Jueces 7:11 - Dios Iwene

¹¹ jobadö yötja̧lakwawi̧ kwa̧ja̧kwobö. Ja̧danö, yötja̧lakwawi̧ a̧ja̧kwö, kwujuluwachibanö kwa̧ja̧kwakwo̧ja, yebabökönö tjabobe mekibakobetjö̧, —jö̧ba̧lö. Yöawökwe, Gedeonma ömöayo̧ Furakwö tjöpöjojodötjö ölakwabikwawadö tjabemibe yöne i̧'yinobe.

Jueces 7:11 Iomraidhean Croise

Génesis 24:14

Bakwujunö ichajunö atebocha ojwiyo waawayu̧ je'ewaja̧yu̧ meatö jujunobö, wa'yebö chowobö. Jejenö ateboko, jao wa'yebö owi, kwa̧jwi̧mu ka̧mȩyu̧dönöbi chiyocha, jö̧ba̧lö, atadujunöma, isabenö bisuda, jö̧ba̧lö chöwaisachibakobe. Bisuma Isabenö Jo̧ Dios omudawö ujunoko ömöayo̧ Isaac ilekwo bajibobö, jö̧ba̧lö, chöwaisachibakobe. Jejenö chöwaisakobe dösölö̧jinö edö pjakatajabe chuluwo̧ Abrahamnöma, kwiwene yöbawö chujuninadanö baibanö— abebijetö Abraham ömöayo̧ma Isabenö Jo̧ Diosnö.

Éxodo 13:18

Jo̧kwaobetjö̧ jelobekwö öbibijetö Diosma Israel jojodönöma jojodö deenada tji̧'yobö, o̧pesobu duwobu mikwobu lo̧bekwö. Ja̧danö, Israel jojodö Egiptotjö labebajadöma kwakwaakwawakwö, ja̧danö 'böabikwawakwö tjömamijunö do̧ba̧lakwawö labebijadötö.

Efesios 3:16

Jo̧bama jwiinö juluwo̧obetjö̧ ökwödönö pjaatobö atebobe jo̧banö, Dabe'do Diosnöma. Iteda O̧'wo̧ Luwo̧ma ökwödö kwo̧'wo̧ luwo̧duwi juluwachibanö pjaatobö, ja̧danö, tupakwö kwi̧'yaduwobö atebobe chömöledö.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

Filipenses 4:13

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.

Jueces 7:10

Jo̧kwaijayonö, ina mekibobö yekabitjö̧ma, tjabobekwö 'ya̧wibi kwömöayo̧ Fura mikwo̧kwö,

1 Samuel 14:12

Ja̧danö, jobe ölakwabikwawa jojodö tjö̧jemitjö ju'wedö filisteo jojodöma Jonatannöbi, ömöayo̧nöbi jwötjinobe, —Baikwö nöchö ichaduwi, dujulu di̧sebakobetjö̧, —jö̧ba̧lö. Yötja̧lökwe, Jonatanma ömöayo̧nö yöa̧linobe, —Chökömanö ichi, tjö̧jobekwö dönöcho, Isabenö Jo̧ma isabenö ökwödö israel jojodö jobadönö dujuluwobö iyajabe, —jö̧ba̧lö.

1 Samuel 23:16

Ja̧danö, Horesnö ö̧jono, Saul itji̧ Jonatanma David ö̧jobekwö Davidnö edö i̧'yinobe, ja̧danö jo̧banö ujuluwachibanö pjaatinobe, —Isabenö Diosma ökwönö pjaatakobe, —jö̧ba̧lö.

1 Samuel 26:6

Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.