Jueces 7:21 - Dios Iwene

²¹ Okobe deinö Gedeon ömöayedöma, mebibökönö jenada tjö̧jamatinobe, jo̧kwaijayonö okobe deinö madianitas jojodöma jwöbeba̧liabö dötjibajotö jö̧ba̧lö ö'ötjakwawinobe.

Jueces 7:21 Iomraidhean Croise

1 Reyes 20:20

Ja̧danö, labebajadö Siria jojodö tjö̧jobekwö ichibö metjibenama, okobe deinö bakwo̧nökwena siria jojodönö mebibö, tjöpöjojokwena kwabawö lotjinobe. Jejenö balediawö̧, ju'wedö siria jojodöma dötjibajinobe, jadanö israel jojodöma jobadönö mebibö lutjinobe. Ba̧jȩkwadö siria jojodönö kwabawö lotjinobe, jo̧kwaijayonö siria jojodötjö inesö la'aka luwo̧ Ben-adadma, ajwi kabayunö wanö, ju'wedö kabayunö wanö ölakwabikwawa jojodökwö döbibajö ö̧jibinobe.

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Proverbios 28:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Sulabenö ja̧bö ju̧kwadöma yebabinö döbibajadö, ökwödönö do̧batö tjicha, jö̧ba̧lö. Jobadönö do̧tjatobö ichadö deijayonö, tjicha döbibajo, jö̧ba̧lö yebabinö döbibajadö. Jobekwö yetjabokobe Dios wei̧ a̧ja̧kwadöma. Yebaböködö. Didiba möayo̧ juluwo̧ didibadanö yebaböködö.

Isaías 30:15

Jobekwö isabenö baledakwawö̧ja chömöledö, Dios yöawi̧ kwöpöjödinaduwobetjö̧. Jau chömöledö, Isabenö Jo, Israel jojodö tjösödökwe Sulabe Jwibo̧ Diosma ökwödönö yöawinobe, —Sulabenö kwomukwataduwi̧ kabatibö, tjebachajö ötjönö kwo̧'wo kwöwana̧laduwitjö̧ma, kwö̧jibaduwakwedöja. Kwujuluduwi̧ma, ökwödöda jawamaökö, wi̧inö ja̧nö, ötjönö ösödö kwo̧'wo kwöwana̧laduwitjö̧ma, ja̧ kwösödaduwi̧da kwujuluduwi̧danö ja̧kobe, —jö̧ba̧lö yöawinobe. Jo̧kwaijayonö yöawi̧ a̧ja̧kwajadö, kwösödaduwoböma öpöjödinadöja chömöledö.

Isaías 30:7

Jau, Egipto la'aka luwo̧ma pjaatakwo̧, jö̧ba̧lö omukwatö tji̧'yijayonö, Egipto niji la'aka luwo̧, –Pjatatakwo̧sa, —jö̧a̧li̧ma mikwawokobe. Jau, inesö juluwo̧ Rahab ötjabökwedanö juluwo̧ Egipto luwo̧ma, jö̧ba̧lö ichejekwijayonö, ja'yubebi pjabatö̧kö̧. Jo̧kwajabetjö̧ jo̧banö baikwö ötabocha, –Ba̧nöda bo̧ Rahab, –jö̧ba̧lö jo̧banö ötabocha, ja'yubebi pjaatokobetjö̧, —jö̧ba̧lö laebobe Dios yöawi̧ma.

Hebreos 11:34

Ja̧danö, jobadötjö ju'wedöma Diosnö tjo̧'wo̧ tjöwana̧lobetjö̧ ökwöla nöolanö töbebö lotjajayonö ja'yubebi tjubibinokobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma tjöpöjojodö tibatö lotjo jö̧tja̧lijayonö titjatinököwö̧, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedö me'dawachibadöma Diosnö tjo̧'wo̧ tjöwana̧lobetjö̧ tjujuluwachibanö pjaatinobe Diosma jobadönöma. Ja̧danö, jobadötjö ju'wedö juluwöködödanö ichejekwadöma tjöpöjojodö 'böbabikwawö ichajadöma 'dötjibajinö tjujuluwinobe, Diosnö tjo̧'wo̧ tjöwana̧lobetjö̧. Yelösöda chömöledö, ba̧jekwadö tjuju̧kwinobe Diosnö tjo̧'wo̧ wana̧lö ju̧kwinadöma.

Jueces 7:20

Jejenö wapösokwa jojodö bakobe trompeta pjubö, o̧yubiya 'datjebinobe, ja̧danö wajwitjobekwö tjömamunö dȩju̧wa'yu do̧tja̧lonö, tjöwaisobekwösamu trompeta do̧ba̧lö pjutjinobe, ja̧danö pjubajadö, labinö jwötjeba̧linobe, —Duluwo̧ Isabenö Jo̧ iminöbi, duluwo̧ Gedeon iminöbi, döpöjojodönö kwakwadakwawajo kwölöte'onö, —jö̧ba̧lö.