Jueces 7:17 - Dios Iwene

¹⁷ jobadönö weinobe, —Madianitas jojodö tjabobe tjösawö di̧'yakobe, ja̧danö jejenö tjösawö dö̧jenama, ötjö chi̧sȩbi̧ kwedaduwo, bakwa̧inö ja̧ti̧danö ökwödöbi ja̧köbaduwakobetjö̧.

Jueces 7:17 Iomraidhean Croise

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

1 Corintios 11:1

Jau chömöledö, ötjöma Cristo ja̧bö i̧sebinadanö ja̧bö chö̧jobe, ja̧danö ökwödö Corintio jojodöma ötjö ja̧bö chi̧sebi̧danö ja̧bö kwö̧jaduwo chömöledö.

Hebreos 13:7

Chömöledö, kwomukwataduwo ökwödönö ajayinö Jesús yöawina wene yöbawinadönö, kwöwaisachibaduwinö pjabatinadönöma. Jobadö Diosnö tjo̧'wo̧ wana̧lö tji̧'yina kwomukwataduwo. Jobadöma okobe jwiinö tjö̧ji̧ma, wotjenanö baibanö, Diosnö tjo̧'wo̧ wana̧lö tji̧'yinobe. Chömöledö, jobadö tjö̧jinadanö ökwödöbi kwö̧jaduwo, Diosnö kwo̧'wo̧duwi wana̧lö. Ja̧danö, jobadö yöbawinadöma jweinö yötjawinobe Jesucristonöma.

1 Pedro 5:3

Ja̧danö labinö weba̧löma kwite'ada̧laduwoko, otiwanö ja̧bö kwi̧sebaduwodönö, jobadöma ja̧bö kwö̧jaduwi̧ edö bakwainö ja̧bö tjö̧jakobetjö̧.

Jueces 7:16

Ja̧danö, ömöayedönö wapösokwa batjibanö 'da̧batö ujuninobe, ja̧danö okobe deinö ömöayedönö bakwo̧nökwena trompeta iyinobe, ja̧danö ju'wibi bakwo̧nökwena i̧sa̧yu iyinobe, ja̧danö i̧sa̧yu okwa dȩju̧wa'yubiya uba'yu̧ iyinobe. Ikenama, jejenö iyajo̧,

Jueces 7:18

Ötjöbi, ötjökwö yö̧ne ju̧kwadöbi trompeta pjudakobe, ja̧danö jejenö pjudenama, ökwödö tjabemi tjösawadöbi pjuköbaduwo, ja̧danö pjubadö, jwökeba̧laduwo, –Duluwo̧ Isabenö Jo̧ iminöbi, duluwo̧ Gedeon iminöbi dölakwabikwawo, —jö̧ba̧lö.

Jueces 9:48

Abimelecma ömöayedö ölakwabikwawa jojodönö öbibö i̧'yinobe, Zalmon mösa'obe, ja̧danö o̧tomo'anö imi jubö painobe, ja̧danö di̧batibö, öböbe'onö öwaninobe, e'ewobö. Ja̧danö ömöayedö ölakwabikwawa jojodönö weinobe, —Babe chi̧sȩbaja̧danö, ökwödöbi juluwanö ja̧baduwi, —jö̧ba̧lö.