Lucas 1:58 - Dios Iwene

⁵⁸ Ja̧danö, jipjeanö ju̧kwadöbi, jömöledöbi tja̧ja̧kwinobe, Duluwo̧ lȩlö̧jinö edö jitji̧nö jemobö pjaatina wene, ja̧danö jejenö a̧ja̧kwö, Elisabetkwö tjo̧'wo̧ ösöwachibanö tjösödinobe.

Lucas 1:58 Iomraidhean Croise

Génesis 19:19

Isabenö lȩlö̧jinö kwedajabe ötjönö, kwömöayo̧nöma 'ya̧talobö otiwanö pjabatö. Jo̧kwaijayonö mö'ösa'iju jobekwö ödöobetjö̧ ina chichibapjii söbebö loköbaduwena, ötjöbi debö chi̧'yinö baibanö.

Génesis 21:6

Ja̧danö, Sarama jö̧ba̧lijotö: —Diosma pjaatajabe ötjönöma cho̧'wo̧ ösöwanö otobö. Ja̧danö, okobe deinö ya̧döma chitji̧nö chemaja̧ yötjawi̧ a̧ja̧kwö tjo̧'wo̧ ösöwanö otjakobe, otiwanö jemajabe, jö̧ba̧lö.

Proverbios 23:25

Jo̧kwaobetjö̧ chitji̧, otiwanö omukwatö kwö̧jo, ötjö kwabe'do, ja̧danö kwojo'do do̧'wo̧ ösöwanö dö̧jakobetjö̧. Jao, ökwönö eminujuma jwiinö jo̧'wo̧ ösöwanö jö̧jakwuju otiwanö omukwatö kwö̧jobetjö̧.

Lucas 1:14

Jejenö baibobetjö̧ jwiinö kwo̧'wo̧ ösöwachibanö kwö̧jakwo̧ja, ja̧danö kwilekwo jitji̧nö jemiawö̧, ba̧jekwadö jojodöma tjo̧'wo̧ ösöwanö tjösödakobe,

Lucas 1:25

Ja̧danö, metu'wo jö̧jobetjö̧, Elisabetma jo̧'wo̧ ösöwanö yöja̧linobe: —Ajayinöma chi̧tji̧mu debuju chö̧jobetjö̧, jojodö tjöba a'otjö tabakwö chö̧jijatö. Jo̧kwaijayonö Diosma isabenö otiwanö pjaatajabe ötjönö. Babema taba jwiinö chö̧jakwujusa, Diosma chitji̧nö chemobö otiwanö iyajabetjö̧— jö̧ba̧lö yöja̧linobe Elisabetma.

Lucas 1:57

Elisabet jitji̧nö jemakwa̧ möle badekwachenama, iso̧nö jeminobe.

Lucas 14:12

Ja̧danö, Jesúsma jo̧banö ukwobö a̧debajo̧nö jö̧a̧linobe: —Jojodö ichö tjukwobö kwa̧debena, ja̧danö pjiesta kwujunenama, kwömöledönö, ja̧danö kwöja̧wo̧dönö, ja̧danö kwipjeanö ju̧kwadö nöinö juna̧ladönö kwa̧deboko. Baikwö yötawa: Ökwö kwujuna̧li̧danö nöinö juna̧ladönöda kwa̧debitjö̧ma, balekwa mikwa ökwönöbi tja̧debakobe, tjejube ichö kwukwobö, ¿jö̧tö? Ja̧danö, jejenö tja̧debobetjö̧ Diosma kwa̧debaja̧ omukwatö ökwönö mölejȩbetjö iyobö omukwatökena, ida̧ökö balekwa mikwa jo̧banöbi tja̧debajabe jö̧ba̧lö.

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.

1 Corintios 12:26

Ja̧danö, diteba'o jawatjö bakwöta jawa usula emawitjö̧ma, okobe jwiinö diteba'oma usula emawobe chömöledö. Ja̧danö wanedö yötawa: Bakwöta jawa Aaa, ja̧ma otiwa jö̧ba̧lö tjomukwatenama, okobe jwiinö diteba'oma o̧'wo̧ ösöwanö ösödö jo̧be ichejekwa.