Lucas 10:35 - Dios Iwene

³⁵ Jemi ikena möle, jo̧ba samaritano jojoma, abajitjeju otido̧nö baladasapi̧ döpi̧lataja imidinobe, jojonö ite'ada̧lobö, ja̧danö jo̧banö yöa̧linobe: Ötjöma tjo̧wi̧ chi̧'ya. Bipi̧ döpi̧lataja chiyakwö, bite jojonö otiwanö kwite'ada̧lobö. Otiwanö te'ada̧linö. Ja̧danö jo̧banö kwite'ada̧lenama chiyaja̧ balada 'dö̧ibajitjö̧ma, yemidanö chichena chimidocha, jö̧ba̧lö yöawinobe samaritano jojoma— jö̧ba̧lö wanedö yöawinobe.

Lucas 10:35 Iomraidhean Croise

Proverbios 19:17

Ja̧danö, ju'wibi yötawa wanedö: Bakwo̧ma jwibo̧nö lȩ lö̧jinö edö iyobe. Ja̧danö, jo̧ba jwibo̧nö iyi̧ma Isabenö Jo̧nöda öbalewobedanö jo̧be. Ja̧danö, ja̧ öbalewaja̧tjö̧ mikwa baibanö tjebatö iyakwo̧ Isabenö Jo̧ma iyo̧nöma.

Mateo 18:28

Ikenama, umusidi̧ söbebö loajökwema uluwo̧ ö̧jelö labebajo̧, iteda uluwo̧ ömöayedötjö jelo̧nö edinobe, umusidi̧ söbebö loajökwenö ja'yubeda balada musido̧nö. Jo̧banö edö, do̧atinobe, ja̧danö u̧lume'anö do̧batö, Babeda ötjönö kwumusidi̧ miditjö, jö̧ba̧lö weinobe uluwo̧ umusidi̧ söbebö loajökwema.

Mateo 20:2

Tjotidakwedönö badekwajo̧, jobadökwö yöba̧lakwawö ujuninobe imidakwa̧, bakwöta möle tjimidajiyadanö imidobö, ja̧danö ikenama jobadönö weinobe ubasayu tjotidobö.

Lucas 10:34

Jo̧banö edö, ö̧bobekwö i̧'yinobe, ja̧danö o̧tenöbi ubasobu o̧'do̧bunöbi kwakwatjaja̧ niemi idichinobe, ja̧danö otiwanö jwainobe. Ikenama, iteda ajwinö jojonö wanö, jo̧banö e'ewinobe, jojodö midö abajitjejube, ja̧danö jo̧banö otiwanö ite'ada̧linobe.

Lucas 10:36

Jejenö wanedö yöawinobe Jesúsma, ikenama Moisés iwȩyudina ba̧ja̧do̧nö abebö a̧ja̧kwinobe: —Jobadö jojonö edajadötjö ¿diteda jojo ömöledöso̧binama? ¿Ö'weje pjabato̧ö̧kö̧, Levíta jojoö̧kö̧, samaritano jojoö̧kö̧? Jobadötjö ¿diteda naukwabidö tjö̧naukwajökwe isabenö ömöledöso̧binama?— jö̧ba̧lö.

Lucas 14:13

Jau chömöledöso̧, Dios ökwö kwa̧debaja̧ omukwatö ökwönö mölejȩbetjö iyobö kwösöditjö̧ma, jwibadönöda pjabatö kwa̧debo, balekwa mikwa ökwönö a̧deböködönöda. Jau chömöledöso̧, usula jojodönöbi, kwebachöködönöbi, 'wabadönöbi, tjöbajale tjewawadönöbi kwa̧debenama, ja̧ edö Diosma ösödena, Bitema otiwanö dösölö̧jinö jojodönö pjabato̧, jö̧ba̧lö. Ja̧danö, otiwanö ja̧köbiökwe balekwa mikwa mölejȩbetjö ökwönö otiwa jawa iyena Diosma, ¿jö̧tö?

Romanos 16:23

Gayobi dokwa aebobe, jo̧ba ejunö ötjö Pablo chö̧ja babema, ja̧danö beju Gayo ejunö bemi jojodö Jesúsnö ösödadö ko̧ko̧kwö tjö̧bobe. Erastobi dokwa aebobe, jo̧bama bemi comunidad jawa balada te'ada̧lo̧. Ja̧danö döjawo̧ Cuartobi dokwa aebobe ökwödönöma.