Jueces 8:24 - Dios Iwene

²⁴ Israel jojodö tjujuluwajawö̧ma madianitas jojodöbi, ju'wedöbi ismaelitas jojodö tjö̧jinobe, ja̧danö ju'wedö ismaelitas jojodö tjö̧nidanö, orotjö otikwa sasiyu tjö̧ninobe. Ja̧danö, israel jojodö jobadönö tjujuluwenama, okobe jwiinö tjiteaja̧ma tjeminobe, tjitea baibanö. Ja̧danö, Gedeonma jojodönö aebinobe, —Ökwödönö ateba, okobe deinö kwemaduwaja̧ orotjö otikwa sasiyu ötjönö kwiyaduwobö, sasiyuda —jö̧ba̧lö.

Jueces 8:24 Iomraidhean Croise

Génesis 24:22

Ja̧danö, ka̧mȩyu̧dö owö katjatena Abraham ömöayo̧ma orotjö otikwa tji̧su jawabi, tji̧mȩ'a̧sako̧ doko̧lataja jawabi emijetö Abraham weinatjö̧ aja̧tjö̧, jwiinö mikwawi̧ jawama. Ja̧ tjisu̧ jawama seis gramos ömöki̧. Ja̧danö, jime'asako̧ jawama cien gramos bajalekwönönö ömöki̧. Ja̧danö, jobujunö iyö abebijetö:

Génesis 24:53

Ikenama, emö junijetö orotjö otikwabi, platatjö otikwabi. Kamijido̧bi lödijetö. Ja̧ma iyijetö Rebecanö. Ja̧danö, jöpöenöbi, jojo'donöbi iyijetö nöinö mikwawi̧ jawa.

Génesis 25:12

Ismaelma Abraham itji̧ Egipto jojosuju, Sara jömöayuju Agartjö. Böjanö tjimibiya ba̧ji̧ wȩyukwi̧ma Ismaeltjö tupadanö jojodö tjimibiya.

Génesis 25:13

Ja̧danö, Ismael i̧tji̧mu ömadöma bidö: Abönö pöema Nebaiot mikwo̧. Jo̧ba öjawo̧ma Cedar mikwo̧. Jo̧ba öjawo̧ma Adbeel mikwo̧. Jo̧ba öjawo̧ma Mibsam mikwo̧.

Génesis 35:4

Jo̧kwaobetjö̧ jobadöma jelobetjö o̧'wo̧ jawa tjichejebinawö̧nö ichejebö iyijadötö Jacobnö. Ja̧danö, sasiyubiyabi iyijadötö. Okobe jwiinö tjiyaja̧ma o̧tjö lobijetö Jacobma, towi nöowi, Moré mikwowi la'aka.

Génesis 37:25

Ikenama kwanö bi̧jadötö. Kwanö ba̧jö edijadötö ismaelitas jojodö, tea iyabidö tjichobe, Galaad nijitjö. Jobadöma, nöinö mikwawi̧ söinö omewi̧ jawa e'ewö tja̧jwi̧mu ka̧mȩyu̧dö tjoma'a wamenö wa̧nö 'yi̧jadötö Egipto nijibe.

Génesis 37:28

Ikenama ismaelitas jojodö tjöbaledena José öpöedöma Josénö lajutjö töbebö ismaelitas jojodö tjö̧jobekwö tötöbö mikwanö jö̧ba̧lö iyijadötö Josénöma, veinte plata jawa ö̧pi̧biya jö̧ba̧lö. Ikenama ismaelitas jojodöma e'ewijadötö Josénöma jobadökwö Egipto nijibe.

1 Reyes 20:11

Yötja̧lökwe, Israel la'aka luwo̧ Acabma atadinobe, —Kwuluwo̧duwinö yökawaduwo, –Bakwo̧ ölakwabikwawakwa̧ abönö, ajayinö ölakwabikwawa jawa 'duawenama, ujuluwaja̧ wene yöawobö jwibo̧ ina ujuluwokobetjö̧, sule ölakwabikwawaja̧ ikena, ölakwabikwawa jawa 'yobekwajo̧da ujuluwaja̧ wene yöawobö jo̧be, —jö̧ba̧lö.

Éxodo 12:35

Ja̧danö, Moisés atjebobö weaja̧danö ida̧ökö abebijadötö Israel jojodöma Egipto jojodönö tjiyobö orotjö otikwabi, platatjö otikwabi, kamisibi, Moisés ajayinö weaja̧danö.

Éxodo 32:3

a̧ja̧kwijadötö. Okobe deinö orotjö otikwa sasiyubiyama jȩbatö e'ewijadötö Aarónnö iyö.

Éxodo 32:4

Ikenama Aarónma ja̧ orotjö otikwa tjiyaja̧ ökwölanö tubinö tobajo̧ isobuma tjobebijetö isa'onö, pakaya itji̧danö ichejekwo̧ o'wo jawa baibanö. Jejenö otidijetö Aarónma pakaya itji̧danö ichejekwo̧ o̧'wo̧ jawa. Israel jojodöma Aarón otidajökwenö edö jö̧ba̧lijadötö: — Ökwödö Israel jojodö dösödökwe dios biteda. Biteda Egiptotjö ladebinö öbibö pjabatinama— jö̧ba̧lijadötö.

Éxodo 32:8

Ida̧kö ötjö wetina a̧ja̧kwökönö lotjajabe. Jobadöma orotjö otikwa ökwölanö tubinö tobajadö isobu isa'onö tjotjebinobe, pakaya itji̧danö ichejekwo̧ laebinö. Jemi ikenama o'wo jawa ösödö juwö tjiyajabe a̧ji̧kwakwawedönöma. Ja̧danö, yötjalobe, Ökwödö Israel jojodö dösödökwe dios biteda, jö̧ba̧lö. Biteda Egiptotjö ladebinö öbibö pjabatinama, jö̧ba̧lö, yötja̧lobe— yöbawijetö Isabenö Jo̧ma Moisésnöma. Ina yöbawijetö:

Jueces 8:25

Aebawö̧, —Jau, do̧'wo ösöwanö diyakwö, —jö̧ba̧lö tjatadinobe. Ja̧danö, nijinö sabana'wo pjabebö, okobe deinö bakwo̧nökwena tjemaja̧ sasiyubiya tjödinobe, Gedeon itea baibanö.

1 Samuel 25:11

Akebaduwaja̧ma, chu̧kwa panbi, ojwiobi, kwataja̧ itebiyabi ötjöda chömöayedö obejadö tjöwö'ye 'wibö otidadö tjukwobö jo̧be. Kwedaduwemi ja̧ ökwödö wajwitawö̧nö chiyenaji̧? Ökwödöma wajwitawö̧ja, wajwitobetjö ichajadöja, chiyökö ökwödönö, —jö̧ba̧lö atadinobe.