Abebö a̧ja̧kwökwe, yöbawö ichibajo̧ma Davidnö yöawinobe: —Ötjöma jobe tjölakwabikwawelö ja̧nö, a̧dekwanö mösa'o Guilboa ötjaba'otjö chö̧jijatö, ja̧danö jobe ja̧nö, Saulnö chedijatö, otokwötenö wanebo̧nö. Ja̧danö, jobe wanebö ö̧jonö, filisteo jojodö kolukiyanö ölakwabikwawadöbi, kabayunö wanö ölakwabikwawadöbi yöne tjichibinobe.
Lucas 10:31 - Dios Iwene31 Ja̧danö, ja'yubeda lekwajabetjö, jojo jobe ö̧bena ö'öbönö, Diostjö jojodötjö ö'weje pjabatadötjö bakwo̧ jena öbaledinobe, ja̧danö jojonö edö, pjabatökönö söpödibö bakwachamabenö öbaledibinobe. Faic an caibideil |
Lucas 10:31
18 Iomraidhean Croise
Ja̧danö, ju'wibi yötawa: Isabenö, ökwödö ja̧di̧tjö̧ balekwa mikwa baledena ökwödönöma. Wanedö yötawa: Jwibo̧ma, pjabatitjö, jö̧ba̧lö, aeba̧lobe jelo̧nöma. Ja̧danö, jo̧ba aeba̧lökwema jwibo̧ aeba̧li̧ a̧ja̧kwö öpöjödobe, pjatatökö, jö̧ba̧lö. Isabenö, ju'winöma jo̧ba pjabatö̧kö̧ma jwibo̧danö ö̧jakwo̧, ja̧danö iteda aeba̧lakwo̧, pjabatitjö̧ jö̧ba̧lö. Ja̧ mölȩma bakwo̧bi deakobe jo̧banö pjabato̧ma. Jao, jo̧bama jwibo̧nö pjaatinokobetjö̧ jo̧banö pjaatakwo̧ma deobe, balekwa mikwa baibanö.
Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.
Moisés iwȩyudina ba̧ja̧do̧ma, chömöledöso̧ma diteda jö̧ba̧lö abebö a̧ja̧kwiökwe, Jesúsma wanedö yöbawö atadinobe, baikwö: —Bakwo̧ma Jerusaléntjö labebö Jericobe i̧'yinobe, judío jojoma. Jo̧kwaijayonö i̧'yemi ja'ötjö, naukwabidöma jo̧banö tjöbadekwajinobe, ja̧danö jo̧banö 'ya̧nö ichibö kwakwabö okobe jwiinö ökamijido̧bi, ju'wi iteabi tjönaukwinobe, ja̧danö naukwajadö tjȩwa̧jinobe. Jo̧ba jojoma, jwiinö kwakwatjajökwe ö'wö baibo jö̧a̧linobe, ja̧danö niökwe, mana ö'öbö ö̧binobe.
Sanasan