Jueces 8:1 - Dios Iwene

¹ Ja̧danö, Gedeon ö̧jobekwö ichibö, Efrainsaso jojodöma dameakwö yötja̧linobe Gedeonnö: —Ajayinö madianitas jojodönö kwölakwabikwawobö jö̧ka̧lenama, tajawedö ökwödönö jwököbinököda? Ökwödönöbi jwököbinatjö̧bö, pjabatö ökwödöbi dölakwabikwawakobetjö̧, —jö̧ba̧lö dameakwö labinö yötja̧linobe Gedeonnö.

Jueces 8:1 Iomraidhean Croise

2 Samuel 19:41

Ikenama israel jojodöma la'aka luwo̧ David ö̧jobekwö ichö yötja̧linobe, —Bidö dömöledö judasaso jojodöma sulabenö ökwödönö yöbawökönö, jobadöda ökwönö Jerusalenbe tetjatobö tjomukwatajabeta. Ökwödönö yöbawökönö ökwönöbi, okobe deinö kwömöledönöbi, kwömöayedö ölakwabikwawa jojodönöbi, Jordan mikwödö pekibaduwinö tjichejebajabe. Ökwödönö yöbawökönö, ökwö duluwo̧nö tjönaukwajabe ichejekwa, ökwödönö yötjawatjö̧bö, —jö̧ba̧lö.

2 Samuel 19:42

Yötja̧liawö, okobe deinö juda jojodöma tjatadinobe, —Ökwödönö kwomukwataduwoko, doma'apekwönö duluwo̧ Davidnö tjö̧naukwobö omukwatadö jöba̧lö. Kwöwaisaduwa, La'aka duluwo̧ Davidma ökwödö judasaso jojodö yö̧ne dömöledöso̧, jo̧bama judasaso jojo, jo̧kwajabetjö̧ dömöledöso̧nö pjatadotö jö̧ba̧lö jo̧banö otiwanö pjabatö dichejebajabe. Ökwödöma kwödameakwaduwoko. Ju'wibi David ökwödö jelesokwena jojodönö iyi̧tjö bajalekwönönö demotö jö̧ba̧löbi omukwatöködösa. Ökwödöma ja'yubebi duluwo̧ u̧kwa kwöködösa, ja̧danö ja'yubebi iyi̧ emöködösa. Jau dömöledö, ökwödöma sule dömöledöso̧nö dösölö̧jinö edö̧, ȩwa̧jobö pjadatajabe, ja'yubebi sulabenö omukwatökönö, jo̧kwajabetjö̧ kwödameakwaduwoko, —jö̧ba̧lö tjatadinobe.

Diosnö ösödo̧ Job mikwo̧ usula emawina jawa 5:2

—Usula emawö ja̧nö, kwödameakwoböma jwiobe Job, baikwö yötawa: Waisanö omukwatöködöma, waisachibökönö jwaikwöda dameakwö ju̧kwadö, ja̧danö ja̧ tjö̧dameakwi̧ma, ö'wö batjibobö ja̧i̧, jö̧tö? Ja̧danö wajwibadöma, ö'wiyabinö edadö ju'wedönö, ja̧danö ö'wiyabinö tjedobetjö̧, ja̧tjö̧ debö 'ya̧dö omukwatöködöma, jö̧tö?

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

Jueces 8:2

Yötja̧lökwe, Gedeonma atadinobe, —¡Kwödameakwaduwobö jwia chömöledö! Ökwödö kwujuluwaduwaja̧ma, ökwödö dujuluwaja̧tjö bajalekwönönö kwujuluwaduwajabe. Jau, ökwödö Abiezersaso jojodöma, sule jamatö dölakwabikwawatö, ja̧danö ökwödöma dölakwabikwawatjö bajalekwönönö kwölakwabikwawaduwajabe, döpöjojodönö kwujuluwaduwinö. Yötawaduwakwö, dölakwabikwawaja̧ ikena jamatö kwölakwabikwawaduwajayonö, yayonö dujuluwaja̧tjö bajalekwönönö kwujuluwaduwajabe.