Jueces 8:32 - Dios Iwene

³² Ikenama, jwiinö pöe babibajo̧, Gedeonma ö'wö baibinobe, ja̧danö wobajo̧nö tjödinobe, Abiezersaso jojodö tjitebo comunidad Ofratjö, iteda abe'do Joasnö tjödinedo̧ iledo̧nö.

Jueces 8:32 Iomraidhean Croise

Génesis 15:15

Ina yöbawijetö Abramnö, bötisinö abemi okwanö: —Ja̧danö, ökwöma ina lekwe o̧biya, kwo̧'wo ösöwanö kwö̧jakwo̧ja. Ja̧danö, jwiinö pöe kwö̧jena woköbakobe. Ja̧danö, woköbenama kwömöledöma ökwönöma tjödakobe.

2 Samuel 2:32

Ja̧danö, Asael iteba'o e'ewö, Belenbe tje'ewinobe, ja̧danö jobetjö inawa ötölanö tjödinobe, Asael abe'dominenö tjödinölanö. Ja̧danö, lödajadö, yö̧te baledibanö, Hebronbe kwebachö tjȩwa̧jinobe, ja̧danö dewachena jenanö, Hebronbe tjichibinobe.

Diosnö ösödo̧ Job mikwo̧ usula emawina jawa 42:17

Ikenama, jwiinö pöe babibajo̧, jwiinö nöinö o̧biya juna̧lo̧ ö'wö baibinobe Jobma.

Diosnö ösödo̧ Job mikwo̧ usula emawina jawa 5:26

—Ja̧danö ju'wibi, ina möayo̧ kwö̧jayi woköbökakwo̧ja Job, Dios pjaatobetjö̧, jwiinö pöe babibajo̧da bajaliyanö woköbakwo̧ja, baikwö wanedö yötawa: Trigo ochobia juluwanö 'wibö ko̧ko̧dö lödöködö ina ö'dö̧wayima, sule otiwanö da̧peachö kaatena, otiwanö wa̧jö ajöchenada emadö, jö̧tö? Ja̧danö, Dios otiwanö pjaatobetjö̧, sule pöe babibajo̧, woköbo jö̧ka̧lenada ö'wö bakibakwo̧ja, Diosnö kwa̧ja̧kwiökwe otiwanö pjaatobetjö̧.

Jueces 6:24

Jemi ikenama, Gedeonma jobetjö Isabenö Jo̧nö iyawemi jobetjö otidinobe, ja̧danö otidajo̧, iyawemi imi imidinobe, —Isabenö Jo̧ma dösölö̧jinö edo̧, —jö̧ba̧lö. Ja̧ iyawemi Gedeon otidinemima, ina jobe Abiezersaso jojodö tjitebo Ofra comunidadnö bo̧be.

Jueces 8:27

Ja̧danö, tjiyaja̧ orotjö, Gedeonma Diostjö jojodötjö la'aka pjabato̧ 'duawado̧, omukosa̧do̧danö ichejekwi̧ nönawa jawa orotjö otidinobe, itebo comunidad Ofranö önobö. Ja̧danö, ja̧ otidaja̧tjö wene baibinobe. Israel jojodöma ja̧ otidaja̧ jawa bȩbachibö tjösödinobe, Dios tjösödobö weöködanö. Jo̧kwajabetjö̧ ja̧ Gedeon otidaja̧ma, israel jojodönö 'daliwadanö ji̧nobe, jweinö Diosnöda tjösödo jö̧tja̧li̧tjö 'da̧bachibö, otidaja̧ sulabenö tjösödakobetjö̧.

Jueces 8:31

Ja̧danö, bakwuju ömöayujudanö ilekwonö ujuna̧linobe Siquen comunidadtjö, ja̧danö jobujubi jitji̧nö jeminobe, ja̧danö Gedeonma jo̧banö Abimelec jö̧ba̧lö imidinobe.

Jueces 8:33

Ja̧danö, Gedeon ö'wö baibenama, israel jojodöma juluwanö Diosnö katjatibinobe, ja̧danö yemidanö Baal ötjabökwenö tjösödinobe. Diosnö kabatibö, Baal Berit ötjabökwenö tjösödinobe, duluwo̧ dios jö̧ba̧lö.