Tupakwö yöawinobe Jesúsma: —Ötjöma böjȩtjö wene baibobö chichajabe. Wanedö yötawa: Ötjöma böjȩtjö ökwöla chönötedobö chichajabe, ja̧danö ida̧ökö ubitjö̧ma otiwo jö̧a̧lajena. Baikwö yötawa: Jejenö chönötedakwa̧ abönö, nöinö usula chemawobö ja̧kobe, ja̧danö usula chemawakwa̧ omukwatö, cho̧'wo̧ tjo̧ekwobe. Jejenö omukwatö, ida̧ökö ubitjö̧ma otiwo jö̧a̧lajena jö̧ba̧lö yöta̧lobe, ida̧ökö ubatjö̧ma, usula emawö chöbaledakwa̧ ida̧ökö chöbaledo jö̧ta̧lajena jö̧ba̧lö. Jau chömöledö, usula chemawakwa̧ chöbaledenanö kabatö nöinö cho̧'wo̧ tjo̧ekwakobe, juluwanö baledowe jö̧ba̧lö.
Lucas 12:51 - Dios Iwene51 Ötjöma böjȩtjö wene jwiinö tjö̧jobö ¿chichinaji̧? Isabenö böjȩtjö wene jwiinö tjö̧joböma ichinö̧kö̧sa chömöledö. Wene ichejebo̧sa. Ja̧danö ökwöla chönötedi̧danö isabenö wene baibobö chönötedakobe, ötjönö ösödadökwöbi öpöjödadökwöbi nöinö wene ja̧kobetjö̧. Faic an caibideil |
Lucas 12:51
8 Iomraidhean Croise
Jau chömöledö, bemi tupakwö, ba̧jekwadö tjejunö baikwö baledakobe: Bakwejunö ju̧kwadöbi 'da̧bachibö tjölakwabikwawakobe, ötjönö ösödadökwö öpöjödödadökwöma. Baikwö yötawa chömöledö: Bakwejunö ju̧kwadötjö du̧ju̧taja ötjönö tjösödonö, wa̧medukwa ötjönö tjöpöjödena, ja̧danö jelejunö wa̧medukwa ötjönö tjösödonö, du̧ju̧taja tjöpöjödena, ja̧danö ösödadökwö öpöjödadökwö ölakwabikwawö tjö̧jakobe.
Sanasan