Lucas 12:41 - Dios Iwene

⁴¹ Jejenö yöawiökwe, Pedroma Jesúsnö abebö a̧ja̧kwinobe: —Ja̧ yökawaja̧ma, ¿didönö wanekwachobeda? Ökwödö kwöba̧ja̧di̧ waisachadödaena, okobe deinö a̧ja̧kwadödaena, ¿tinö yökawaja̧da te'ada̧lö dö̧jobö?— jö̧ba̧lö.

Lucas 12:41 Iomraidhean Croise

Marcos 13:37

Ökwödönö yötawi̧ma okobe deinö jojodönöbi tjöwaisobö chösöda. Otiwanö tjöbeba̧lakwawö kwuju̧kwaduwo—jö̧ba̧lö wanedö yöbawijetö Jesúsma öba̧ja̧di̧ waisachadönöma.

Marcos 14:37

Jejenö budekwabinö abebö kabatö, öba̧ja̧di̧ waisachadö tjö̧bajobekwö ȩwa̧bijö edemi abö tjöba̧jobe edijetö. Abö tjöba̧jiökwe Pedronö jö̧ba̧lijetö: —Simón, ökwöma ¿kwabiji̧? ¿Ja'yubebi eda̧lö bö̧ködanö kwichejekwiji̧ ökwöma?— abebö a̧ja̧kwijetö.

Lucas 12:47

Jau chömöledö, jo̧ba ömöayo̧ sulabo̧ma, uluwo̧ wei̧ öwaisinobe, uluwo̧ ȩwa̧jakwa̧ abönö otido jö̧a̧li̧ma. Jo̧kwaijayonö, uluwo̧ wei̧ öwaisijayonö, uluwo̧ wei̧danö ja̧inokobe, ja̧danö uluwo̧ ȩwa̧jakwa̧ jawa otidinokobe. Jo̧kwaiökwe, uluwo̧ma isabenö jo̧banö labinö kwakwaakobe chömöledö, öwaisijayonö öwaisi̧danö ja̧okobetjö̧.

Lucas 12:48

Jo̧kwaijayonö ömöayedötjö uluwo̧ wei̧ wajwibö uluwo̧ öpöjödi̧danö ja̧bo̧nöma labinö kwakwaökena uluwo̧ma. Wajwibö sulabenö ja̧obetjö̧, uluwo̧ma labinö kwakwaökena, ja'yubeda kwakwaena, wajwibö sulabenö ja̧ajabe jö̧ba̧lö— yöawinobe Jesúsma. Wanedö yöbawajo̧, Jesúsma labebö lobö yöawinobe baikwö: —Chöba̧ja̧di̧ waisachadötjö nöinö chöba̧ja̧dawö̧ma, nöinö tjotidobö weakobe Diosma, bidöma isabenö otiwanö otikwa waisadö jö̧ba̧lö. Ja̧danö ju'wibi yötawaduwakwö, bidöma otiwanö tjotidakwedö jö̧ba̧lö nöinö tjotidobö Dios 'da̧batö ujunawö̧ma, ju'wedötjö bajalekwönönö nöinö tjotidobö jo̧be— jö̧ba̧lö yöawinobe.

1 Pedro 4:7

Ja̧danö chömöledö, 'dö̧ibaji̧ möle yöneawachibobe. Jo̧kwajabetjö̧, jweinö omukwatö eda̧lakwawö kwö̧jaduwo, ja̧danö waisanö omukwatö Diosnö abebö kwö̧jaduwo.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.