Lucas 11:21 - Dios Iwene

²¹ Baikwö wanedö yötawa Awetjanö chujuluwi̧ma: Bakwo̧ juluwo̧ma, okobe jwiinö kwakwaakwawa jawa juna̧lo̧ma iteda eju tjöbeba̧lönö ite'ada̧lena. Ja̧danö, jejenö ite'ada̧lo̧nö, jelo̧ tebachö itea önaukwobö jwiena, juluwo̧ tjöeba̧lobetjö̧, ¿jö̧tö?

Lucas 11:21 Iomraidhean Croise

Isaías 49:24

Isabenö juluwo̧ Diosma chömöledö, baikwö yöta̧la: Bakwo̧ ölakwabikwawa juluwo̧, ujujulajawö̧ tjitea 'döbebö emaja̧ma, bakwo̧bi jo̧batjö 'döebobö jȩnaji̧? Ja̧danö bakwo̧ inesö la'aka luwo̧ labo̧, ölakwabikwawö öpöjojodönö juluwajo̧nö bakwo̧bi weobö jȩnaji̧, —Kwömöayedö batjibanö kwujuluwajawö̧nö ejati, wainö tjewa̧jo̧, —jö̧ba̧lö jo̧banö weobö jȩnaji̧? Kwöwaisaduwa chömöledö, juluwadötjobetjö waekwena, jö̧tö?

Mateo 12:29

Baikwö wanedö yötawaduwakwö: Bakwo̧ juluwo̧ iteda eju okwa ö̧jayi, naukwabo̧ma tebachö önaukwobö jwiena, ¿jö̧tö? Sule juluwo̧nö juluwajo̧, ja̧danö juluwo̧nö nu'yajo̧, itea önaukwena, ¿jö̧tö? Ötjöbi ja̧danö chömöledö, Awetja ujulunö ja̧bö̧kö̧sa. Ötjöma jo̧banö juluwajo̧, jo̧ba ömöayedönö a'dewö lobo̧sa— jö̧ba̧lö yöawinobe Jesúsma.

Marcos 3:27

Ina jö̧ba̧lijetö ju'wi wanedö yöbawö: —Ju'wi wanedö yötawa, Awetjama eju te'ada̧lo̧ ujuluwi̧danö juluwo̧, jö̧ba̧lö. A̧ja̧kwaduwitjö. Bakwo̧ juluwo̧ma eju apjude a'o ite'ada̧lo̧nöma jelo̧, juluwo̧ u̧kwa tea önaukwotö jö̧ba̧lö ichajo̧ma ¿jo̧kwada juluwo̧nö baledibö teachibenaji̧? Jo̧kwadama baledibö tebachibö̧kö̧. Teachibakwo̧ma abönö juluwo̧nö do̧batibö nu'yo̧. Ja̧danö, ¿dakwö kwomukwataduwa? ¿Me'dawo̧ma juluwo̧nö do̧batö unu'yenaji̧? Jo̧kwadabo̧ma do̧batö nu'yö̧kö̧ juluwo̧nöma. Juluwo̧nötjö bajalekwönönö juluwo̧da do̧batö nu'yibö tebachibo̧— jejenö wanedö yöbawijetö Jesúsma.

Lucas 11:20

Jau, Awetja ujulunö ja̧bö̧kö̧sa ötjöma, Dios ujulunöda tjo̧'wo̧ luwo̧nö sulabedö ja̧dönö a'dewö lobo̧sa. Ja̧danö ju'wibi yötawaduwakwö: Ja̧ Dios ujulunö a'dewö loti̧ma öwaetjöda i̧sebobe, Dios la'aka luwo̧ ö̧jakwa̧ma, tjo̧wi̧ badekwachajabe jö̧ba̧lö.

Lucas 11:22

Jo̧kwaijayonö jo̧batjö bajalekwönönö juluwo̧ ichibö mebibö jo̧banö ujuluwitjö̧ma, itea emena, ¿jö̧tö? Jau, juluwo̧ma, Aaa, tjöekwado̧ 'diado̧ 'dutawobetjö̧, jelo̧ ötjönö ujuluwobö jwiena jö̧ba̧lö omukwatijayonö, jo̧banötjö bajalekwönönö juluwo̧ ichibö ujuluwena. Ja̧danö juluwajo̧, tjöekwado̧bi 'döebena, ja̧danö okobe jwiinö iteabi wene jwiinö 'döbebö emena. Jejenö ichejekwobe ötjö Awetjanö chujuluwi̧ma, ötjöma jo̧banö juluwajo̧, jo̧ba ömöayedönö a'dewö lobo̧sa— jö̧ba̧lö yöa̧linobe Jesúsma.