Lucas 10:40 - Dios Iwene

⁴⁰ jo̧kwaijayonö Martama kwakwawa jotidinobe. Martabi ja̧ja̧kwobö jö̧ja̧lijayonö, Aaa, bidö otiwanö tjukwakwa̧ chotido jö̧ba̧lö, a̧ja̧kwökönö otidöda jotidinobe. Ja̧danö, jöjawuju ba̧nö a̧ja̧kwa̧löda jö̧bioko, Martama jo̧'wo̧ sulinö Jesúsnö yöja̧linobe: —Chuluwo̧, nöinö chotidonö chöjawujuma pjabatökönö sulabenö ba̧nöda a̧ja̧kwa̧luju. Kwedemi chöjawuju sule ba̧nöda jö̧boböma sula, ¿jö̧tö? Jo̧kwajabetjö̧ chöjawujunö webijö, otiwanö ötjönö pjajatobö— jö̧ba̧lö yöja̧linobe Martama Jesúsnö.

Lucas 10:40 Iomraidhean Croise

Mateo 14:15

Yi̧benakwö baibenama, Jesús öba̧ja̧di̧ waisachadöma ichö jo̧banö yötja̧linobe: —Duluwo̧, ida̧ökö yi̧bena baiba, ja̧danö jojodö tjukwobö jo̧be. Jo̧kwaijayonö, baima jojodö deobe, ja̧danö kwakwawa tjememibi jwiobe. Jo̧kwajabetjö̧ jojodö tjȩwa̧jobö webi, comunidadtjö tju̧kwa kwakwawa tjemakobetjö̧— jö̧ba̧lö.

Mateo 16:22

Jejenö yöawökwe, Pedroma jo̧banö do̧batö yöa̧linobe: —Chuluwo̧, sulabenö yöka̧la. Jejenöma la'akatjöda baledökena ökwönö, Dios weökena— jö̧ba̧lö.

Marcos 3:21

Ikenama Jesús ömöledöma jo̧ba kwökönö otidobe yötjawi̧ a̧ja̧kwö, Jesúswe, o̧'wo̧ söba̧lö ö̧jena, jö̧ba̧lö, 'yi̧jadötö jo̧banö öbibö tjȩwa̧jobö.

Lucas 10:38

Ajayinö omukwatö ujuninadanö, Jesúsma iteda öba̧ja̧di̧ waisachadökwö ina Jerusalén jo̧bekwö tjo̧'omanö i̧'yinobe, ja̧danö 'ya̧nö ju'wi comunidadbe ichibinobe, Marta mikwuju jitebobema. Jejenö tjichibioko, Martama Jesúsnöbi öba̧ja̧di̧ waisachadönöbi ja̧debinobe, jeju okwa tetjachobö.

Lucas 10:41

Yöja̧lökwe Jesúsma atadinobe: —Chömöledösuju chösödoko Marta, ju'wi jayebi, ju'wi jayebi nöinö kwo̧'wo̧ tjo̧kekwa, jo̧kwaijayonö ja̧ jayema isabenö mikwawökö ji̧ Marta.

Lucas 12:29

Diosma isabenö ökwödönö ite'ada̧lakwo̧ chömöledö, jo̧kwajabetjö̧ Diosda te'ada̧lö iyakwo̧ jö̧ba̧lö, kwukwaduwakwa̧bi, kwowaduwakwa̧bi kwisakwaduwoko, ja̧danö ja̧ jawa omukwatö kwo̧'wo̧ tjo̧kekwaduwoko chömöledö.

Lucas 9:55

Jejenö atebökwe, Jesúsma jalachibö yöa̧linobe: —Sulabenö kwomukwataduwa, jobadönö söbebö lodökö— jö̧ba̧lö.

Juan 11:1

Ja̧danö bakwo̧ ji̧nobe, Lázaro mikwo̧ma. Jo̧ba Lázaroma Betania comunidadnö öpöodökwö, Maríakwö, Martakwö ö̧jinobe. Ja̧danö, Lázaroma jwiinö ö'wöchinobe.

Juan 11:5

Ja̧danö, Jesúsma Martanöbi, jöjawujunöbi, jöjawo̧ Lázaronöbi jwiinö ösödinobe.

Juan 12:2

Ja̧danö, Jesúsma jobe ichajiawö̧ jobe ju̧kwadöma pjiesta junö tjukwinobe. Ja̧danö, Lázaro öpöo Martama kwakwawa jiyabinobe jojodönö. Jesús mesasötenö ba̧nö ukwena Lázarobi, ju'wedöbi ba̧jö tjukwinobe.

Juan 6:27

A̧ja̧kwaduwitjö, wanedö yötawi̧ma: Ökwödöma 'dö̧ibaji̧ kwakwawada kwukwaduwobö omukwatö kwö̧jaduwobe. Jo̧kwaijayonö yötawaduwakwö. 'Dö̧ibajökö jawa kwakwawa kwujuna̧laduwobö omukwatö kwö̧jaduwo. Ja̧ 'dö̧ibajökö kwakwawama ba̧kwȩlö̧jatebö ja̧kwawa iyi̧ kwakwawa. Ja̧ kwakwawa iyo̧ma ötjöda, jojo baibanö jeminökweda. Jau, ötjödasa ba̧kwȩlö̧jatebö ja̧kwawa iyo̧ma, Chabe'do Dios jejenö chiyobö ösödö ötjönö weinobetjö̧— yöawinobe Jesúsma jobadönöma.