Jueces 9:56 - Dios Iwene

⁵⁶ Jobekwö laebobe Dios Abimelecnö lȩebina jawama. Abimelecma iteda abe'do Gedeonnö sulabenö omukwatö, abe'do itji̧mu setentabedönö kwabö loinobe, ja̧danö jejenö sulabenö ja̧iökwe, balekwa mikwa Diosma jo̧banö lȩebinobe.

Jueces 9:56 Iomraidhean Croise

Génesis 9:5

Ina jö̧ba̧lijetö: —Yötawaduwakwö: Tebonö jo̧ jojonö kwabö loitjö̧ma jo̧banöma balekwa mikwa kwabö loköbaduwonö. Ja̧danö, jojonöbi jejenö, bakwo̧ jelo̧ jojonö kwabö lobo̧nöma. Bakwo̧ jelo̧ jojonö kwabö loitjö̧ma jo̧banö balekwa mikwa kwabö loköbaduwonö, jelo̧ jojonö kwabö lobo̧nöma.

Génesis 9:6

Yötawaduwakwö. Jojodönö chotidinawö̧ma ötjödadanö tjichejekwobetjö̧ bakwo̧ jelo̧ jojonö kwabö loitjö̧ma jo̧banö kwabö lotjakwo̧— jö̧ba̧lijetö Diosma Noénöma.

Diosnö ösödo̧ Job mikwo̧ usula emawina jawa 31:3

Dios wei̧ a̧ja̧kwöködöma, suli̧ waekwi̧ jawa emadö, sulabenö ja̧badöma söbebö loawa jawada emadö, jö̧tö. Ja̧ jawa chemapji jö̧ba̧lö, otiwanö Dios wei̧ a̧ja̧kwö chö̧jijatö.

Proverbios 5:22

Ju'wibi yötawakwö chitji̧, wanedö: Bakwo̧ ö̧jobe ba̧kwȩlö̧jatebö sulabenö omukwatö ja̧baibo̧ma. Ja̧danö, jo̧ba sulabenö ja̧inama jo̧banö do̧tja̧li̧danö do̧a̧lobe jo̧banöma. Ja̧danö, a̧la̧chi'bonö tjunu'yajökwedanö bo̧, ejachibö dilachibökönö, sulabenö ja̧inobetjö̧.

Mateo 7:2

Jau chömöledö, ökwödö jojodönö lȩkebaduwi̧danö, ökwödönöbi lȩebakwo̧ Diosma, ja̧danö ökwödö jojojodönö, Aaa, biya̧ ja̧tjobetjö̧ sulabedö, jö̧ba̧lö badedö kwomukwataduwi̧danö, Diosma ökwödönö omukwatö edakobe, sulabedö kwö̧jaduwojobö jö̧ba̧lö.

Hechos 28:4

Jobe ju̧kwadöma a̧ko'da Pablonö yö̧obe edö yötja̧lakwawijatö: —¡Ayö! Isabenö bite a̧ko'da yö̧ajökwema jojonö kwabö lobina. Ojwe okwatjö ö̧jibajayonö babema ö̧jibökö. Ö'wö baibakwo̧— yötja̧lakwawijatö.

Gálatas 6:7

Chömöledö, omukwatökönaduwi, Aaa Diosnö odijayonö wene jwiena jö̧ba̧lö. Bakwo̧bi Diosnö ooböma jwia chömöledö. Baikwö wanedö yötawa batjo jawa chömöledö: Bakwo̧ ödebiya öditjö̧ma, iyakwa̧da pokwakobe, ja̧danö iyakwa̧da wa̧ji̧ emakwo̧, ¿jö̧tö?

Jueces 9:55

Jemi ikenama, tjuluwo̧bajo̧ ö'wö baibaja̧ edö, okobe deinö israel jojodötjö Abimelec ömöayedöbajadöma, tjejukwena tjȩwa̧jinobe.

Jueces 9:57

Ju'wibi Diosma Siquen comunidad jojodö sulabenö ja̧tji̧na lȩebinobe, sulabenö ja̧tjina tjebachajö bakwainö jobadönöbi baledobö lȩebinobe. Ja̧ Abimelecnöbi, Siquen jojodönöbi baledinama, Gedeon itji̧ Jotan yöawinadanö baledinobe, —Bejenö ökwödönö baledobö jo̧be, —jö̧ba̧lö wanedö yöawinadanö