Lucas 1:19 - Dios Iwene

¹⁹ Jejenö atadiökwe, ángelma jwebebö baikwö yöawinobe: —Ötjöma Gabriel mikwo̧sa, Dios öba a'o jojosa, ja̧danö Diosda ötjönö weinobe, yötawaja̧ otiwa jawa wene ökwönö yötawobö.

Lucas 1:19 Iomraidhean Croise

Daniel 8:16

Ja̧danö ojwe Ulai mikwödö bakwachödötjö jojo iwene ökwöobe cha̧ja̧kwijatö: —Gabriel, bite Daniel öwaisachibobö edaja̧ labebö lobö yöbawinö— jö̧ba̧lö cha̧ja̧kwijatö.

Mateo 18:10

Jau chömöledö, omukwatönö kwö̧jaduwo, bidö tjemunö mikwawöködö jö̧ba̧lö kwöpöjödaduwapji jö̧ba̧lö. Jau chömöledö, isabenö yötawaduwakwö, bidö tjemunö te'ada̧ladö ángelesdöma tjö̧jobe, ja̧danö jobadöma ba̧kwȩlö̧jatebö mölejȩbe Chabe'do öba a'o tjuju̧kwobe— jö̧ba̧lö yöawinobe Jesúsma.

Lucas 1:20

Ja̧danö baikwö yötawakwö: Ökwönö yötawaja̧ jawa baledakwa̧ möle badekwachenama, isabenö yötawaja̧danö baledakobe. Jo̧kwaijayonö omöna jö̧ba̧lö yötawaja̧ kwösödokobetjö̧, isabenö yöba̧lökönö kwiwene jwibö kwö̧jakwo̧ja yötawaja̧danö badekwachenanö kabatö— jö̧ba̧lö yöawinobe ángelma.

Lucas 1:26

Elisabet ida̧ökö jelemutjö bakwo̧ ja̧wo̧dö metu'wo jö̧jenama, Diosma iteda ömöayo̧ ángel Gabriel mikwo̧nö weinobe, Galilea niji comunidadbe i̧'yobö, Nazaretbe.

Lucas 2:10

Jo̧kwaijayonö, jejenö yetjaibiökwe, ángelma jobadönö yöawinobe otiwanö pjabatö: —Yebabökönaduwi. Ötjöma otiwa jawa wene ökwödönö yöbawö chichajabe. Ja̧ wenema okobe deinö jojodö tjo̧'wo̧ ösöwachibobö ji̧ wene,

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Hebreos 4:14

Jo̧kwaobetjö̧ chömöledö, jwaikwöda di̧'yaduwo, domajadenö 'diinö do̧tjati̧danö, Ökwödöma Jesúsnö ösödadösa, dö̧jibinö pjabato̧nö, jö̧ba̧lö. Jejenö di̧'yobö jo̧be chömöledö, Jesúsda Diostjö jojodötjö ö'weje la'aka pjabato̧ baibanö ö̧jobetjö̧. Jo̧ba mölejȩbekwö kabekwachajinama Dios öba a'o jo̧.