Lucas 1:11 - Dios Iwene

¹¹ Ja̧danö, baikwö baledinobe ja̧ mölema: Jejunö Zacarías omewi̧ jawa ujuwemi ja'ötjö, Duluwo̧ weökwe ángelma jo̧banö öwawachinobe, omewi̧ jawa uböte mesasöte öwaisobekwöchobe ja̧nö.

Lucas 1:11 Iomraidhean Croise

Lucas 1:19

Jejenö atadiökwe, ángelma jwebebö baikwö yöawinobe: —Ötjöma Gabriel mikwo̧sa, Dios öba a'o jojosa, ja̧danö Diosda ötjönö weinobe, yötawaja̧ otiwa jawa wene ökwönö yötawobö.

Lucas 1:28

Gabrielma jobujunö öwawachinobe, ja̧danö öwawachö yöawinobe: —Dios otiwanö pjaatokoja María, dokwa. Diosma isabenö ökwökwö jo̧— jö̧ba̧lö.

Lucas 2:10

Jo̧kwaijayonö, jejenö yetjaibiökwe, ángelma jobadönö yöawinobe otiwanö pjabatö: —Yebabökönaduwi. Ötjöma otiwa jawa wene ökwödönö yöbawö chichajabe. Ja̧ wenema okobe deinö jojodö tjo̧'wo̧ ösöwachibobö ji̧ wene,

Lucas 2:9

Jobe te'ada̧lö tjö̧jemi ja'ötjö, baikwö baledinobe: Dios weökwe ángelma juluwanö öwawachibinobe, ja̧danö Dios ujulu dejatinö dejatinobe jobadö o̧bȩja̧dönö te'ada̧ladönö, ja̧danö jejenö balediawö̧ jwiinö yetjaibinobe o̧bȩja̧dönö te'ada̧ladöma.

Hechos 5:19

Jo̧kwaijayonö yö̧te ja'ö Duluwo̧ weinökwe ángelma ka̧lena ba̧kwawejube öwawachibö apjude po̧bebö öbibö labebijetö Jesús webawedönöma. Ja̧danö, a̧petube öbibö labebajo̧ jö̧ba̧lijetö jobadönö:

Hebreos 1:14

Jejenö weinokobe jobadö isapjobedönöma Dios ömöayedödatjobetjö̧. Jobadöma Dios ömöayedö ja̧nö, jojodönö pjatjatobö Dios weawö̧. Isabenö, ángelesdöma jojodönö pjatjatobö weawö̧, Dios mikwa jwiinö tjö̧jibinö pjaati̧tjö tjemakwedönöma. Isabenö chömöledö, ángelesdöma Dios ömöayedöda, jojodönö pjatjatobö weawö̧. Jo̧kwaobetjö̧ chömöledö, döwaisachibanö wajuwanö i̧sebobe, Dios Itji̧ma ángelesdönötjöbi o̧penönö jwiinö inesö jo̧, jö̧ba̧lö.

Apocalipsis 9:13

Ja̧danö, jemi ikena ángel trompeta pjubo̧, jelemutjö bakwanusanu pjubo̧ baibanö pjuenama iwene ökwi̧ cha̧ja̧kwijatö. Ja̧ iwenema, Dios ö̧bemi badeibö, söinö nöekwi̧ jawa juwö iyawapjo, orotjö otikwapjotjö ökwöi̧ cha̧ja̧kwijatö, ö'wejemu jawa ö'ibiya ju̧kwa 'do̧'do̧kwetenia.

Jueces 13:3

Ja̧danö, ju'wi möle Isabenö Jo̧ma, angeldanö ichejekwö öwawachinobe Manoa ilekwonö, ja̧danö jobujunö yöawinobe, —Metu'wo babibökuju kwitji̧mu deköbelö, isabenö metu'wo kwö̧jakwujuja, ja̧danö kwitji̧nö kwemakwujuja.

Jueces 13:9

Aebökwe, Isabenö Jo̧ma a̧ja̧kwinobe, ja̧danö yemidanö angeldanö ichejekwö ichinobe. Manoa ilekwo batjonö jö̧bonö, yemidanö öwawachinobe jöba a'o, jo̧kwaijayonö öwawachenama jilekwe deinobe.