Jueces 9:41 - Dios Iwene

⁴¹ Ikenama, jobadönö juluwajo̧, Abimelecma itebo comunidad Arumabe ȩwa̧jinobe. Ja̧danö, Zebulma Gaalnöbi, ömöledönöbi a'dewö loinobe, —Bemi tupakwö Siquen comunidadnö kwö̧jaduwobö jwiobe, —jö̧ba̧lö.

Jueces 9:41 Iomraidhean Croise

Jueces 9:28

ja̧danö Gaalma yöa̧linobe, —Ökwödö Siquen comunidad jojodöma, tajawedö Abimelec ömöayedö dö̧jobö? Jo̧ba Abimelecma ditebo jojobö̧kö̧, jo̧bama Gedeon itji̧, jö̧tö? Ja̧danö jo̧ba ömöayo̧ ditebotjö webo̧ma Zebul mikwo̧, jö̧tö? Jobadöma ditebo comunidad ajayinö ji̧na Siquen abe'do Jamor itji̧mu tupadanö jojodöböködö, tajawedö jobadö wetji̧ da̧ja̧kwobö. Ökwödöma sule ditebo ajayinö ji̧na ömöledö tjömöayedöda dö̧jobö jö̧ba̧ladösa, ite Abimelec ömöayedö dö̧joböma jwiobe.

Jueces 9:30

Siquen comunidad la'aka luwo̧ baibanö Abimelec ujuninökwe Zebul mikwo̧ma ja̧ Gaal yöa̧laja̧ a̧ja̧kwinobe, ja̧danö a̧ja̧kwö, ödameakwinobe.

Jueces 9:40

Ja̧danö Abimelecma Gaalnö ujuluwinobe, ja̧danö Gaalbi ömöayedöbi Abimelec öba a'otjö dötjibajinobe. Abimelecbi, ömöayedöbi jobadönö lutjinobe, comunidad apjudebe tjichibanö, ja̧danö ba̧jȩkwadö jobadönö kwabawö lotjinobe, comunidad tetjachakwa̧ abönö.

Jueces 9:42

Jemi ikena möle, Siquen comunidad jojodöma yemidanö tjölakwabikwawobö latjebinobe, ja̧danö Abimelecnö yötjawinobe, latjebakwa̧ jawama.