Jueces 7:9 - Dios Iwene

⁹ Ja̧danö, i̧ya̧da yö̧te, Isabenö Jo̧ma Gedeonnö yöawinobe, —Tjo̧wi, madianitas jojodö tjabobe mekibobö badekwachajabe, isabenö jobadönö kwujuluwobö chiyajobetjö̧.

Jueces 7:9 Iomraidhean Croise

Mateo 1:20

Jobekwö omukwatö ö̧jonö, Duluwo̧ weökwe ángelma jo̧banö yöawinobe, i̧'wi̧dinö: —David itji̧ tupadanö jojo José, yebabökönuwi. Maríanö kwemo, kwilekwo bajibanö. Jelo̧nö ja̧bö metu'woma jö̧kuju. Dios O̧'wo̧ Luwo̧ ujulunöda metu'wo ju̧ju.

Mateo 2:13

Jobadö waisadö tjitebobe tjȩwa̧ja ikenama, Duluwo̧ weökwe ángelma Josénö i̧'wi̧dinö öwawachö yöawinobe baikwö: —A̧laibi. Tjemunöbi, tjemu ojo'donöbi öbibö Egypto nijibe döbibajaduwi. Ja̧danö jobe kwö̧jaduwo, yemidanö kwichaduwobö yötawenanö kabatö, Herodesma tjemunö kwabö loobö isakwakobetjö̧— jö̧ba̧lö yöawinobe ángelma.

Hechos 27:23

Jo̧da yö̧te ötjö Chuluwo̧ Dios, cho̧'wo̧ chöwana̧lökwe Dios weajökwe ángelma ötjönö öwawachö

Josué 10:8

Ja̧danö, Isabenö Jo̧ma Josuenö yöawinobe, —Josue, jobadö amorreo jojodö ölakwabikwawa jojodönö yekaboko. Jau Josue, isabenö jobadönö kwujuluwobö chiyajabe, jo̧kwajabetjö jobadötjö bakwo̧bi kwöba a'o ö̧joböma jwiakobe, isabenö okobe deinö jobadönö kwujuluwakobe, —jö̧ba̧lö.

Josué 11:6

Jejenö tjo̧ko̧kwiökwe, Josuema israel ölakwabikwawa jojodönö öbibö i̧'yinobe Merom ojwese'dobe. Ja̧danö, tjichibakwa̧ abönö, Isabenö Jo̧ma Josuenö yöawinobe, —Idö ko̧ko̧kwadönö yekabobö jwiobe Josue, isabenö jobadönö kwujuluwobö chiyakobetjö̧. Jau Josue, isabenö israel jojodö jobadönö kwabö lotjobö chiyocha, itekwayi, babedajayena baibakwa̧ abönö, ida̧ökö okobe deinö jobadönö kwabö loköbaduwakwedöja. Ikenama, jejenö jobadönö juluwajadö, tja̧jwi̧mu ka̧bayudö tji̧se'bo ja'önö 'wikebaduwo, kabayudöma otiwanö ö'öbakwawöködö batjibanö, ja̧danö kolukiyama juwö loköbaduwo, —jö̧ba̧lö yöa̧linobe Isabenö Jo̧ma Josuenö. Ikenama Josuema ömöayedö ölakwabikwawa jojodökwö ichibö meibinobe Meromtjö ko̧ko̧kwajadönö. Tjichibaja̧ wajwitjonö, juluwanö metjibinobe,

Josué 2:24

Ja̧danö Josuenö yötjawinobe, —Isabenö Jo̧ Diosma isabenö canaan niji demobö iyajabe, jobe ju̧kwadöma isabenö tjö̧bawö yetjabobe ökwödönö, —jö̧ba̧lö Josuenö yötjawinobe.

Jueces 3:10

Isabenö Jo̧ o̧'wo luwo̧ma Otonielkwö ichibinobe, ja̧danö pjaatinobe, otiwanö israel jojodönö jweebobö. Israel jojodönö öbibö, Cusan Risatayinkwö ölakwabikwawobö i̧'yinobe, ja̧danö Isabenö Jo̧ma pjaatinobe, jo̧banö tjujuluwobö, ja̧danö israel jojodö jo̧batjö tjö̧jibanö jo̧banö ujuluwinobe Otonielma.

Jueces 3:28

Ja̧danö, Aodma ju'wedönö weinobe, —Ötjökwö ichaduwi, Isabenö Jo̧ma döpöjojodö moabita jojodönö dujuluwobö iyajobetjö̧, —jö̧ba̧lö. Weawö̧, jo̧bakwö tji̧'yinobe, ja̧danö Jordan ojwe peikwemi tjötjeba̧linobe, moabita jojodö jobetjö dötjibapji jö̧ba̧lö, ja̧danö moabita jojodötjö bakwo̧bi ojwe peiboböma wetjinokobe.

Jueces 7:10

Jo̧kwaijayonö, ina mekibobö yekabitjö̧ma, tjabobekwö 'ya̧wibi kwömöayo̧ Fura mikwo̧kwö,

Jueces 7:8

Jo̧kwajabetjö̧, jejenö weobetjö̧, trecientosbedöma öla̧kwabikwawadö tjichejebaja̧ kwakwawa jawabi, trompetabi e'ewö, Gedeonkwö tji̧'yinobe, ja̧danö okobe deinö ju'wedönö tjȩwa̧jobö weinobe Gedeonma. Ja̧danö, Gedeonbi, jo̧bakwö ju̧kwadö trecientosbedöbi mösa'onö tjö̧jinobe, ja̧danö mösa'o la'aka wabekonö madianitas jojodö tjö̧jinobe.

1 Samuel 14:8

Atadökwe, Jonatanma yöa̧linobe, —Baikwö ja̧dakobe, jobadö tjö̧jobekwö 'da̧alakaemi döbaledakobe, ja̧danö baledajadö, jo̧badönö döwawachakobe, ökwödönö tjedobö.

1 Samuel 23:4

Tjatadökwe, Davidma yemidanö Isabenö Jo̧nö abebö a̧ja̧kwinobe, —Isabenö jobe di̧'yobö jo̧beji̧? —jö̧ba̧lö. Aebökwe, Isabenö Jo̧ma atadinobe, —Jau, a̧la̧ibö, Keila comunidadbe 'ya̧duwi, isabenö filisteo jojodönö kwujuluwaduwobö pjatatakobetjö̧, —jö̧ba̧lö.