebö tjukwiawö̧, fariseo jojodö edö Jesúsnö yötja̧linobe: —Jesús, edi. Ökwödö judío jojodönö weawa laeböködanö, tjotidökö mölejayonö sulabenö tjebö kwadö, kwöba̧ja̧di̧ waisachadöma— jö̧ba̧lö.

Marcos 5:22

Ikenama bakwo̧, Jairo mikwo̧, judío jojodö ba̧nö tja̧ja̧kwa̧leju la'aka luwo̧ma, Jesús ö̧jobekwö 'ya̧wibijetö. Ichibö, Jesúsnö edö, öba a'o u̧yu̧ju̧ki̧junö bamatijetö nijakwö bȩbachibö.

Lucas 6:11

Ikenama, jejenö otikwökö möle ömamu 'wabo̧nö otidö loiawö̧, Moisés iwȩyudina ba̧ja̧dadöbi, fariseo jojodöbi jwiinö tjölabinobe Jesúsnö, ja̧danö Jesúsnö öpöjödö yötja̧lakwawinobe, Jesúsnö sulabenö ja̧tjakwa̧ma.

Lucas 6:7

Jejenö ö̧jiawö̧, Moisés iwȩyudina ba̧ja̧dadöbi, fariseo jojodöbi Jesúsnö tjeda̧linobe, otikwökö möle jo̧banö otidö loojobö jö̧ba̧lö. Jejenö tjeda̧linobe, jo̧banö Jesús otidö loenama, Jesúsma sulabenö otikwökö möle otido̧, jö̧ba̧lö, Jesúsnö wanedö yötja̧lakobetjö̧.

Lucas 8:41

Ja̧danö, jobe judío jojodö ba̧nö tja̧ja̧kwa̧leju luwo̧ Jairo mikwo̧ma, Jesús ö̧jobekwö ichibinobe, ja̧danö Jesús öba a'o apaneakwö bamatö, Jesúsnö aeba̧linobe, ejube ichö itjiju jö'wöchi̧ otidö loobö.

Hechos 13:15

Jejunö ba̧nö tja̧ja̧kwa̧lonö judío jojodö la'aka luwedöma, Moisés iwȩyudina öjiya kwialu eda̧lö yöba̧lijadötö. Ja̧danö, ju'wedö Dios yöawi̧ yöbawinadö tjiwȩyudina öjiya kwialubi eda̧lö yöba̧lijadötö. Jemi ikenama ja̧ yöba̧lö katjatajena ju'wedö judío jojodö la'aka luwedöma webijadötö bakwo̧nö abebö a̧ja̧kwobö Pablonö, Bernabénö: —Chömöledö, ökwödöma ¿yökawaduwobö jö̧ka̧laduwiji̧? Jojodö tjo̧'wo̧ luwo̧ ösöwachibanö tjomukwatobö yöa̧lakwawa kwujuna̧laduwitjö̧ma yökawaduwena, da̧ja̧kwobö— jö̧ba̧lijetö.

Hechos 18:17

Labebajadötjö ju'wedöma jelo̧nö, judío jojodö yötjaweju la'aka luwo̧nö, Sóstenes mikwo̧nö, do̧batibö kwakwabijadötö a̧petutjö, lȩekwa yöawakwawa wa̧kwawaka badeibö. Jejenö kwakwatjonö Galiónma jö̧ba̧lökönö ji̧jetö.

Hechos 18:8

Jobe Corintonö jo̧ma, judío jojoma, judío jojodö yötjaweju la'aka luwo̧ma, Crispo mikwo̧ma, Pablo yöawi̧ a̧ja̧kwö Duluwo̧nö ösödijetö, Jesúsma chö̧jibinö pjabato̧, jö̧ba̧lö. Ja̧danö, jo̧ba ejunö ju̧kwadöbi okobe deinö ösödijadötö Jesúsnöma. Ju'wedöbi ba̧jekwadö Corintonö ju̧kwadöma, Pablo yöawi̧ a̧ja̧kwö ösödijadötö Jesúsnöma. Ikenama ösödajadönö ojwenö bu̧datijetö Pabloma.

Romanos 10:2

Jweinö yötawaduwakwö chömöledö, isabenö isakwadö Israel jojodöma Dios ösödinö ja̧tjo jö̧ba̧lö. Jo̧kwaijayonö, Dios ösödi̧danö ja̧tjotö jö̧ba̧lö tjisakwijayonö, wajwibö isakwadö chömöledö.

Deuteronomio 5:13

Jau, jelemutjö bakwöta möle baledibanö, okobe jwiinö kwotidaduwo jö̧ka̧laduwi̧ kwotidaduwobö jo̧be.