Lucas 12:30 - Dios Iwene

³⁰ Jau chömöledö, ¿tajawedö ja̧ jawa omukwatö kwo̧'wo̧ tjo̧kekwaduwobö? Kwabe'doma ¿ökwödönö wajwienaji̧, ja̧ jawa tjujuna̧lobö jo̧be jö̧ba̧löma? Böjȩ bakwameachibanö jojodöma ja̧ jawa isakwadö chömöledö, ja̧danö Kwabe'doduwima isabenö ökwödönö waiso̧, ju'wedö ja̧ jawa tjujuna̧lobö ji̧danö, chi̧tji̧mubi ja̧ jawa tjujuna̧lobö jo̧be, jö̧ba̧lö.

Lucas 12:30 Iomraidhean Croise

Mateo 10:20

Jau chömöledö, yökawaduwenama, ökwödödama omukwatö yökawaduwökakwedöja. Kwabe'doduwi O̧'wo̧ Luwo̧da ökwödönötjö yöawakwo̧.

Mateo 18:14

Mölejȩbe jo̧ Kwabe'doduwibi ja̧danö chömöledö, jo̧bama jwiinö öpöjödobe, bidö tjemu pjebadötjö bakwo̧bi debö i̧'yapji jö̧ba̧lö— yöawinobe Jesúsma.

Mateo 5:47

Ja̧danö chömöledö, sule kwömöledöduwinöda debawö dokwa akebaduwitjö̧ma, ¿ju'wedö ja̧tji̧tjö bajalekwönönö ja̧köbaduwenaji̧? Diosnö öpöjödadöbi jejenö ja̧badö chömöledö. Ökwödönö weti̧ma sule kwömöledönöda kwösödaduwo jö̧ba̧löma wetökö chömöledö. Kwöpöjojodönöbi kwösödaduwobö wetaduwakwö.

Mateo 6:1

Tupakwö yöawinobe Jesúsma: —Chömöledö, ökwödö otiwanö ja̧köbaduwenama, sule jojodöda tjedo jö̧ba̧löma ja̧bökönaduwi. Jau chömöledö, jojodöda ökwödönö ösödö tjedobö ja̧köbaduwiökwe, mölejȩbe jo̧ Kwabe'doduwima otiwanö ja̧köbaduwaja̧ mikwa baibanöma iyökakobe, ida̧ökö jojodötjö ja̧tjaja̧ mikwa baibanö emajadö jö̧ba̧lö.

Mateo 6:32

Jau chömöledö, ¿tajawedö ja̧ jawa omukwatö kwo̧'wo̧ tjo̧kekwaduwobö? Kwabe'doma ¿ökwödönö wajwienaji̧, ja̧ jawa tjujuna̧lobö jo̧be jö̧ba̧löma? Böjȩ bakwameachibanö jojodöma ja̧ jawa isakwadö chömöledö. Ja̧danö Kwabe'doduwima isabenö ökwödönö waiso̧, ju'wedö ja̧ jawa tjujuna̧lobö ji̧danö, chi̧tji̧mubi ja̧ jawa tjujuna̧lobö jo̧be jö̧ba̧lö.

Mateo 6:8

Jobadö atjebi̧danöma abebökönaduwi chömöledö. Kwabe'doduwima isabenö ökwödönö a̧ja̧kwo̧, ja̧danö akebaduwakwa̧ abönö ida̧ökö jwiköbaduwi̧ waiso̧.

Lucas 12:29

Diosma isabenö ökwödönö ite'ada̧lakwo̧ chömöledö, jo̧kwajabetjö̧ Diosda te'ada̧lö iyakwo̧ jö̧ba̧lö, kwukwaduwakwa̧bi, kwowaduwakwa̧bi kwisakwaduwoko, ja̧danö ja̧ jawa omukwatö kwo̧'wo̧ tjo̧kekwaduwoko chömöledö.

Lucas 12:31

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Lucas 12:32

Jejenö jo̧be, jo̧kwajabetjö̧ ökwödö cha̧jwi̧mu chite'ada̧lawö̧ o̧bȩja̧dödanöbedönö baikwö yöta̧la: Yekabiduwa, Kwabe'doduwi Diosma otiwanö ökwödönö iyobö ösödobetjö̧. Jau chömöledö, Kwabe'doduwima isabenö otiwanö ökwödönö iyobö ösödo̧, ja̧danö jejenö iyobö ösödobetjö̧ iteda la'aka luwo̧ ö̧jenabi ökwödönö iyakobe. Jo̧kwajabetjö̧, jwidena jö̧ba̧lö yekabiduwobö jwiobe yelösöda chömöledö, Diosma isabenö otiwanö ökwödönö te'ada̧lö iyakwo̧, jö̧ba̧lö.

Juan 20:17

Wo̧jatibiökwe: —Wo̧katibatjö María, ina Dabe'do ö̧jobekwö ȩwa̧jö katekwachokobetjö̧— jö̧a̧linobe—. Babema chömöledönö yöbawaji, tjöwaiso. Ja̧danö, jobadönö yökawo, Chabe'do ö̧jobekwö chȩwa̧jakobe, ötjö Chabe'dobi ökwödö kwabe'doduwibi ö̧jobekwö. Ja̧danö, ötjö cho̧'wo̧ chöwana̧lökwe Dios, ökwödö kwo̧'wo̧duwi kwöwana̧laduwökwe Dios ö̧jobekwö chȩwa̧jakobe, yökawo— weinobe Jesúsma María Magdalenanö.

Efesios 4:17

Jo̧kwaobetjö̧ chömöledö, Duluwo̧ma ötjönö weinadanö yötawaduwakwö. Diosnö wajwibadö sulabenö omukwatö tjuju̧kwi̧danöma omukwatö kwuju̧kwaduwa. Jobadöma Diosnö wajwitjobetjö̧ mikwa jwii̧ jawada omukwatö ja̧bö ju̧kwadö.

1 Tesalonicenses 4:5

Jau chömöledö, Diosnö wajwibadö ja̧bö tjö̧ji̧danöma, bakwainö 'da̧'da̧akwawa ösödö ja̧nöma, ja̧bö kwö̧jaduwoko.