Lucas 13:12 - Dios Iwene

¹² Jobujunö edö, Jesúsma jobujunö jwöinobe, ö̧jobekwö jichobö, ja̧danö ichibajunö yöa̧linobe: —Jojosuju, kwö'wöchi̧tjö ejatö lotakwö— jö̧ba̧lö.

Lucas 13:12 Iomraidhean Croise

Isaías 65:1

Baikwö yöawobe Isabenö Jo̧ma: Isabenö chömöledönö cha̧ja̧kwobö chiteada̧lijatö, jo̧kwaijayonö atjebinokobe chömöledöma. Ja̧danö ötjönö tjöbadekwajobö chi̧sȩkwijayonö, ötjönö tjisakwinokobe chömöledöma. Chömöledö israel jojodö ötjönö, —Isabenö Jo̧, pjabati, —jö̧ba̧lö atjebököjayonö, jobadönö pjatatotö jö̧ba̧lö yöta̧lijatö, —Bai chö̧ja chömöledö, akebaduwotjö, —jö̧ba̧lö.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 8:16

Ja̧ yö̧te, jobe ju̧kwadöma ba̧jekwadö tjo̧'wo̧ luwo̧nö sulabedönö juna̧ladönö tjichejebinobe, ja̧danö Jesúsma yöba̧lö a'dewö loinobe tjo̧'wo̧ luwo̧nö sulabedönö. Ja̧danö, okobe deinö ö'wöchadönö otidö loinobe.

Lucas 13:11

Ja̧danö jeluju jobe jö̧jinobe, jo̧'wo̧ luwo̧nö sulabo̧ öjokoma, a̧li̧nösamu jelemutjö wa̧pötakwa o̧biya usula emawujuma. Jo̧'wo̧ luwo̧nö sulabo̧ ö̧joko, bakobenö itukobuju jö̧jinobe, jweinö a̧laibökuju.

Lucas 13:13

Ikenama Jesúsma jobujunö mainobe, ja̧danö maenama, juluwanö jweinö a̧laibö, jo̧'wo̧ ösöwachibanö Diosnö jösödinobe, otiwanö pjaatajabe jö̧ba̧lö.

Lucas 13:16

Ja̧danö kwa̧jwi̧muduwinö jejenö otikwökö möle kwejataduwobö ji̧tjöma, bisu Abraham itjiju tupadanö jojosujunö ¿jö'wöchi̧tjö chejatobö jwienaji̧? Isabenö jo̧be. Bisuma Awetja nu'yö loiniokoda a̧li̧nösamu jelemutjö wa̧pötakwa o̧biya itukobuju usula jemawajabeta, ja̧danö kwa̧jwi̧munö otikwökö möle kwejataduwobö ji̧tjö̧ma, isabenö bisu kwa̧jwi̧muduwitjö bajalekwönönö mikwawujunö otikwökö möle chejatobö jo̧be— jö̧ba̧lö yöawinobe Jesúsma.