Lucas 1:36 - Dios Iwene

³⁶ Ja̧danö ju'wibi yötawakwö María, kwömöledösuju Elisabetbi metu'wo ju̧ju. Jau María, Elisabetnö ji̧tji̧munö emökuju jö̧ba̧lö ötjabinajayonö, ja̧danö yelösöda pöo jö̧jijayonö, ida̧ökö ja̧wo̧dö jelemutjö bakwo̧ metu'wo jö̧jajabe kwömöledösuju Elisabetma.

Lucas 1:36 Iomraidhean Croise

Génesis 11:30

Ja̧danö, Abram ilekwo Saraima ji̧tju̧mu debijotö.

Génesis 16:1

Sarai, Abram ilekwoma, tjemu debijotö. Ja̧danö, jobujuma jömöayujunö, Egipto jojosujunö juna̧lijotö, Agar mikwujunö.

Génesis 18:11

Ja̧danö Sara, Abraham jwiinö damöbijadötö. Sarama iwobi debachinuju pöojobetjö̧.

Génesis 21:2

Jo̧kwaobetjö̧ Sarama metu'wo ji̧jotö. Ja̧danö, Abraham pöe ö̧jena itji̧nö emijotö Sarama, Dios jö̧a̧lina möle.

2 Reyes 4:17

Ja̧danö, Eliseo yöawaja̧danö baledinobe, ja'yubenö lekwajabetjö metu'wo bajibinobe, ja̧danö ikenasaba, o̧ba baibena jenanö, jitji̧nö jeminobe.

Lucas 1:35

Ajebiökwe ángelma atadinobe: —Dios O̧'wo̧ Luwo̧ma ökwönö ichakobe, ja̧danö okobe jwiinö juluwo̧ Dios ujuluma ökwönö ja̧kobe. Jo̧kwajabetjö̧ kwitji̧ma isabenö suli̧ jwibö ö̧jakobe, ja̧danö jo̧banö Dios Itji̧ jö̧ba̧lö ötjabikobe.

Lucas 1:37

Jau María, ¿dakwö chitji̧nö chemoböjö? jö̧ba̧lö wajwiköbijayonö, omukwatökönuwi, jejenö baibobö jwiena jö̧ba̧löma. Dios otidobö jwii̧ma, ¿ju'wi jayebi jȩnaji̧? Isabenö ju'wi jayebi jwiobe Dios otidobö jwii̧ma. Isabenö okobe jwiinö otidobö juluwo̧ Diosma. Jo̧kwajabetjö̧ metu'wo bakibobö jwiena jö̧ba̧lö ichejekwijayonö, isabenö Dios ujulunö metu'wo kwö̧jakwujuja— jö̧ba̧lö yöawinobe ángelma.

Lucas 1:5

Bakwo̧ Zacarías mikwo̧ ö̧jinobe, la'aka luwo̧ Herodes mikwo̧ Judea nijitjö weena ji̧nama. Jo̧ba Zacaríasma inesö Diostjö jojodötjö ö'weje pjabato̧ Aarónmine itji̧ tupadanö jojoinobe, ja̧danö Aarón i̧tji̧mu tupadanö jojodötjö, Aarón ö'dö̧ Abías mikwo̧ itji̧ tupadanö jojoinobe. Ja̧danö, Aarón itji̧ tupadanö jojoobetjö̧, ju'wedö Aarón i̧tji̧mu tupadanö jojodö ömadö otidiatjinadanö, Zacaríasbi Diostjö jojodötjö ö'weje pjabatö otidinobe. Jo̧ba Zacarías ilekwoma Elisabet mikwinuju, ja̧danö Elisabetbi Aarón itjiju tupadanö jojosujujinobe.

Hebreos 11:11

Ja̧danö Abrahamma pöe, ilekwo Sara tjemu debujubi jö̧jijayonö Diosnö o̧'wo̧ wana̧lö ö̧jiökwe Abrahamnö pjaatinobe Diosma, itji̧nö 'yaebobö. Isabenö Abrahamma, Dios jö̧a̧li̧danö badekwachakobe, jö̧ba̧lö, ösödiökwe Diosma pjaatinobe jo̧banö, itji̧nö 'yaebobö.