Jueces 8:18 - Dios Iwene

¹⁸ Ikenama, Gedeonma Zebanöbi, Zalmunanöbi abebö a̧ja̧kwinobe, —Tabor mösa'otjö kwabö loköbinaduwawö̧ma, didöjayedönö kwabö loköbinaduwa̧da? —jö̧ba̧lö. Aebawö̧, tjatadinobe, —Okobe deinö jobadöma ökwö kwichejekwi̧danö, inesö la'aka luwo̧ i̧tji̧mudanö ichejekwadönö kwabö lodijatö, —jö̧ba̧lö.

Jueces 8:18 Iomraidhean Croise

2 Reyes 1:7

Yötjawiökwe, —Ökwödönö badekwajö ja̧ jawa yöbawajo̧ma, dakwö ichejekwo̧da? —jö̧ba̧lö,

Judas 1:16

Jobadö sulabenö yöbawadönö baikwö yöta̧la: Diosnö sulabenö yöba̧ladö, ja̧danö ju'wibi jojodönö tjo̧'wo̧ sulinö yöba̧ladö, ja̧danö ju'wibi idöda sulabenö tjösödi̧ jawa isakwö ju̧kwadö, ja̧danö ju'wibi otiwo̧sa jö̧ba̧lö labinö yöba̧ladö, ja̧danö ju'wibi idöda tjemotö jö̧ba̧lö jojodö tjösödachibanö yöba̧ladö.

Jueces 4:12

Barac ölakwabikwawa jojodönö öbibö Tabor mösa'obe i̧'yiökwe, Sisarama i̧'yaja̧ wene yötjawi̧ a̧ja̧kwinobe,

Jueces 4:6

Ja̧danö, ju'wi möle bakwo̧ Neftalisaso comunidad Cedes jojo Barac mikwo̧nö jwöjinobe, jö̧jobekwö ichobö, ja̧danö ichibioko, jo̧banö yöjawinobe: —Barac, israel jojodö tjuluwo̧ Isabenö Jo̧ Diosma ökwönö weobe, –Neftalisaso jojodötjöbi, Zabulonsaso jojodötjöbi ölakwabikwawadö diez milbedönö ko̧ko̧di, ja̧danö ko̧ko̧dajo̧, jobadönö öbibö 'ya̧wi, Tabor mösa'obe.

Jueces 8:17

Ja̧danö ju'wibi, Peniel comunidadbe 'ya̧nö, tjöekwaka pjolö loinobe, ja̧danö Peniel comunidad ömadönö kwabawö loinobe.

Jueces 8:19

Tjatadökwe, Gedeonma yöa̧linobe, —Jobadö kwabö loköbinaduwawö̧ma, yöne chöjawo̧dö, chojo'do jitji̧munöda kwabö loköbinaduwobe. Isabenö wene isabenö yötawaduwakwö, jobadönö kwabö loköbinaduwökötjö̧ma, ökwödönö kwabö lotoko jö̧ta̧lajena, jo̧kwaijayonö kwabö loköbinaduwobetjö̧, balekwa mikwa kwabö lotakwawö̧ja, —jö̧ba̧lö.

Jueces 8:5

Ja̧danö, Sucot comunidadbe ichibö, Gedeonma Sucot jojodönö aebinobe, —Pan öpji̧ya chömöayedönö kwiyaduwobö atebaduwakwö. Madianitas jojodötjö inesö la'aka luwedö Zebanöbi, Zalmunanöbi ludobe, ja̧danö chömöayedö tjime'dawachibobe, —jö̧ba̧lö.