Lucas 1:18 - Dios Iwene

¹⁸ Jejenö yöawiökwe Zacaríasma atadinobe: —¿Dakwö chöwaisobö, isabenö yöka̧li̧danö baledakwa̧ma? Ötjöma ida̧ökö pöesa, ja̧danö chilekwoma ida̧ökö pöo, jo̧kwajabetjö̧ ¿dakwö chöwaisakwa̧da yöka̧li̧danö isabenö chilekwo jitji̧nö jemakwa̧ma? Chedemi jemökena— jö̧ba̧lö.

Lucas 1:18 Iomraidhean Croise

Génesis 15:8

Jejenö jö̧a̧lökwe: —Chuluwo̧, Isabenö Jo̧ Dios ¿Dakwö kwi̧sebakwa̧da chöwaisobö yöka̧li̧danö chemakobe bemi nijima?— abebö a̧ja̧kwökwe:

Génesis 17:17

Ikenama Abrahamma u̧yu̧kijunö bamatö öba bȩbachibijetö nijakwö uunö. Dios yöawaja̧ omukwatö, itedada omajadenö obijetö ¿Isabenö bakwo̧ma, cien a̧yo bo̧ma, itji̧nö 'yaebenaji̧? ¿Isabenö Sarama noventanö a̧yo bujuma jitji̧nö jemakwa̧ji̧? jö̧ba̧lö.

Génesis 18:12

Ja̧danö, jobujuma Isabenö Jo̧ Dios yöawi̧ a̧ja̧kwö obö omukwatijotö jomajadenö, ötjöma ida̧ökö pjolobachujusa ¿dakwö chösödobö pöe chilekwekwö alewö chö̧ji̧ma? jö̧ba̧lö.

2 Reyes 7:2

Yöa̧liökwe, israel la'aka luwo̧ yöne ömöayo̧ma obö atadinobe: —Yöka̧laja̧danö baledobö jwiena, la'akatjöda. Isabenö Jo̧ma mölejȩbetjö ventanasa'do otidajo̧, po̧bebö iyitjö̧bi, la'akatjöda yöka̧laja̧danö baledobö jwiena, omöna yöba̧lo̧ja, —jö̧ba̧lö atadinobe. Yöa̧lökwe, —Jobekwö baledakwa̧ma, ökwöda kwöbajalenö kwedakwo̧ja, jo̧kwaijayonö ja̧ tjiyakwa̧ jawatjö kwukwökakwo̧ja la'akatjöda, —jö̧ba̧lö yöa̧linobe Eliseoma.

Isaías 38:22

Ja̧danö ö̧bibajakwa̧ yöawiökwe, abebö a̧ja̧kwinobe Ezequiasma, —Taji baledakwa̧ edö chöwaisakwa̧da, isabenö chö'wöchi̧tjö bi̧bajo̧, isabenö yemidanö Isabenö Jo̧ ejube chi̧'yakwo̧sa, —jö̧ba̧lö, ja̧danö abebö a̧ja̧kwiökwe, möle ja̧wo̧ ökömakwö kweachobö weinobe Diosma.

Lucas 1:34

Yöawioko Maríama abebö ja̧ja̧kwinobe ángelnö: —Ja̧ yökawaja̧ma ¿dakwö baledakwa̧da? Ötjöma i̧so̧kwö jö̧kujusa. ¿Dakwö metu'wo batibakwa̧da?— jö̧ba̧lö.

Lucas 1:7

Jobadöma ida̧ökö damö tjö̧jijayonö tjemu debadö tjö̧jinobe, Elisabetma metu'wo jö̧kuju jö̧jobetjö̧.

Romanos 4:19

Jwiinö pöe ö̧jijayonö, cien o̧biya bo̧ ö̧jijayonö, jwaikwöda Diosma jö̧a̧li̧danö ja̧akwo̧ jö̧ba̧lö omukwatinobe Abrahamma. Itji̧nö 'yaebökenanö pöe ö̧jijayonö, ilekwo Sarabi ji̧tji̧mu debuju jö̧jijayonö, yayonö jwaikwöda omukwatinobe, isabenö Dios jö̧a̧li̧danö chilekwo Sarama jitji̧nö jemakobe, jö̧ba̧lö.