Jobekwö sulabenö ja̧bö tjö̧jiökwe, yemidanöbi, yemidanöbi iteda yöawi̧ yöbawadönö webiainobe Isabenö Jo̧ma, Israel jojodönöbi Juda jojodönöbi yötjawobö: —Sulabenö ja̧bö kwö̧jaduwi̧ kabatibö, ja̧bö kwö̧jaduwobö weti̧bi, ju'wi weti̧bi a̧ja̧kwö kwö̧jaduwo, kwa'dödönö wetina Moises i̧wȩyudinadanö, ja̧danö ju'wedö yötawi̧ yöbawinadö yötjawinadanö a̧ja̧kwö kwö̧jaduwo, —jö̧ba̧lö iteda yöawi̧ yötjawobö weinobe.
Jueces 6:8 - Dios Iwene8 ja̧danö jejenö tjubudekwiökwe, Isabenö Jo̧ma iteda yöawi̧ yöbawo̧nö weinobe, israel jojodönö yöawobö: —Baikwö yöawobe Isabenö Jo̧, israel jojodö tjuluwo̧ Diosma, –Ökwödötjö ajayinö ji̧nadöma Egipto jojodö tjömöayedö tjö̧jinobe Egipto nijinö. Jo̧kwaijayonö, usula emawö, ju'wedö tjömöayedö tjö̧jinelö, jobadönö labebö ötibijatö ökwödötjö ajayinö ji̧nadönö. Faic an caibideil |
Jueces 6:8
12 Iomraidhean Croise
Ja̧danö, Moisésma yöba̧lijetö Israel jojodönöma: —Babe möle, Egiptotjö lakebaduwi̧ mölema ba̧kwȩlö̧jatebö kwomukwataduwo, Isabenö Jo̧ma Egipto jojodö usula emawö kwotidaduwobö wetji̧tjö kwö̧jibaduwinö pjaatobetjö̧. Iteda ujulu i̧sebö Isabenö Jo̧ma Egiptotjö lakebaduwobö pjaatobetjö̧ ba̧kwȩlö̧jatebö̧ kwomukwataduwo. Jo̧kwaobetjö̧ bakwȩlö̧jatebö bite ja̧wo̧ badekwachena ba'ali kukwaduwo 'ye'yeachö̧kö̧ pankwö.
Jau, Egipto jojodö tjujulutjö tjö̧jibanö pjatatijatö, ja̧danö okobe deinö ju'wedö kwa'dödönö sulabenö ja̧badötjö tjö̧jibanö pjatatijatö, ja̧danö ju'wibi tjöpöjojodö ajayinö bemi nijinö ji̧nadönö tjöba a'otjö a'dewö lotijatö. Jejenö bemi niji, ajayinö kwöpöjojodö tjö̧jinemi ökwödö israel jojodönöda chiyijatö, kwiteboduwi baibanö.
Ja̧danö, ko̧ko̧kwö a̧ja̧kwadönö yöawinobe baikwö: —Baikwö yöawobe Isabenö Jo̧, ökwödö israel jojodö Duluwo̧ Diosma: –Ötjöma ökwödö israel jojodönö egipto nijitjö lakebaduwinö chichejebijatö, ja̧danö egipto jojodö tjujulutjöbi, okobe deinö ju'wedö usula kwemaduwinö tjitebokwena jojodö tjujulutjöbi kwö̧jibaduwinö pjatatijatö.
Sanasan