Jueces 8:30 - Dios Iwene

³⁰ Ja̧danö, Gedeonma ilekwamu ba̧jȩkwadönö ujuna̧linobe, ja̧danö itji̧mu ömadönö setentabedönö 'ya̧ebinobe.

Jueces 8:30 Iomraidhean Croise

Génesis 2:24

Jejenö baledinobetjö̧ bakwo̧ma abe'dotjöbi ojo'dotjöbi 'da̧bachibö labebajo̧ ilekwokwöda ö̧jo jö̧ba̧lö. Ja̧danö, jobadö du̧ju̧tajama iso̧kwö ilekwokwö bakwo̧da babibadö.

Génesis 46:26

Ja̧danö, okobe deinö Jacob i̧tji̧muda, ö'dö̧döda jo̧bakwö 'yi̧nadöma, sesenta y seisnö, i̧tji̧mu tji̧lekwamu ba̧ja̧dökönö.

Génesis 7:7

Ja̧danö, Noé, i̧tji̧mu, ilekwo, o̧jo̧li̧mu isowi okwa tebachijadötö, ojwiyo okwati̧tjö ju̧kwibadöma.

1 Reyes 11:3

Isabenö ba̧jȩkwadönö eminobe Salomonma, ju'wedö la'aka luwedö tji̧tji̧mu ya̧dötjö, setecientasbedönö eminobe, ilekwamu batjibanö, ja̧danö ju'wedöbi ömöayedödanöbedö ilekwamunö, trescientasbedönö eminobe. Ja̧danö, Dios ajayinö yöa̧linadanö baledinobe, jobadö Salomon ilekwamuma, jwaikwöda Diosnö ösödö ö̧ji̧ kaatibobö ötjibinobe.

2 Reyes 10:1

Israel la'aka luwo̧bina Acab itji̧mu tupadanö jojodötjö, setentabedö Samaria comunidadnö tjö̧jinobe. Jo̧kwajabetjö̧ Jehuma kwiyalu öjiya wȩyudö weinobe, Samaria comunidad la'aka luwedönöbi, ju'wedö luwedönöbi, Acab itji̧mu tupadanö jojodönö teada̧lakwawa luwedönöbi, baikwö:

Éxodo 1:5

Okobe deinö Jacob i̧tji̧mu, ö̧'dö̧dö setentanö jojodö ju̧kwijadötö. Ja̧danö, i̧tji̧ Joséma ida̧ökö Egiptonö ji̧jetö Jacob ichenama.

Deuteronomio 17:17

—Ja̧danö ba̧jȩkwadö ilekwamunö emoko kwuluwo̧duwi ö̧jakwo̧ma, jwaikwöda Diosnö ösödo jö̧a̧li̧tjö 'da̧bachibö i̧'yobö ötjibapji jö̧ba̧lö. Ja̧danö nöinö orobi, platabi iteda ujuna̧lobö emoko, inesö la'aka luwo̧ kwuluwo̧duwi ö̧jakwo̧ma.

Jueces 10:4

Jo̧ba Yairma itji̧mu ömadö treintabedönö ujuna̧linobe, ja̧danö jobadöma tjabe'donö pjatjatinobe, israel jojodö tjuluwedö ja̧nö. Jobadö treintabedö Yair itji̧muma, bakwo̧nökwena tjajwikwena bulo oma'anö kwetjachinobe, ja̧danö bakwo̧nökwena Galaad niji comunidadkwena la'aka luwedö tjö̧jinobe. Ja̧ treinta comunidadbiya wetjinemima, babe mölȩ baibanö Yair comunidadbiya jö̧ba̧lö ötjabobe, Yair itji̧mu jobe ja̧nö wetjinobetjö̧.

Jueces 12:14

Jo̧ba Abdonma itji̧mu ömadönö cuarentabedönö ujuna̧linobe, ja̧danö ö̧'dö̧dö ömadönö treintabedönö ujuna̧linobe. Okobe deinö Abdon itji̧mubi, ö̧'dö̧döbi bakwo̧nökwena tjajwi bulokwena tjujuna̧linobe, ja̧danö tjajwikwena oma'anö wanö kwebachiatjinobe. Jo̧ba Abdonma jelemutjö wapötakwa o̧biya baledibanö israel la'aka luwo̧ ö̧jinobe,

Jueces 12:9

Ibsanma itji̧mu ömadönö treintabedönö ujuna̧linobe, ja̧danö itji̧mu ya̧dönö treintabedönö ujuna̧linobe. Jo̧bama itji̧mu ya̧dönö weinobe, israel jojodötjö jelesokwena jojodönö tjemobö, iteda ömöledösaso jojodöböködönö, ja̧danö ju'wibi jelesokwena jojodötjö ya̧dönö ichejebinobe, itji̧mu ömadö tjilekwamu batjibanö. Jo̧ba Ibsanma jelemutjö dötölataja o̧biya baledibanö israel jojodötjö la'aka luwo̧ ö̧jinobe.

Jueces 8:31

Ja̧danö, bakwuju ömöayujudanö ilekwonö ujuna̧linobe Siquen comunidadtjö, ja̧danö jobujubi jitji̧nö jeminobe, ja̧danö Gedeonma jo̧banö Abimelec jö̧ba̧lö imidinobe.

Jueces 9:1

Ja̧danö, Gedeon ö'wö baibaja̧ ikenama, itji̧ Abimelecma iteda ojo'do jömöledöbi, jömöledösaso jojodöbi tjö̧jobekwö i̧'yinobe, Siquen comunidadbe. Ichibö, jobadönö yöa̧linobe baikwö:

Jueces 9:2

—Kwöwaisaduwa, ötjöma yöne kwömöledöso̧sa, chojo'do ökwödötjö jojosujujobetjö̧, jö̧tö? Ja̧danö, ditebo jojodöma Gedeon itji̧mutjö bakwo̧ la'aka luwo̧ ö̧jobö tjösöda, jö̧tö? Jo̧kwajabetjö̧, Siquen comunidad luwedönö yöka̧laduwobö ateba baikwö: –Okobe deinö Gedeon itji̧mu luwedö tjö̧joböma otiwökena, sule bakwo̧da, dömöledöso̧da la'aka duluwo̧ ö̧jobö otiwena, jö̧tö? –jö̧ba̧lö yöka̧laduwobö atebaduwakwö, ötjö yöne kwömöledöso̧nö luwo̧ batibanö tjujunakobetjö̧, —jö̧ba̧lö aebinobe.

Jueces 9:5

Ja̧danö, ömöayedönö öbibö, Ofra comunidadbe i̧'yinobe, abe'do Gedeon ejube, ja̧danö ichibajo̧, okobe deinö yö̧ne ömöledö Gedeon itji̧munö kwabawö loinobe. Inaba nöabatjö, okobe deinö jobadönö kwabawö loinobe, bakwawatjö. Okobe deinö Gedeon itji̧mutjö, sule bakwo̧da, bajaliya jojo Jotan mikwo̧da ö̧jibinobe. Ju'wedönö kwabö lotjijayonö, Jotanma u̧ju̧kwawinobe, ja̧danö jobadötjö̧ ö̧jibinobe.