Lucas 10:1 - Dios Iwene

¹ Jemi ikenama, Jesúsma jo̧banö ösödadötjö setenta ömadönö 'da̧batö ujuninobe, Israel niji bakwameachibanö yötjawobö. Jesúsma Israel niji bakwameachibanö yöawobö jö̧a̧linobe, ja̧danö i̧'yakwa̧ abönö jobadönö du̧ju̧tajakwena weinobe, comunidadtenia, iteda yöbawö kweachakwatenia comunidadteniabe 'ya̧nö kwebachö yötjawobö.

Lucas 10:1 Iomraidhean Croise

Lucas 1:17

Jo̧bama damötjö ji̧na Dios yöawi̧ yöbawo̧ Elías mikwo̧ juluwinö yöbawö ö̧jinadanö, Duluwo̧ abönö i̧'yakwo̧. Abönö 'ya̧nö, jo̧bama tjabe'dodö tji̧tji̧mukwö wene tjujuna̧li̧ pjaatakobe, tji̧tji̧munö yemidanö otiwanö omukwatö tjösödobö. Ja̧danö ju'wibi Dios wei̧ a̧ja̧kwöködönö pjaatakobe, Dios öba a'otjö otiwanö ja̧bö ju̧kwadö tjomukwati̧danö tjomukwatobö. Jejenö pjaatakobe kwitji̧ma, jojodö Duluwo̧ ichakwa̧ otiwanö te'ada̧ladö batjibakobetjö̧— jö̧ba̧lö yöawinobe ángelma, Zacaríasnöma.

Lucas 1:76

Ja̧danö chitji̧ Juan, ökwönö okobe jwiinö juluwo̧ Dios yöawi̧ yöbawo̧ jö̧ba̧lö ötjabikwo̧ja, Duluwo̧ jweinö i̧'yakwa̧ otidö jo̧ba i̧'yakwa̧ abönö kwi̧'yakobetjö̧.

Lucas 7:13

Ja̧danö, Jesús wobajo̧ ojo'donö edenama, jobujunö lȩlö̧jinö edinobe, ja̧danö jobujunö: —Budekwökönuwi— jö̧ba̧lö yöa̧linobe.

Lucas 7:19

ja̧danö yötjawökwe Juanma iteda öba̧ja̧di̧ waisachadönö duju̧tajanö jwöinobe, ja̧danö jobadönö weinobe Duluwo̧nö abebö tja̧ja̧kwobö, baikwö: Dios weakwo̧ jö̧a̧linökwe ichakwo̧ma ¿ökwödaji̧? Jelo̧ tupakwö ichakwo̧nöda ¿dite'ada̧lobö jo̧beji̧? jö̧ba̧lö Jesúsnö abebö tja̧ja̧kwobö weinobe Juanma.

Lucas 9:52

Ja̧danö, 'ya̧nö, abönö i̧'yakwa̧ tjotidakwedönö weinobe, 'ya̧nö tjabakwemi tjisakwakobetjö̧. Ja̧danö, jejenö weawö̧, i̧'yakwa̧ otidadö ju'wedö tjabönö tji̧'yinobe, ja̧danö Samaritano niji comunidad tetjachinobe, jobe tjabakwemi isakwö.