Jueces 9:38 - Dios Iwene

³⁸ Jejenö yöa̧lökwe, Zebulma Gaalnö obö weinobe, —Ökwöda Abimelecnö yöba̧linaja, –Tajawedö Abimelec ömöayedö dö̧jobö, –jö̧ba̧lö, jö̧tö? Ina yebabökönö kwö̧jiji̧? Bidö ölakwabikwawa jojodönöda oköbinobe, juluwöködö jö̧ba̧lö, jo̧kwajabetjö̧ babe jobadökwö kwölakwabikwawobö baibajabe. Jau Gaal, jobadönö, –Chölakwabikwawakwo̧sa, –jö̧ba̧lö yöka̧linadanö, babe badekwachinö jobadönö ölakwabikwawö labebi, —jö̧ba̧lö weinobe Zebulma, Gaalnö.

Jueces 9:38 Iomraidhean Croise

Jueces 9:37

Ikenama yemidanö edö, Gaal yöa̧linobe, —Isabenö jojodö möemitjö baikwö tjichobe cheda, ja̧danö ju'wibi bakwaso Encina towi nöowi, tupakwö baledakwa̧ yöbawadö tjitea towi ötjabowitjö baikwö tjichobe cheda, —jö̧ba̧lö.

Jueces 9:39

Weökwe, Gaalma Siquen comunidad luwedönöbi, ju'wedö ölakwabikwawa jojodönöbi öbibö laebinobe, ja̧danö Abimeleckwö tjölakwabikwawinobe.

1 Samuel 2:3

Ökwödö Diosnö öpöjödadöma otiwadösa jö̧ba̧lö yöka̧laduwi̧ma kabatakwawaduwi, baikwö yöta̧la, Isabenö Jo̧ma okobe jwiinö waiso̧ Dios, ja̧danö jo̧bada jojodö ja̧bö tjö̧ji̧ badedö edo̧ma, otiwojobö sulojobö jö̧ba̧lö, jo̧kwajabetjö̧ ju'wedötjö bajalekwönönöbedösa jö̧ba̧lö yöba̧lökönaduwi.