Jueces 9:54 - Dios Iwene

⁵⁴ Jejenö balediökwe, Juluwanö ö'wö batibakwo̧sa jö̧ba̧lö, ömöayo̧ itea ölakwabikwawa jawa kwebato̧nö weinobe, —Juluwanö kwölöte'o do̧batö, kwabö lobitjö, biwa jikwawatjö debö chi̧'yapji. Jau, jejenö kwabö loköbobö wetakwö, jojodö ötjönö, –Jojosujuda kwabö lojinökwe, –jö̧ba̧lö otjapji jö̧ba̧lö. —Ja̧danö, weökwe, Abimelec ömöayo̧ma weaja̧danö Abimelecnö kwabö loinobe kwölöte'onö.

Jueces 9:54 Iomraidhean Croise

2 Samuel 1:10

Jo̧banö edö, öwaetjöda öwawinobe, nöinö kwakwatjaja̧ ö̧bibajobö jwii̧ma, isabenö ö'wö baibakwo̧ jö̧ba̧lö. Jo̧kwajabetjö̧, wei̧ a̧ja̧kwö yöne ichibö jo̧banö kwabö lotijatö. Jemi ikenama, uutjö la'aka luwo̧ ubutjawakabi, öjatjö luwedö tjöjanö 'duatakwawa jawabi chemijatö, ja̧danö emajo̧, baikwö chichejebajabe, ökwö chuluwo̧nö chiyobö, —jö̧ba̧lö atadö yöawinobe Davidnö.

2 Samuel 1:7

Ja̧danö, ökömakwö jalachibö edö, ötjönö edinobe Saulma, ja̧danö edö, ötjönö jwöinobe. Jwöitjö̧, –Tajida chuluwo̧? –jö̧ba̧lö chatadijatö.

2 Samuel 1:9

Chatadökwe, weinobe, –Ötjöma nöinö inia tjöbö usula emawo̧sa, ö'wö batibo jö̧ta̧lijayonö, ina inia tjöbö jo̧sa. Jo̧kwajabetjö̧ baikwö ichi kwabö lobitjö, –jö̧a̧linobe.

2 Samuel 23:37

Amonita jojo Selec mikwo̧bi, Sarvia jitji̧ Joab ömöayo̧, ölakwabikwawa jawa kwebato̧ berotita jojo Najaray mikwo̧bi,

1 Crónicas 10:4

Jejenö jamatekwajo̧, Saulma ömöayo̧ ölakwabikwawa jawa kwebato̧nö weinobe, —Kwölöte'o do̧batö, kwabö lobitjö, idö Diosnö öpöjödadö tjötade bajalesa̧do̧ 'wibekwöködö ötjönö, ina ya̧ba̧lo̧nö do̧tjatapji jö̧ba̧lö, ja̧danö do̧batajadö, ötjönö tibatö alewö otjapji, —jö̧ba̧lö. Weökwe, ömöayo̧ma öpöjödinobe, uluwo̧nö kwabö loobö yeabobetjö̧, jo̧kwajabetjö̧ jejenö öpöjödiökwe Saulma iteda kwölöte'o nijinö dobö junö, tibatakwawö lobö, nijinö meinobe.

1 Crónicas 10:5

Ja̧danö, jejenö ja̧iökwe, —Chuluwo̧ Saulma ö'wö baibajabe, —jö̧ba̧lö, Saul ömöayo̧bi itea kwölöte'onö tibatakwawö loinobe, uluwo̧ tibatakwawö loaja̧danö.

1 Crónicas 11:39

Amonita jojo Selec mikwo̧bi. Sarvia jitji̧ Joab ömöayo̧, ölakwabikwawa jawa kwebato̧ berotita jojo Najaray mikwo̧bi.

Jueces 4:9

Atadoko, Deborama yöjawinobe, —Jau, ökwökwö chichocha, jo̧kwaijayonö jejenö ötjö detinö kwi̧'yobö kwöpöjödobetjö̧, baikwö yötawakwö: Ökwöda wetaja̧danö kwi̧'yatjö̧ma, ökwödada döpöjojo Sisaranö kwabö loköbo jö̧ka̧lajena, jojodö otiwanö tjo̧mukwatökwe bakibanö. Jo̧kwaijayonö ötjöbi chichobö ökibobetjö̧, Isabenö Jo̧ma weakobe, jojosujuda Sisaranö kwabö lojobö, —jö̧ba̧lö yöjawinobe Deborama. Ja̧danö, yöbawaju, a̧la̧ibö Barackwö ji̧'yinobe, Cedes comunidadbe.

Jueces 9:55

Jemi ikenama, tjuluwo̧bajo̧ ö'wö baibaja̧ edö, okobe deinö israel jojodötjö Abimelec ömöayedöbajadöma, tjejukwena tjȩwa̧jinobe.

1 Samuel 14:12

Ja̧danö, jobe ölakwabikwawa jojodö tjö̧jemitjö ju'wedö filisteo jojodöma Jonatannöbi, ömöayo̧nöbi jwötjinobe, —Baikwö nöchö ichaduwi, dujulu di̧sebakobetjö̧, —jö̧ba̧lö. Yötja̧lökwe, Jonatanma ömöayo̧nö yöa̧linobe, —Chökömanö ichi, tjö̧jobekwö dönöcho, Isabenö Jo̧ma isabenö ökwödö israel jojodö jobadönö dujuluwobö iyajabe, —jö̧ba̧lö.

1 Samuel 14:13

Ja̧danö, yöba̧lajo̧, jobe möakwö nöchekwaobe ömamunöbi ömasapanöbi do̧bata̧lö (akwatalö) önöchinobe Jonatanma, ja̧danö ökömanö ömöayo̧bi önöchinobe. Ja̧danö, nöchajadö filisteo jojodönö metjibinobe, ja̧danö filisteo jojodö Jonatan öba a'o tjö̧jobö jwitjinobe. Jonatanma abönö 'ya̧nö kwabawö loinobe, ja̧danö ömöayo̧bi ökömanö ichö kwabawö loinobe.

1 Samuel 14:14

Ja̧ ajayinö kwabawö lotjinama, juluwanö ja'yuwelö veintebedö ömadönö kwabawö lotjinobe.

1 Samuel 14:17

Jejenö dötjibajiökwe, Saulma öwaisachibinobe, —Ökwödötjö ju'wedöma filisteo jojodönö metjibajena, —jö̧ba̧lö, jo̧kwajabetjö̧ ömöayedönö weinobe, —Bemi jojodönö ba̧ja̧daduwi, ökwödötjö ti deojobö döwaisakobetjö̧, —jö̧ba̧lö. Weawö̧, tjö̧ba̧ja̧dinobe, ja̧danö ba̧ja̧dö, tjöwaisachibinobe, —Jonatanbi, ömöayo̧ ölakwabikwawa jawa kwebato̧bi detjobe, —jö̧ba̧lö.

1 Samuel 14:7

Yöa̧lökwe, Jonatan ömöayo̧ma atadinobe, —Okobe jwiinö kwomukwati̧danö ja̧bi, ötjöma jwaikwöda ökwönö pjabatö chö̧jakwo̧sa, okobe jwiinö kwomukwati̧ma, —jö̧ba̧lö.

1 Samuel 16:21

Jejenö Davidma Saul ömöayo̧ baibinobe, ja̧danö Saulma nöinö ile niebinobe Davidnö, ja̧danö jo̧banö ösödö, Davidnö ujuninobe, yönö ömöayo̧, Saul itea ölakwabikwawa jawa kwebato̧ baibanö.

1 Samuel 31:6

Jejenö bakwöta möle, Saulbi, i̧tji̧mu wamedukwabi, ömöayo̧ itea ölakwabikwawa jawa kwebato̧bi, ju'wedö jo̧bakwö ölakwabikwawadöbi okobe deinö i̧yada möle debö tji̧'yinobe.