Lucas 11:20 - Dios Iwene

²⁰ Jau, Awetja ujulunö ja̧bö̧kö̧sa ötjöma, Dios ujulunöda tjo̧'wo̧ luwo̧nö sulabedö ja̧dönö a'dewö lobo̧sa. Ja̧danö ju'wibi yötawaduwakwö: Ja̧ Dios ujulunö a'dewö loti̧ma öwaetjöda i̧sebobe, Dios la'aka luwo̧ ö̧jakwa̧ma, tjo̧wi̧ badekwachajabe jö̧ba̧lö.

Lucas 11:20 Iomraidhean Croise

Éxodo 8:19

Jo̧kwaiawö̧ maliba luwama jö̧ba̧lijadötö faraónnö, bejenö baledi̧ma Diosda wei̧, jö̧ba̧lö. Jo̧kwaijayonö faraónma ina omajade 'diinö ji̧jetö, Moisés, Aarón atjebi̧ öpöjödö.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.

Mateo 12:28

Jau, Awetja ujulunö ja̧bö̧kö̧sa ötjöma. Dios O̧'wo̧ Luwo̧ ujulunöda tjo̧'wo̧ luwo̧nö sulabedö ja̧dönö a'dewö lobo̧sa. Ja̧danö ja̧ Dios O̧'wo̧ Luwo̧ ujulunö a'dewö loti̧ma öwaetjöda i̧sebobe, Dios la'aka luwo̧ ö̧jakwa̧ma tjo̧wi̧ badekwachajabe, jö̧ba̧lö.

Mateo 3:2

—Sulabenö kwomukwataduwi̧ kabatibö balewachaduwi, Dios yöbawö weakwa̧ möle yöneawachibobe— jö̧ba̧lö.

Mateo 4:24

Jejenö ja̧iawö̧, ba̧jekwadö tja̧ja̧kwinobe jo̧banöma, ja̧danö Siria niji bakwameachibanö jojodöbi jo̧banö tja̧ja̧kwinobe. Jo̧kwajabetjö̧, jo̧ba ö̧jobekwö tje'ewinobe okobe jwiinö tjö'wöchi̧tenia ja̧danö nitji̧tenia usula emawadönöbi, ja̧danö tjo̧'wo̧ luwo̧nö sulabedönö juna̧ladönöbi, ja̧danö nijinö mebö 'dö̧bachabidönöbi, ja̧danö 'wabadönöbi. Jejenö tjichejebiökwe, Jesúsma okobe deinö jobadönö tjö̧bibajinö otidö loinobe.

Lucas 10:11

Pjadatobö kwöpöjödaduwobetjö̧, ökwödötjö 'da̧bachibö di̧'yobe, Bidöma öpöjödadö, jö̧ba̧lö. Jau, kwöpöjödaduwobetjö̧, kwiteboduwi nijiso̧pja̧bi dömasapiyatjö 'do̧bekwö lodobe, Bemi jojodöma isabenö ökwödödanöböködö, jö̧ba̧lö. Ja̧danö, kwöpöjödaduwobetjö̧ Dios lȩebakwawö̧ja. Dios la'aka luwo̧ ö̧jakwa̧ma isabenö yöneawachibajabe, ja̧danö ökwödönobi pjaatobö jö̧a̧lajabe, jo̧kwaijayonö kwöpöjödaduwobetjö̧ Dios lȩebakwawö̧ja, jö̧ba̧lö, yökawaduwo.

Lucas 10:9

Ja̧danö jobe ja̧nö, ö'wöchadönö otidö loköbaduwo, ja̧danö jojodönö yökawaduwo, Dios la'aka luwo̧ ö̧jakwa̧ma, ida̧ökö yöneawachibobe jö̧ba̧lö.

Lucas 11:21

Baikwö wanedö yötawa Awetjanö chujuluwi̧ma: Bakwo̧ juluwo̧ma, okobe jwiinö kwakwaakwawa jawa juna̧lo̧ma iteda eju tjöbeba̧lönö ite'ada̧lena. Ja̧danö, jejenö ite'ada̧lo̧nö, jelo̧ tebachö itea önaukwobö jwiena, juluwo̧ tjöeba̧lobetjö̧, ¿jö̧tö?

Hechos 20:25

Ina yöbawijetö: —Jau chömöledö, ökwödönö yöbawö kwetachijatö, Dios La'aka Luwo̧ ö̧ji̧ wene yöbawö. Babema tjo̧wi̧, ötjönö yemidanö kwedaduwökakobe.

2 Tesalonicenses 1:5

Jau chömöledö, jejenö kwö̧jaduwi̧ma kwi̧sekwaduwobe Dios jweinö ja̧i̧ma. Ökwödöma Dios La'aka Luwo̧ ö̧jakwa̧ omukwatö, usula emawadöja babema, ¿jö̧tö? Ja̧danö Diosma ökwödönö ja̧bo̧, jo̧ba webö ö̧jena tjö̧jo jö̧ba̧ladö bakibaduwanö.