Lucas 1:3 - Dios Iwene

³ ja̧danö ötjöbi jejenö chiwȩyudobe ökwönö. Okobe jwiinö ja̧ Jesús ö̧jina wene jawa chöwaisachajabe, ajayitjö baikwö bajalenö, ja̧danö jweinö ajayitjö baikwö bajalenö ja̧ baledina wene chiwȩyudobö chomukwatobe ökwö Teófilo mikwo̧nö.

Lucas 1:3 Iomraidhean Croise

Proverbios 22:21

Ja̧ yötawi̧ma ökwödönö öbibö pjaatakobe, isabenö mikwawinö ja̧kwawama kwöwaisachibaduwobö. Jobekwö mikwawinö ja̧kwawa jawa kwöwaisaduwobetjö̧ jweinö kwatadaduwakwedöja̧ ökwödönö kwöwaisachaduwobö webinadönöma.

Lucas 1:1

Ötjö Lucasma böja kwialusöja wȩyudö weta jojodö otiwanö tjo̧mukwatökwe Teófilo mikwo̧nö. Chömöledöso̧ Teófilo, kwöwaisa, ba̧jekwadö wȩyudö tjotidinobe, dö'da̧detjö baledina jawa, Jesús ö̧jina jawa tjiwȩyudobö.

Hechos 1:1

Dokwa Teófilo. Ötjö, Lucas mikwo̧, yemidanö ökwönö yöbawö chiwȩyuda. Ajayinö chiwȩyudinama, Jesús okobe jwiinö ja̧inatjöbi, yöawinatjöbi chiwȩyudijatö. Ja̧ chiwȩyudinama, Jesús ajayinö ja̧inemitjö tupakwö

Hechos 11:4

Jejenö abebö tja̧ja̧kwiökwe, Pedroma yöbawijetö okobe jwiinö, ajayinö baledinatjö jemi tupakwö baledinama. Ja̧danö, yöbawijetö Pedroma, Dios jo̧banö öba̧ja̧dinama, tjöwaisachibobö judío jojodöböködönö baledinama.

Hechos 15:19

jö̧ba̧lö laebobe Dios iwenetjö, Dios yöawi̧ yöbawina iwȩyudinama— jö̧ba̧lijetö Jacoboma. Ina jö̧ba̧lijetö: —Jo̧kwaobetjö̧ judío jojodöböködö, Jesúsnö ösödadönö, Moisés weina okobe jwiinö ja̧tjoböma wedoko chömöledö.

Hechos 15:25

Jo̧kwaobetjö̧ babema bena ko̧ko̧kwö domukwata, Ökwödötjö ju'wedönö kwö̧jaduwobekwö edö wedo, ökwödönö jweinö yötjawo, jö̧ba̧lö. Wedajawö̧ma dösödawö̧ Pablokwö, Bernabékwö tji̧'yobö jobeda weda, ökwödö kwö̧jaduwobekwö.

Hechos 15:28

Böjanö kwialusöjanö weda ökwödönö judío jojodöböködönö, ja̧bö kwuju̧kwaduwi̧ma lȩbebö. Dios O̧'wo̧ Luwo̧da pjaatijatö döwaisachibobö jo̧ba ösödi̧ma, ökwödö ja̧bö kwuju̧kwaduwobö ösödi̧ma. Ja̧ ösödi̧ma biya̧: Chömöledö, okobe jwiinö Moisés iwȩyudina wenema ja̧köbaduwoböma wedökö.

Hechos 18:23

Antioquíanö obukwobeda lekwe ja̧jo̧ Pabloma kwebachö 'yi̧jetö Galaciabebi, Frigiabebi. Jobe kwebachö yöbawö pjabatijetö Jesúsnö ösödadönöma, tjo̧'wo̧ luwo̧nö jemi tupakwö juluwachibanö tji̧'yobö.

Hechos 23:26

—Chuluwo̧ Gobernador Félix, dokwa. Ötjöma Claudio Lisias, guardia jojodö la'aka luwo̧sa. Böja wȩyudö weta ökwönö, wetökwe öbibö te'ada̧ladökwö.

Hechos 24:3

Jo̧kwaobetjö̧ ba̧kwȩlö̧jatebö ökwödöma do̧'wo̧ ösöwanö dö̧ja, otiwanö otidö pjakatobetjö̧.

Hechos 26:25

Jejenö jö̧a̧liökwe Pabloma: —Ja̧maökö chuluwo̧ Festo. Cho̧'wo̧ jwibö̧kö̧sa. Jweinö yötawa, isabenö wenema.

1 Corintios 16:12

Ja̧danö döjawo̧ Apolosnö yötawa. Ju'wedö dömöledö Jesúsnö ösödadöma ökwödö Corintio jojodönö edö tji̧'yobetjö̧, jobadökwö Apolosbi i̧'yobö atebijatö chömöledö, jo̧kwaijayonö Apolos edemi, babe i̧'yoböma jwia, tupakwöda chi̧'yocha jö̧ba̧lö. Ja̧danö ökwödönö edö i̧'yobö jȩnama, ökwödönö edö i̧'yakwo̧ chömöledö.

1 Corintios 7:40

Jo̧kwaijayonö, chedemi jilekwenö emökönö jö̧jitjö̧ma, ja̧tjö o̧penönö jo̧'wo̧ ösöwanö jö̧jena jobujuma, jilekwenö emökönö. Jobekwö ötjö chomukwati̧ma yötawajabe chömöledö, ja̧danö chedemi Dios O̧'wo̧ Luwo̧bi jejenö omukwato̧ ötjö chomukwati̧danö.

1 Timoteo 4:6

Jau Timoteo, biya̧ ökwönö yöbawö chiwȩyudaja̧ma dömöledönö Jesúsnö ösödadönö yökawitjö̧ma otiwena, kwuluwo̧ Cristo Jesús ömöayo̧ otiwo̧ kwö̧jena. Ja̧danö, kwo̧'wo̧ luwo̧nö kwöda̧peacho jö̧ba̧lö, kabatökönö waisachö kwö̧jo, isabenö wene, otiwa jawa Jesús jawa wene, a̧ja̧kwö kwösödina wenema.